10 ¹ Long namba 3-ia bilong Sairus king bilong Pesia, wanpela tok i bin kam long Daniel, yumi kolim Belsasa. Dispela toktok i tru na em i tok long bikpela pait bai i kamap namel long ol arapela kantri. Daniel i lukim long driman na em i save pinis. ² Long ol dispela taim mi, Daniel,mi bin i stap sore long 3-pela wik olgeta. ³ Long dispela taim mi no kaikai bret,o abus, o mi no drin wain na mi no welim mi yet wantaim wel inap long dipela 3-pela wik. ⁴ Long namba 24- dei bilong namba wan mun, mi bin stap arere long bikpela wara Tigris, ⁵ na mi lukluk i go antap na lukim wanpela man i werim waitpela klos na let ol i mekim wantaim gol bilong Upaz i gutpela tru . ⁶ Bodi bilong em i luk olsem yelopela ston na pes bilong em i sain olsem lait bilong klaut i pairap na lek na han bilong em i olsem bras i sain tru. Na toktok bilong em i olsem planti manmeri i bungim maus na toktok. ⁷ Mi, Daniel i bin lukim dispela driman, ol man i bin i stap wantaim mi i no lukim dispela driman. Bikpela poret i kisim ol dispela man na ol i ronwe i go haitim ol yet. ⁸ Mi wanpela i stap na lukim dispela bikpela driman. Na mi i nogat strong olgeta, lukluk long bodi bilong mi i senis olgeta na i no luk gut, na i nogat strong insait long mi. ⁹ Na mi harim wanpela tok- na taim mi harim dispela tok, mi pundaun long pes i go long graun olsem dai man. ¹⁰ Na han bilong em i holim mi na olgeta leg na han bilong mi i surik na i guria. ¹¹ Na ensel i tokim mi olsem,"Daniel, man mi laikim tumas, harim gut ol dispela toktok mi tokim yu. Sanap gut na harim toktok bilong man i bin salim mi i kam long tokim yu." Taim em i toktok pinis mi sanap na guria. ¹² Na em i tokim mi,"Daniel, Yu no ken pret, long dei namba wan yu bin putim olgeta tingting na save bilong yu na daunim yu yet long ai bilong God na em i harim ol toktok bilong yu na nau mi kam bihainim tok bilong yu. ¹³ Piknini man bilong king long Kindom bilong Pesia i pasim mi, olsem na mi stap wantaim ol king bilong Pesia inap long 21-pela dei.Tasol Maikol, wanpela hetman bilong pikinini man bilong king i bin i kam long helpim mi. ¹⁴ Nau mi kam long helpim yu long luksave wanem samting bai i kamap long ol lain bilong yu long las dei. Dispela driman em bai i kam kamap long las dei. ¹⁵ Taim em i wok long toktok long mi, mi tanim pes i go daun long graun na i hat long toktok. ¹⁶ Wanpela husait i luk olsem ol pikinini bilong man i holim maus bilong mi, na mi opim maus na toktok long em i sanap klostu long mi. "Bikman, mi lukim dispela driman na mi pret nogut tru na mi no gat strong. ¹⁷ Mi wokman bilong yu. Bai mi toktok wantaim Bikman bilong mi olsem wanem? " Nau mi no gat strong na mi no inap pulim win. ¹⁸ Bihain gen wanpela i luk olsem man i holim mi na i strogim mi. ¹⁹ Na em i tok "Yu noken pret man mi laikim tumas. Bel isi bai i stap wantaim yu.Sanap strong nau, sanap strong!" Taim em toktok long mi kisim strong. Na mi tok, Larim bikman bilong mi i toktok, bilong wanem yu bin strongim mi." ²⁰ Na em tokim mi," Yu save long wanem as mi kam long yu? Klostu bai mi go bek na pait wantaim pikinini man bilong king bilong Pesia. Na taim mi go, pikinini man bilong king bilong Gris ba i kam. ²¹ Tasol bai mi tokim yu wanem ol i bin raitim long buk bilong Tok Tru. I nogat wanpela man i soim em yet olsem em i gat strong long winim mi, Maikol wanpela tasol pikinini man bilong king."