12 ¹ "Long dispela taim Michael, em i bikpela pikinini bilong King, husait i save was long ol pipol, bai i kirap. Bai i gat taim nogut olsem bipo i no save kamap long ol kantri istap bipo i kam inap nau. Long dispela taim ol manmeri bai i kisim halivim, husait nem bilong ol istap long buk. ² Planti husait i slip long das bilong graun bai i kirap, sampela bai i go istap laip oltaim oltaim na sampela bai sem na i go long ples nogut. ³ Ol lain husait i gat gutpela tingting bai soim lait olsem long skai antap, na husait tanim planti i go long stretpela pasin bai istap olsem sta oltaim oltaim. ⁴ Tasol yu, Daniel, pasim ol dispela toktok, pasim buk inap long arere long taim. Planti bai i ron igo i kam, na kainkain save bilong man bai igo antap." ⁵ Na mi, Daniel, lukluk, na tupela arapela sanap istap. Wanpela i sanap long dispela sait bilong wara, na narapela sanap long hap sait long wara. ⁶ Wanpela bilong ol i kirap na tok igo long man pasim gutpela kolos, husait i stap antap long wara i kam daun long en na askim, "Wanem taim bai ol dispela gutpela samting bai i kamap?" ⁷ Mi harim dispela man i bilas long gutpela kolos, husait istap antap long het wara- apim han sut na han kais igo antap long heven na tok aut long nem bilong bikpela husait istap oltaim oltaim na i tok olsem em bai kamap long taim na ol arapela taim ken na hap taim tasol. Taiml strong bilong ol stretpela man i bruk pinis na bihain ol dispela samting bai i kamap. ⁸ Mi harim,tasol mi no kisim tok gut. Olsem na mi askim, "Bosman, wanem samting bai i kamap long ol dispela samting?", ⁹ Na em i tok, "Daniel, yu mas igo yet, tok i pas pinis na em bai istap olsem inap long arere long taim. ¹⁰ Planti bai igo kamap stretpela, klinim na igo insait long hevi na kam autsait tasol ol bikhet man nogut bai igo bagarap olgeta. Ol dispela bagarap lain bai ino inap luksave na istap stret, tasol ol bilip manmeri bai kisim save. ¹¹ Bihain long dispela gutpela taim long kukim sakrifaes i pinis, ol kainkain taim nogut tru bai i kamap i nap 1,290 pela dei. ¹² Marimari na bel isi bilong bikpela istap wantaim man husait inap wait igo long arere long 1,335 pela dei. ¹³ Yu mas igo long rot bilong yu inap arere na bai kisim malolo. Yu bai kirap long ples mi givim yu long en na long arere long ol dispela dei.