8 ¹ Bihain long dispela, Davit i pait na winim ol Filistia na Davit i kisim Metheg Ammah long han bilong ol Filitia. ² Na bihain em i winim ol Moab,em i putim lain na mekim ol i brukim het,Em i makim tupeia lain makim sait bilong dai na narapela makim long istap laip.olsem na ol Moabites kamap wokboi bilong Davit na givim gutpela tok igo long em. ³ Davit i winim Hadadezer pikinini bilong Rehob em i king bilong Zobah,taim Hadadezer i wakabaut raunim wara Euphrates na givim tok stia. ⁴ Devit i kisim 1700 karis na 20,000 soldia. Devit i kisim 100 hos tasol na em i bagarapim lek bilong olgeta hos bai ol i no gat strong ⁵ Taim ol Aram bilong Damaskus i kam long helpim Hadadisa king bilong Zoba, Devit i kilim 22,000 bilong ol Aram. ⁶ Na Devit i putim ol soldia bilong em long olgeta hap long Aram bilong Damaskus na ol Aram i stap aninit long em na givim takis igo long em. Wanem hap Devit i go, God Yawe i save helpim em. ⁷ Devit i kisim ol hap palang ol i wokim long gol long ol wokman bilong Hadadesa na kisim i go long Jerusalem. ⁸ King Devit i kisim planti brons moa long Tebah na Berotai em ol biktaun bilong Hadadesa. ⁹ Taim Tou king bilong Hamat i harim olsem Devit i winim ol ami bilong Hadadesa, ¹⁰ Tou i salim Hadoram,em pikinini man bilong em, i go long King Devit long givim tok amamas long em na givim ol samting olsem silva, gol na brons long em, long wanem, Devit i pait wantaim Hadadesa na i winim em na Hadadesa i bin birua long Tou. ¹¹ King Devit i makim ol dispela samting bilong God Yawe wantaim ol silva na gol bilong ol narapela kantri em i bin pait wantaim ol na winim ol, ¹² bilong Aram, Moab na ol lain bilong Amon na ol Filistia na Amelek wantaim olgeta samting bilong Hadadesa pikinini man bilong Rehob, king bilong Zobah. ¹³ Nem bilong Devit i kamap bikpela taim em i go pait na kilim 18,000 man na i winim ol Aram long ples daun i gat sol. ¹⁴ Em i putim ol soldia long olgeta hap bilong Idom na ol Idom i stap aninit long em. Long wanem hap Devit igo pait God Yawe i save helpim em. ¹⁵ Devit i stap king na i bosim olgeta Israel na em i mekim stretpela kot na stretpela pasin long olgeta manmeri bilong em. ¹⁶ Joab pikinini man bilong Zeruai i stap nambawan kepten bilong ami na Jehosafat pikinini man bilong Ahilud i stap kuskus. ¹⁷ Zadok pikinini bilong Ahitub na Ahimelek pikinini bilong Abiata ol i stap pris na Seraia i stap saveman bilong lo. ¹⁸ Bennaia pikinini bilong Jeoaiada i lukautim ol Keretait na ol Peletait na ol pikinini bilong Devit i stap ol namba wan ofisa bilong king.