19 ¹ Ol i tokim Joab olsem'' Lukim, king i sori na krai long Absalom.'' ² Orait ol i winim pait long dispela dei ol i tanim i go insait long krai long olgeta Ami, ol ami i harim olsem em i tok long dispela dei, ''King em i krai long pikinini bilong em.'' ³ Na ol soldia i lus isi isi insait long dispela biktaun long dispela dei, olsem ol manmeri ol i sem na lus nambaut taim ol i ranawe long pait. ⁴ Na king i karamapim pes bilong em na krai bikmaus, ''Pikinini bilong mi Absalom, absalom, piknini bilong mi, piknini bilong mi!'' ⁵ Orait Joab i go insait long haus bilong king na tokim em olsem, ''Yu givim sem long olgeta soldia bilong yu long dispela dei, husait i sevim laip bilong yu long dispela dei, na laip bilong ol piknini bilong yu, na ol pikinini meri bilong yu, na laip bilong ol meri bilong yu, na laip bilong ol meri bilong ol wokman bilong yu, ⁶ long wanem yu laikim ol lain i birua long yu, na yu birua long ol lain i laikim yu. Long dispela dei yu lukim ol ofisa bilong yu na ol soldia ol i samting nating tasol long yu. Dispela dei mi bilip olsem sapos Absalom i stap yet, na mipela olgeta i dai, orait dispela bai mekim yu i amamas. ⁷ Nau long dispela as yu kirap na go aut na toktok gut long ol soldia bilong yu, mi tokim yu long nem bilong God Yawe, sapos yu no i go, no gat wanpela man bai i stap yet wantaim yu long dispela nait. Dispela kain bikpela hevi i no bin kamap pipo yangpela bilong yu i kam inap nau.'' ⁸ Orait king i kirap na i go sindaun long dua bilong biktaun, na olgeta manmeri ol i tok,''Lukim, king i sindaun long dua bilong biktaun i stap,''Na ol manmeri i kam i stap wantaim king. Tasol ol Israel i ronawe, na olgeta man i go bek long ples bilong ol. ⁹ Olgeta manmeri ol i kros long ol yet long lain Israel na tok, ''Na king i kisim bek mipela long han bilong ol birua, na em i sevim mipela long han bilong ol Filistia, tasol nau em i lusim graun na ranawe long wanem, long Absalom tasol. ¹⁰ Absalon husait mipela i makim bilong posim mipela em i bin dai long pait. Orait bilong wanem yu i no toktok long kisim king i kam bek?'' ¹¹ King Devit i salim tok i long Sadok na long Abiata prist na tok,'' Toksave long ol lida bilong Juda na tok,'' Bilong wanem yu laspela long kisim king i kam bek long haus bilong em, taim ol i toktok olgeta Israel i laikim king, long kisim em i kam bek long haus bilong em? ¹² Yu brata bilong mi na wanblut na bun Bilong mi bilong wanem yu laspela long kisim king i kam bek? ¹³ Na tokim Amasa, 'Yu no wanblut na bun bilong mi o? God i mekim gupela long mi, na moa yet, sapos yu no kamap ofisa bilong ami bilong mi nau long kisim ples bilong Joab.''' ¹⁴ Orait em i winim bel bilong olgeta man bilong Juda olsem wanpela man tasol. Ol i salim tok i go long king na tok, ''Kam bek, yu wantaim olgeta man bilong yu.'' ¹⁵ Orait king i kam bek na kam long Jodan. Nau ol man bilong Juda i kam long Gigal long bungim king na bihain em i kisim king na brukim wara Jodan. ¹⁶ Simei pikinini bilong Gera long lain femali bilong Benjamit, em bilong Baurim, ariap tru i go daun wantaim man bilong Juda long bungim kin Devit. ¹⁷ I bin i gat ol 1000 man bilong Benjamen i stap wantaim em, na Siba wokman bilong Sol, na 15 ol pikinini bilong em na 20 ol wokman bilong em. Ol i brukim wara Jodan long ai bilong king. ¹⁸ Ol i brukim wara i go long kisim femali bilong king na mekim wanem samting em ting i gutpela. Simei pikinini bilong Gera brukim skru long ai bilong king taim ol i laik brukim wara Jodan. ¹⁹ Simei i tokim king, '' Bikman bilong mi yu no ken painim aut rong bilong mi na no ken tingim rong bilong mi wokman bilong yu i bing mekim long dei bikman bilong mi king i lusim Jerusalem. Plis, no ken kisim i go long bel ²⁰ Ol wokman bilong yu save olsem mi mekim sin. Lukim, long dispela as mi kam nau olsem na nambawan pikinini bilong femali bilong Josep long kam daun na bungim bikman bilong mi king ²¹ Tasol Abisa pikinini bilong Serua i bekim na tok,''Inap long kilim Simei i dai long dispela, long wanem em i tok nogut long man God Yawe i makim?'' ²² Na Devit i tok, ''Wanem mi tu mi mekim wantaim yu, yu pikinini bilong Seruia, nau long dispela dei yu birua long mi? Inap wanpela man dai long Israel long dispela dei? Long wanem mi save olsem nau mi i kamap king bilong Isreal?" ²³ Orait na king i tokim Semei, ''yu no inap dai. ''olsem na king i mekim tok promis. ²⁴ Na Mesifoset pikinini bilong sol i kam daun na bungim king. i no bilasim lek bilong em, o em i no katim maus gras, o wasim klos long dei king i go inap long dei em i kam long ples wantaim bel isi. ²⁵ Orait taim em i kam long Jerusalem long bungim king, orait king i tokim em, bilong wanem yu no go wantaim mi, Mefiboset?'' ²⁶ Em i bekim, '' Bikman bilong mi king, wokman bilong mi i giamanim mi, taim mi tok,''Mi bai redim donki na rait antap long en na go wantaim king, long wanem wokman bilong yu em i lek nogut. ²⁷ Wokman bilong mi Siba i bin pagarapim mi, wokman bilong yu, bikman bilong mi king. Tasol bikman bilong mi king em i olsem ensel bilong God Yawe. Olsem, na mekim wanem em i gutpela long lukluk bilong yu. ²⁸ Long olgeta haus papa bilong mi ol i dai man long ai bilong masta bilong mi husait em i king, tasol yu i putim wokman bilong yu namel long ol husait i kaikai auntap long tebol bilong yu. wanem namba mi i gat bai mi inap krai moa long king?" ²⁹ Orait king i tokim em, ''Bilong wanem yu tokim mi narapela samting moa? Mi redi long yu na Siba bai skelim graun.'' ³⁰ Orait Mefiboset i bekim tok bilong king, ''Yes, larim em i kisim olgeta, taim bikman bilong mi king i bin kam gut long ples bilong em.'' ³¹ Bihain Barsilai bilong Gileat i kam daun long Rogelim long brukim wara Jodan wantaim king, na em i go wantaim king long brukim wara Jodan. ³² Nau Barsilai em i lapun man tru, 80 yia olgeta. Em i bin stretim king wantaim ol samting taim em i stap long Mahanaim, bilong wanem em wanpela bikpela mani man. ³³ Na king i tokim Barsilai, ''Kam wantaim mi, na bai mi lukautim yu long i stap wantaim mi insait long Jerusalem.'' ³⁴ Barsilai i bekim tok bilong king, ''Hamaspela dei i stap yet insait long yia bai mi stap laip, inap mi mas go antap wantaim king long Jerusalem? ³⁵ Mi 80 yia olgeta. Inap mi skelim namel long gutpela na nogut? Inap wokman bilong yu i traim wanem samting mi kaikai o wanem mi dring? Inap mi harim ol narapela nois bilong ol man i singsing na ol meri i singsing? Bilong wanem bai mi givim hevi long ol wokman bilong king bikman bilong mi. ³⁶ Ol wokman bilong yu ol i laik go tasol long brukim wara Jodan wantaim king. Bilong wanem na king i laik baim bek mi gen wantaim ol prais? ³⁷ Plis larim ol wokman bilong yu i go bek long ples, orait mi mas dai long taun bilong mi yet long matmat bilong papa bilong mi na mama bilong mi. Tasol lukim, dispela em i wokman bilong yu Kimham. Larim em i brukim wara wantaim king bikman bilong mi, na mekim long em wanem yu ting em gutpela long yu. ³⁸ Na king i bekim, Kimham bai go wantaim mi, na bai mi mekim long em wanem yu laik em i gutpela long yu, na wanem samting yu tingim long mekim long mi bai mi mekim long yu.'' ³⁹ Bihain olgeta manmeri i brukim wara Jodan, na king i brukim wara, na king i kis long Barsillai na plesim em. Na Barsillai i go bek long ples bilong em. ⁴⁰ Orait king i brukim wara i go long Gilgal, na Kimham i brukim wara i go wataimem em. Olgeta ami bilong Juda ol i kisim king i kam wantaim ol hap lain ami bilong Israel. ⁴¹ Hariap tru olgeta man bilong Israel i kam long king na tokim king, ''bilong wanem ol brata bilong yu, ol man bilong Juda, stilim yu i go na kisim king na ol lain bilong em i go hapsait long Jodan, na ol man bilong Devit wantaim em?'' ⁴² Orait ol man bilong Juda i bekim tok long ol man bilong Israel, '' Long wanem king em i wanlain bilong mipela. Bilong wanem yu belhat nating long dispela? Yu ting mipela i bin kaikai sampela samting we king bai baim long en? ⁴³ Na ol man bilong Israel i bekim tok i go long ol man bilong Juda, ''Mipela i gat 10pela lain femili klostu long king, olsem na mipela i gat namba long yupela ol lain bilong Devit. Bilong wanem yupela i luk daun long mipela? Aiting em i no tingting bilong mipela long kisim kam bek king bilong mipela Husait mipela i bin harim pastaim long em? Tasol ol toktok bilong olgeta man bilong Juda i bin wankain moa olsem tok strong bilong ol lain man bilong Israel.