20 ¹ Na tu wanem samting i kamap long wankain ples wanpela man bilong mekim bikhet, nem bilong em Seba em pikinini bilong Bikri long lain Benjamin. Em winim biugel na tok, "Mipela i no hap lain bilong Devit, na tu mipela i nogat graun wantaim ol pikinini bilong Jesi. Larim olgeta man i go bek long ples bilong ol, Israel." ² Olsem na olgeta man bilong Israel i lusim Devit na bihainim Seba, pikinini bilong Bikri. Tasol ol man bilong Juda i wokabaut klostu tru long king, long Jodan na i go olgeta long Jerusalem. ³ Taim Devit i kam long haus king bilong em long Jerusalem, em i kisim tenpela wokmeri, na em i putim ol long lukautim gut haus king, na em i putim ol long haus olsem wasman. Em i redim olgeta samting ol i laikim, tasol em i no bin slip wantaim ol. Na ol i stap olsem ol meri i nogat man i go i nap ol i dai. ⁴ Nau king i tokim Amasa, "Singautim ol man bilong Juda long bung wantaim insait long tripela dei. Na yu tu mas i stap. ⁵ Olsem na Amasa i go singautim Juda, tasol em i kam isi long wanem, em i stap longwe long kam hariap long kisim samting we king i putim bilong em. ⁶ Olsem na Devit i tokim Abisa, "Nau Seba pikinini bilong Bikri bai mekim mipela i kisim bikpela bagarap i winim Absalom i mekim. Kisim ol wokboi bilong bosman bilong yu, ol ami bilong mi na bihainim i go na painim em, o nogut em bai i painim ol strongpela biktaun na em bai i ranawe i go hait long mipela. ⁷ Taim ol man bilong Joap i go bihainim em,wantaim ol lain Keret na ol Pelet na olgeta strongpela man bilong pait. Ol lusim Jerusalem i go painim Seba pikinini man bilong Bikri. ⁸ Taim olgeta i stap long bikpela ston long Gibion, Amasa i kam long bungim ol. Joap i putim olgeta klospait na putim tu let i raunim namel bilong em wantaim paus bilong bainat em i pasim antap long en. Na em i wokabaut i go pas na bainat i pundaun i go aut. ⁹ Olsem na Joap i tokim Amasa, "Em i orait wantaim yu? yu kandre bilong mi?" Joap i holim maus gras bilong Amasa long han sut bilong em na i givim kis long em. ¹⁰ Amasa i no lukim sotpela bainat i stap long han kais bilong Joap. Joap i sutim sotpela bainat i go insait long bel bilong Amasa na bel bilong em i kapsait i go daun long graun. Joap i no paitim em gen na Amasa i dai. Olsem na Joap na Abisai brata bilong em i ronim Seba pikinini man bilong Bikri. ¹¹ Na wanpela man bilong Joap i sanap wantaim Amasa, na em i tok, "Husait i laikim Joap, na husait i bilong Devit, larim em i bihainim Joap. ¹² Amasa slip tanim tanim antap long blut bilong em yet namel long rot. Taim ol man i lukim olsem olgeta manmeri i sanap isi, em i karim Amasa i go aut long rot na kisim em i go long gaden. Em i tromoi hap laplap antap long karamapim em long wanem em i lukim olsem olgeta manmeri husait i kam klostu long em ol i sanap isi. ¹³ Taim ol i rausim Amasa long rot pinis, olgeta man i stat long bihainim Joap long painim Seba pikinini man bilong Bikri. ¹⁴ Seba i go namel long olgeta haus lain bilong ol Israel long Abel bilong Bet Mak, na i go stret long olgeta graun bilong Bikrit, ol i bung wantaim na painim Seba long holim em. ¹⁵ Na ol i kam bungim em na ol i raunim em long ples Abel bilong Bet Maka. Na ol i kam sanap baninisim biktaun. Olgeta ami husait i stap wantaim Joab i wokim hul long as bilong banis long brukim i go daun. ¹⁶ Na wanpela meri i gat gutpela save i singaut long biktaun na i tok, "Harim, plis harim, Joap kam klostu long mi na bai mi toktok wantaim yu." ¹⁷ Olsem na Joap kam klostu long em, na meri i tok, "Yu Joap a? "Na em bekim, "Em mi tasol, "Na meri i tokim em, "Harim tok bilong ol wokman bilong yu."Em bekim, "Mi harim ol i stap." ¹⁸ Na meri i tok, "Na ol i save tok long taim bilong bipo, tru tumas painim stia tok long Abel, na dispela stia tok i ken pinisim ol hevi. ¹⁹ Mipela i olsem wanpela biktaun i stap wantaim bel isi na pasin bilong harim tok insait long Isreal. Yu traim long bagarapim biktaun em i olsem mama insait long Israel. Bilong wanem yu laik daunim gutpela samting bilong God Yawe? ²⁰ Olsem na Joap i bekim na tok, "Stap longwe, stap longwe long mi,na bai mi bagarapim. ²¹ Dispela em i no tru. Tasol wanpela man bilong maunten kantri bilong Epraim, nem bilong em Seba pikinini bilong Bikri,i apim han bilong em na i pait bek long king, Devit. Givim em wanpela tasol, na bai mi lusim biktaun na kam aut, "Na meri i tokim Joap, Het bilong em bai ol i tromoi i go long hapsait bilong wal bilong biktaun." ²² Olsem na meri i go long olgeta lain manmeri wantain gutpela tingting bilong em. Na ol i katim het bilong Seba pikinini bilong Bikri, na ol i tromoi i go aut long Joap. Na ol i winim biugel na ol man bilong Joap i lusim biktaun, olgeta man long ples bilong em. Na Joap i tanim i go bek long Jerusalem long king. ²³ Nau Joap i kamap hetman bilong olgeta ami bilong Israel, na Benaia pikinini bilong Jehoaida i kamap hetman bilong ol Keret na ol Pelet. ²⁴ Adoniram i stap hetman long olgeta man husait ol i tokim ol long mekim bikpela strongpela wok, na Jesohapat pikinini bilong Alihu em i stap bilong kisim ripot. ²⁵ Na Seva i wok olsem man bilong kisim ripot, na Sadok wantaim Abiata tupela i stap pris. ²⁶ Ira na Jairit i stap bikpela hetman bilong lukautim na bosim ol bikpela wok bilong Devit.