9 ¹ Darius em i pikinini bilong Ahasuerus na tumbuna bilong Medes. Ol i bin makim Ahasuerus i kamap king bilong kingdom bilong ol Babilon. ² Nau long namba wan yia bilong Darius i bin i stap king, mi Daniel, i wok long lainim ol buk i holim tok bilong God Yawe, dispela tok i bin kam long profet Jeremaia. Mi painim aut olsem em bai i gat 70-yia i stap yet inap ol kisim ol manmeri i kam aut long Jerusalem bai i pinis. ³ Mi tanim pes bilong mi i go long God Bikpela, long painim em wantaim beten na ol askim, wantaim pasin bilong lusim kaikai na beten, putim brukbruk klos na sindaun long sit bilong paia. ⁴ Mi beten long God Yawe God bilong mi, na mi autim ol sin bilong mipela na tok olsem, "Plis, Bikpela, yu bikpela na gutpela God i stap antap tru, yu tasol husat i mekim kontrak na wokabaut stret wantaim ol lain husat i save laikim yu na bihainim lo bilong yu. ⁵ Mipela i bin mekim sin na wokim pinis wanem samting i no stret. Mipela i bin mekim pasin i no stret na mipela i bin sakim tok bilong yu, givim baksait long tok bilong yu na lo yu i bin wokim long en. ⁶ Mipela i no bin harim tok bilong ol wokman bilong yu, ol profet husait i bin toktok long nem bilong yu long ol king bilong mipela, ol lida na ol tumbuna bilong mipela na olgeta manmeri bilong dispela graun. ⁷ Long yu, Bikpela, stretpela pasin em bilong yu. Long mipela tude, sem i stap long pes bilong mipela, long ol manmeri bilong Juda na husat ol lain i stap long Jerusalem, na long olgeta Israel. Dispela i bungim ol lain husat i stap klostu na ol lain husat i stap longwe na long olgeta graun yupela i stap nabaut. Long wanem, dispela em bikpela giaman pasin mipela i bin mekim long yu. ⁸ Long mipela,God Yawe, sem i stap long pes bilong mipela long ol king bilong mipela, long ol lida wantaim ol tumbuna bilong mipela, long wanem mipela i mekim sin long yu. ⁹ Long Bikpela God bilong mipela, pasin bilong sore na pasin bilong lusim sin em i stap, long wanem mipela i sakim tok bilong em. ¹⁰ Mipela i bin sakim tok bilong God Yawe, God bilong mipela na wokabaut insait long lo bilong em i bin givim mipela wantaim ol profet wokman bilong em. ¹¹ Olgeta Israel i bin brukim lo bilong yu na givim baksait long yu, ol i no laik long bihainim tok bilong yu. Dispela tok bilong kisim bagarap na tok promis ol i raitim i stap long lo bilong Moses wokman bilong God, i bin kapsaitim antap long mipela, long wanem mipela i bin mekim sin long em. ¹² God Yawe i bin strongim pinis tok bilong bagarap em i bin toktok long mipela na long ol man i stap lukautim mipela, long givim bikpela hevi antap long mipela. Long graun i nogat wanpela samting i bin kamap yet olsem em i bin kamap pinis long Jerusalem. ¹³ Olsem em i bin raitim i stap long lo bilong Moses, olgeta dispela hevi i kam pinis long mipela, olsem na mipela i no askim long marimari long God Yawe, God bilong mipela long givim baksait long pasin nogut bilong mipela na bihainim tok tru bilong yu. ¹⁴ Olsem na God Yawe i bin redim dispela hevi i stap na putim antap long mipela, long wanem God Yawe, bilong mipela em i stretpela long olgeta samting em i mekim, tasol mipela i no harim tok bilong em na bihainim. ¹⁵ Nau, Bikpela God bilong mipela, yu i bin kisim ol manmeri bilong yu i kam aut long Isip wantaim bikpela han na yu wokim nem pinis long yu yet, long dispela taim. Tasol mipela mekim sin yet na wokim ol pasin i no stret. ¹⁶ Bikpela, long wanem long olgeta stretpela pasin bilong yu, larim belhat bilong yu i lusim biktaun bilong yu Jerusalem em holi maunten bilong yu. Long wanem sin bilong mipela na long tudak pasin bilong ol tumbuna bilong mipela, Jerusalem na ol manmeri bilong yu i kamap olsem samting ol narapela i luk daun. ¹⁷ Nau, God bilong mipela, harim beten bilong wokman bilong yu na long askim long marimari bilong em long yu yet. Bikpela, mekim pes bilong yu i ken sain antap long ples holi bilong yu i bin bararap pinis. ¹⁸ God bilong mi, opim yau bilong yu na harim, opim ai bilong yu na lukim. Mipela i bin kisim bagarap, lukim biktaun we ol i save kolim nem bilong yu. Mipela i no askim long helpim bilong yu long wanem mipela i stap stret, tasol long wanem em long bikpela marimari bilong yu. ¹⁹ Bikpela, harim! Bikpela, lusim rong bilong mipela! Bikpela, lukluk gut na yu mekim samting! Long yu tasol, noken i stap longpela taim, God bilong mi, long wanem biktaun bilong yu na ol manmeri bilong yu ol i save kolim nem bilong yu." ²⁰ Taim mi toktok yet, beten na autim sin bilong mi na sin bilong ol manmeri bilong mi long Israel na putim askim bilong mi i go long pes bilong God Yawe, God bilong mi long makim holi maunten bilong God. ²¹ Taim mi beten yet, dispela man Gabriel, husat mi bin lukim em long driman namba wan taim, em i flai i kam daun kuiktaim, long taim bilong kukim abinun ofa. ²² Em givim mi gutpela tingting na tokim mi, "Daniel, nau mi kam long givim yu tingting long i gat save long ol samting. ²³ Taim yu wok long askim long marimari yet, toksave i kam long mi long kam tokim yu long wanem yu bin askim em, long wanem em i laikim yu tumas. Olsem na skelim dispela tok na save gut long tok hait. ²⁴ Seventi sevens i stap olsem lo long ol manmeri bilong yu na holi biktaun bilong yu long noken wokim pasin nogut na givim baksait long sin na kisim gutpela sindaun i kam. Long driman na tok profet bai i kamap ples klia long mekim holi ples i stap em yet. ²⁵ Yu mas save na tingting gut long taim bilong givim toksave long putim wantaim gen na wokim gen Jerusalem long kam bilong man ol i makim pinis olsem lida, em bai i gat seven sevens na siksti tu sevens. Ol bai wokim Jerusalem gen wantaim ol rot na baret long pasin rot bilong birua, maski ol taim nogut i kam. ²⁶ Bihain long siksti tu sevens, man ol makim pinis bai i bagarap na em bai i nogat wanpela samting bai i stap. Ami bilong man bai i kamap lida bai i bagarapim biktaun na ples holi. Pinis bilong bagarap, em bai i kam wantaim tait wara na bai i gat pait longpela taim. Lo bilong bikpela bagarap i stap strong pinis. ²⁷ Em bai i strongim kontrak wantaim planti long wan sevens. Long namel long seven, em bai putim pinis bilong sekrifais na ofa. Long wing bilong dispela man, lukluk bilong em i no gutpela olsem na wanpela bai i kam husat i save mekim bikpela bagarap. Long arere tru bilong bagarap em i sanap strong i stap long kapsaitim antap long wanpela husat i mekim bikpela bagarap."