12 ¹ Ol dispela lo bai yupela holim stap long graun Yawe, God bilong ol tumbuna, em givim yupela long kisim, bai yupela istap olgeta taim long graun. ² Bai yupela tru tru bagarapim ol dispela ples ol giaman god stap antap long bikpela maunten na ol liklik maunten na aninit long ol diwai. ³ Yupela i mas brukim daun ol alta, brukim ol stone pos, bilong dispela ples bilong ol giaman god na bagarapim ol giaman god Asera na bagarapim olgeta. ⁴ Yupela bai i no inap lotuim Yawe God bilong yupela wantaim ol giaman god. ⁵ Tasol long dispela ples Yawe God bai i makim bilong olgeta lain na putim nem bilong en; dispela bai i kamap ples bilong em na long dispela ples bai yupela go. ⁶ Long dispela ples bai yupela bringim ofa bilong paia i kukim oigeta, ol ofa bilong yupela, namba 10 hap, ol ofa yupela mekim long han biong yupela yet, ofa bilong promis, ofa bilong givim long laik na namba wan pikinini sipsip. ⁷ Long dispela hap bai yu kaikai long ai bilong Yawe God na apim han bilong yupela wantaim ol lain bilong yupela stap long haus na amamas olsem Yawe God i bin blesim yupela. ⁸ Bai yu no inap mekim olgeta samting mipela i mekim long hia nao, olgeta manmeri i mekim samting we ai bilong ol i lukim. ⁹ Long wanem yupela i no kam long dispela hap bilong malolo, long dispela ples Yawe God i laik givim yupela. ¹⁰ Tasol taim yupela go long hapsait long Joden, graun Yawe God i givim yupela long kisim, em bai givim yupela ol arapela graun bilong ol birua inap long yupela i stap gut. ¹¹ Dispela ples Yawe God i laik makim na putim nem bilong em - long dispela ples bai yupela i bringim olgeta samting mi tokim yupela: Ofa bilong paia i kukim olgeta, ol ofa, namba 10 hap, ol ofa yupela i mekim long han na ofa bilong givim long laik em ol promis ofa bai yupela mekim long Yawe God. ¹² Bai yupela amamas na litimapim nem bilong Yawe God - em ol pikinini man bilong yupela, ol pikinini meri, ol wokmeri, na ol Livai husait i stap long banis, long wanem ol i no gat graun bilong ol. ¹³ Yupela harim gut yupela i no mekim ofa bilong paia i kukim olgeta long ples yu lukim long en; ¹⁴ tasol long dispela ples, Yawe God bai i makim wanwan bilong ol lain bilong yupela yet na ol bai i mekim ofa bilong paia i kukim olgeta na long dispela hap bai yupela bai mekim olgeta samting mi tokim yupela. ¹⁵ Olsem na yupela i ken kilim olgeta abus bilong yupela long banis long laik bilong yupela yet; kisim ol blesing Yawe God i bin givim yupela; em ol klinpela na i no klinpela man i ken kaikai ol dispela abus olsem gasel na dia. ¹⁶ Tasol yupela i noken kaikai blut; kapsaitim nabaut long graun olsem wara. ¹⁷ Yupela bai i no inap kaikai insait long banis bilong yupela namba 10 hap wit i kamap long graun bilong yupela, nupela wain, wel, o namba wan pikinini sipsip; na bai yu no inap kaikai ol mit ol kukim bilong mekim promis o, ofa bilong mekim long laik, o ofa yupela i mekim long han bilong yupela. ¹⁸ Tasol bai yu kaikai long ai bilong Yawe God bilong yupela long ples Yawe God makim yupela, ol pikinini man na meri, ol wok meri na ol Livai husat i stap insait long banis bilong yupela; bai yupela amamas long Yawe God bilong yupela long olgeta samting yupla putim han long en. ¹⁹ Harim gut dispela tok na noken rausim ol Livai long taim yupela i stap long dispela graun. ²⁰ Taim Yawe God i surukim mak bilong yupela, olsem em i bin promisim yupela na yupela i bin tok, 'bai mipela kaikai bodi', long wanem yupela i gat bikpela laik long kaikai mit, olsem na bai yupela i kaikai long laik bilong yupela yet long mak bilong bel bilong yupela. ²¹ Sapos dispela ples Yawe God bilong yupela i makim long putim nem bilong em i stap longwe long yupela, olsem yupela i ken kilim sipsip we Yawe God i bin givim yupela, olsem mi bin tokim yupela; bai yupela i kaikai insait long banis bilong yupela yet, olsem long laik bilong bel bilong yupela. ²² Olsem ol gasel na dia yupela kaikai, bai yupela kaikai long en, ol i no klin na klinpela man i ken kaikai long en. ²³ Yupela i mas save olsem yupela i no kaikai blut, dispela blut em i gat laip, osem bai yupela i no inap kaikai laip wantaim mit. ²⁴ Yupela i no ken kaikai; yupela kapsaitim nabaut long graun olsem wara. ²⁵ Yupela bai i no inap kaikai, olsem em bai i gutpela tumas long yupela na ol pikinini i bai kam bihain long yupela, taim yupela i mekim pasin i stret long ai bilong Yawe God. ²⁶ Tasol ol samting bilong Yawe God yupela i gat na ol ofa bilong promis bilong yupela - bai yupela i mas kisim na go long ples Yawe God i makim. ²⁷ Long dispela hap bai yupela mekim ofa bilong paia i kukim olgeta, ol mit na blut, long alta bilong Yawe God; na blut bilong ol ofa bilong yupela i mas kapsaitim antap long alta bilong Yawe God na bai yupela kaikai mit bilong en. ²⁸ Harim na bihainim dispela tok mi tokim yupela, em bai go gut wantaim yupela na ol pikinini bilong yupela bihain, sapos yupela mekim gutpela na stretpela pasin long ai bilong Yawe God bilong yupela. ²⁹ Taim Yawe God bilong yupela i rausim ol kantri i stap klostu long yupela, taim yupela i go bilong kisim ples bilong ol na yupela bai stap insait long graun bilong ol, ³⁰ lukautim gut long yupela yet, nogut yupela i pundaun long hevi bilong ol, bihain bai ol i kisim bikppela bagarap long yupela- kalabus bilong wok painim aut bilong giaman god na askim, 'Olsem wanem dispela kauntri i lotuim god giaman bilong ol? Mi bai mekim wankain pasin.' ³¹ Yupela i noken lotuim Yawe God bilong yupela long dispela kain rot, long olgeta samting ino stret long Yawe God, em ol samting em i no laik - ol i bin mekim dispela samting wantaim god giaman bilong ol; ol i save kukim ol pikinini man na ol pikinini meri long paia long giaman god bilong ol. ³² Wanem ol samting mi tokim yupela long mekim em yupela i mas lukluk na mekim.Yupela i noken putim tingting bilong yu antap o rausim wanpela long ol dispela tok.