11 ¹ Long namba wan yia bilong Dairus insait long kantri bilong em, mi yet mi kam long stap baksait na lukautim Maikel. ² Nau bai mi tokim yu stret. "Tripela king bai i kamap long kantri Pesia" na namba 4 man bai i gat planti gutpela samting long ol arapela. Taim em i kisim strong long ol dispela samting bilong em, em bai i mekim olgeta manmeri i pait bek long ol kantri bilong ol Grik. ³ Na strongpela king bai i kamap, husait bai i kontrolim bikpela kantri na em bai i bihainim laik na tingting bilong em yet. ⁴ Taim em i kamap ples klia. Kantri bilong em bai i bruk i go long 4-pela hap olsem win bilong heven, tasol ino long ol tumbuna bilong em, na i no wantaim pawa bilong em we em i bin kontrolim. Tasol ol arapela we i stap klostu long ol tubuna bilong em bai i kisim biknem bilong em waintaim olgeta gutpela samting bilong em. ⁵ Na king bilong Saut bai i kamap strong, tasol wanpela soldia bilong em bai i kamap strongpela moa na i winim king na em bai i kontrolim kantri bilong king wantaim bikpela pawa. ⁶ Bihain long sampela yia, long dispela taim stret, olgeta manmeri bai i wok bum wantaim. Pikinini meri bilong king bilong Saut bai i kam long king bilong Not long kamapim ples klia ol tok ol i bin pasim, tasol em bai i no inap larim han bilong em i stap strong, na i no sanap strong o larim han bilong em i stap strong. Em bai i les na lusim-- na papa bilong em wantaim ol lain i kisim em i kam na ol lain we i bin sapotim em long dispela taim tu i les na lusim. ⁷ Tasol long famili bilong em wanpela husait bai i kam bihain bai i kisim ples bilong em. Em bai i bagarapim ol ami na go insait long strongpela banis bilong king bilong ol Not. Em bai pait waintaim ol na ol bai i stap aninit long em. ⁸ Em bai i kisim i go long Isip, ol god bilong ol na ol lus aien i gat namba wantaim ol kontena i pulap wantaim silva na we mani bilong em i antap. Long sampela yia em bai i stap long we long king bilong ol Not. ⁹ Na king bilong Not bai i kam insait long bikpela namba bilong king bilong Saut, tasol em bai i lusim ples graun bilong em yet. ¹⁰ Ol pikinini man bilong em bai i redi na bungim ol bikpela lain ami na ol bai i pulapim olgeta hap, na ol bai i go olgeta long hap we ol i lukautim na i strong tumas. ¹¹ Na king bilong Saut bai i belhat nogut tru na em bai i go na pait bek wantaim king bilong not. King bilong Not bai i bungim ol bikpela ami, tasol ol ami bai i go long han bilong em. ¹² Na ol ami bai i pinis nating na bel bilong king bilong saut bai i go antap tru na em bai i mekim 10 tausen soldia long go pait tasol em i no inap long winim pait. ¹³ Na king bilong Not bai i kisim ol arapela ami we i winim ol ami i bin kam pas lain, bihain long sampela yia, king bilong Not bai i kam wantaim bikpela lain soldia wantaim planti ol samting bilong pait. ¹⁴ Long dispela taim planti bai i pait bek long king bilong ol Saut. Ol pikinini man bilong pait bek long ol manmeri bilong ol, bai ol i stap stret long mekim ol driman i kamap tru tasol ol i no inap. ¹⁵ Na King bilong Not bai i kam kapsaitim dispela graun wantaim ol soldia bilong em i raunim na karamapim na banisim dispela siti na holim ol manmeri i go long kalabus. Na strong bilong ol Saut bai i no inap stap moa wantaim ol strongpela ami bilong ol, bai i nogat strong bilong ol long sanap gen. ¹⁶ Long wanem, husait i kam bai bihainim wankain laik bilong em long pait wantaim em, nogat wanpela bai i pasim rot bilong em. Em bai i stap long graun we i gutpela tru na ol bagarap bai i stap long han bilong em. ¹⁷ Na king bilong Not bai i putim pes bilong em long kam wantaim strong na olgeta samting bilong em, na em bai i wanbel waintaim king bilong ol Saut. Em bai i givim pikinini meri bilong en long em bai i maritim em, na em i laik kontrolim olgeta hap kantri bilong Saut. Tasol tingting bilong em bai i no inap long kamap o helpim em. ¹⁸ Bihain long dispela, king bilong ol Not bai i lukautim gut ol ples i stap arere long solwara na bai i holim planti bilong ol.Tasol lida bilong ol soldia bai i lusim ol bel kros bilong em na bai i mekim i kam antap long em yet. ¹⁹ Na bai em i harim toktok bilong ol strongpela taun long kantri bilong em yet, tasol bai em i hatwok na pundaun na ol bai i no inap tru long painim em. ²⁰ Na wanpela bai i kirap na kisim ples bilong em na mekim man bilong kisim takis i kam olsem wanpela gutpela samting bilong kantri. Tasol long narapela dei em bai i bruk i go daun, tasol i no bilong belhat o pait. ²¹ Wanpela les man bai i kisim ples bilong em we olgeta manmeri i no inap givim biknem long em olsem em i king bilong ol, na em bai i kam long giaman rot we ol man i no ting long en na bosim kantri. ²² Na ol ami bai i pinis olsem wara i tait bihain long em. Olgeta ami waintaim ol lida bilong ol lo bai i bagarap. ²³ Long taim we ol i wok bum wataim em, em bai i kamap olsem man bilong tok tru wantaim liklik hap ol manmeri em bai i kamap strong tru. ²⁴ I nogat tok orait wantaim bai em i kam long wapela provins we i pulap long planti gutpela samting, na em bai i mekim wanem we ol tubuna bilong em i bin mekim, em bai skelim bikpela prais wantaim ol stil samting na bikpela mani i go long olgeta manmeri husait i save bihainim em. Long taim bilong em stret bai em i tingting long rausim ol ples we i strong tumas. ²⁵ Em bai i soim strong na pawa bilong em wantaim bel bilong em long king bilong ol Saut wantaim ol bikpela ami bilong em. Na king bilong Saut bai i pait bek wantaim bikpela na ol strongpela ami. Tasol em bai i no inap sanap strong long wanem ol arapela bai tingting long pait wantaim em. ²⁶ Ol lain i kaikai ol gutpela kaikai bilong em tu bai i tanim na bagarapim em na ol soldia bilong em bai i pinis nating olsem wara i tait na planti bilong ol bai ol i kilim ol. ²⁷ Tupela king wantaim pasin nogut bilong pait namel long tupela yet i pulap long bel bilong tupela. Bai tupela i sidaun long wanpela tebol na giamanim tupela yet, tasol em i no inap kamap na arere bilong en bai i kamap long dispela taim ol i pasim i stap. ²⁸ Na king bilong Not bai i go bek long ples graun bilong em wantaim planting samting tasol bel bilong em i no stap stret wantaim stretpela lo, em bai mekim olsem na go bek long ples graun bilong em yet. ²⁹ Long taim we ol i bin makim long em bai em i kam bek na pait bek long king bilong ol Saut. Tasol nau em bai i no inap wankain olsem bipo. ³⁰ Ol ship bilong Kitim bai i kam pait bek long em na em bai i poret nogut tru na i go bek. Em bai i belhat nogut tru long ol dispela stretpela lo na em bai i soim ol gutpela pasin long ol lain i lusim pinis ol dispela stretpela lo. ³¹ Strong bilong em bai i kamap bikpela na i no inap tingim ol samting bilong tempel. Ol bai i rausim ol ofa bilong paia i kukim olgeta, na ol bai mekim dispela ples olsem ples bilong mekim ol pasin i nogut. ³² Long ol lain husait ino strong tumas long bihainim ol lo. Em bai giamanim ol na bagarapim ol, tasol ol manmeri i save olsem God Yawe em God tru bilong ol bai i stap strong na wokim samting. ³³ Ol man i gat gutpela tingting i stap namel long ol manmeri tasol bai i mekim ol i save long dispela, tasol ol bai i kisim bagarap long bainat na long paia. Bihain long sampela dei ol bai rausim ol samting bilong ol na putim ol long kalabus. ³⁴ Long taim nogut bilong ol, bai ol i kisim liklik helpim we planti bilong ol bai i bihainim pasin giaman bilong ol. ³⁵ Sampela ol save man bai painim hat na pasin bilong stretim ol yet bai kamap long ol, pasin bilong klinim ol yet na kamap klin inap long arere bilong en. Long wanem dispela taim i wok long kam yet. ³⁶ Na king bai bihainim laik bilong em yet na apim em yet na mekim em yet i kamap bikpela antap long olgeta god, em bai mekim ol toktok bilong mekim yu i kirap nogut long God bilong ol god, long wanem em bai pilim orait tru inap bikpela belhat i pinis long wanem samting em i bin tok long kamap bai i kamap. ³⁷ Em bai i no inap tru long harim toktok bilong ol god bilong ol tubuna bilong em o ol god we ol meri i save laikim tumas. Na bai i no inap tru long harim toktok bilong ol arapela god tasol em bai i mekim em yet i kamap bikpela antap long ol arapela. ³⁸ Em bai i givim biknem long ol strongpela god na ino long God Yawe. Em i god we ol papa bilong em i no bin tokim em olsem, em bai i givim ol gol na silva, wantaim ol ston i gatim bikpela mani na ol arapela samting i antap. ³⁹ Em bai bagarapim ol stronpela hap bilong ol king wantaim helpim bilong ol arapela god. Husait wanpela i mekim gutpela toktok long em, em bai i givim em planti gutpela samting na mekim ol i kamap olsem ol lain bilong lukautim planti manmeri na bai em i skelim graun olsem ol pei bilong ol. ⁴⁰ Long taim klostu long pinis king bilong Saut bai i kam long barapim ol na king bilong Not bai isi tasol karamapim ol wantaim bikpela namba bilong ol karis na hos wantaim ol sip. Em bai i go long graun na rausim olgeta yet na i go. ⁴¹ Em bai i go insait long graun we i gutpela tru, na 10 000 manmeri bilong Israel bai i pundaun, tasol Edom, Moap na ol sampela lain manmeri bilong Amon bai ranawe long han bilong em. ⁴² Na em bai i surikim han bilong em i go long ol graun na graun bilong Isip bai i no inap long kisim helpim. ⁴³ Em bai i lukautim olgeta gutpela samting i antap tru olsem gol na silva na olgeta gutpela samting bilong Isip. Ol lain Libia na ol Kusait bai i stap aninit long lek bilong em. ⁴⁴ Tasol ol toktok bilong hap san kamap na long Not bai i pretim em, na em bai i go wantaim bikpela belhat tingting long bagarapim ol tru na putim ol long bikpela bagarap tru. ⁴⁵ Em bai mekim haus sel bilong ol wokman bilong em namel long solwara, na antap long mauten we i gutpela tru na i pulap long stretpela pasin. Em bai kam long arere bilong em na bai i no gat man bilong helpim em.