9 ¹ David i tok, "I gat sampela man moa i stap yet long lain famili bilong Saul em mi ken soim laikim na mekim gut long Jonatan olsem em i bin mekim?" ² I gat wanpela wokboi i stap long lain famili bilong Saul, nem bilong em Siba, na ol i singautim em i go long David. Na king i tokim em, "Ating yu Siba?" Na em i bekim, "Yes, Mi tasol wokboi bilong yu. ³ Olsem na King i tok,"I gat sampela man moa i stap yet long famili bilong Saul em mi ken soim laikim bilong God ?" Siba i bekim tok bilong king, "Jonatan i gat pikinini man, tupela lek bilong em i bagarap. ⁴ Na King i tokim em, "Em i stap we?" Siba i bekim tok bilong king, "Lukim, em i stap insait long haus bilong Makir pikinini man bilong Ammiel long ples Lo Debar." ⁵ Na bihain King David i salim Siba i go na kisim em i kam aut long haus bilong Makir pikinini man bilong Ammiel bilong ples Lo Debar. ⁶ Olsem na Mefiboset pikinini bilong Jonatan em pikinini bilong Saul, kam long David na putim pes i go daun long graun long givim biknem long David. David i tok, "Mefiboset." Em i bekim, "Lukim, Mi wokboi bilong yu!" ⁷ David i tokim Mefiboset, "Yu noken pret, long wanem bai mi soim yu belgut na marimari bilong Jonatan papa bilong yu i bin mekim, na bai mi givim yu bek olgeta graun bilong Saul tumbuna papa, na yu bai oltaim kaikai long tebol bilong mi." ⁸ Mefiboset i putim pes i go daun na i tok, "Wanem em wokboi bilong yu, olsem na yu mas lukluk wantaim laikim antap long kain samting olsem i dai dok olsem mi?" ⁹ Nau King i singautim Siba, wokboi bilong Saul, na tokim em,"Olgeta samting bilong Saul na ol famili bilong em mi bin givim i go long bosman bilong yu na ol tumbuna pikinini bilong em. ¹⁰ Yu wantaim ol pikinini bilong yu, na ol wokboi bilong yu mas tilim graun i go long em na yu mas kamautim kaikai, olsem na bosman bilong yu na ol tumbuna pikinini bai i gat kaikai long kaikai. Long Mefiboset, tumbuna pikinini bilong bosman bilong yu, mas oltaim kaikai long tebol bilong mi." Nau Siba i gat 15pela pikinini man na 20pela wokboi. ¹¹ Nau Siba i tokim King, "Wokboi bilong yu bai mekim olgeta samting olsem bosman bilong mi em i king na i toktok strong long ol wokboi bilong em." Na king i tok moa olsem, "Olsem long Mefiboset em bai kaikai long tebol bilong mi, olsem wanpela pikinini man bilong king." ¹² Mefiboset i gat yangpela pikinini man nem bilong em Mika. Olgeta man husait i stap long haus bilong Siba, ol i olsem wokboi bilong Mefiboset. ¹³ Olsem na Mefiboset i stap long Jerusalem, na em oltaim i kaikai long tebol bilong king na tupela lek bilong em i bin bagarap pinis.