21 ¹ I gat bikpela hangere i bin kamap long taim bilong Devit long tripela yia olgeta na Devit i singaut long God Yawe. Olsem na God Yawe i tok,'' Dispela hangere i kamap long yu, em long Sol wantaim ol lain bilong kilim ol man i dai, long wanem em i bin kilim ol Gibion.'' ² Nau ol Gibion em ol lain i no bilong Israel . Ol i bilong ol hap lain i stap long Amor. Ol Israel i bin tok promis bai ol i no inap kilim ol, tasol Sol i traim long kilim olgeta long laik na ting bilong ol Israel na ol Juda. ³ Olsem na king Devit i singautim ol Gibion i kam na i tokim ol,'' Wanem samting em yupela i laikim mi long mekim? Na olsem wanem bai mi ken stretim dispela asua, olsem na yupela i ken blesim ol manmeri bilong God Yawe, husait ol i kisim gutpela bilong em na ol promis?'' ⁴ Ol Gibion i bekim tok bilong em,'' Dispela em i no long rot bilong silva o gol namel long mipela na Sol o ol famili bilong em. Long wankain rot tasol em i no wok bilong mipela long kilim ol man nambaut long Israel. Na Devit i bekim,'' Wanem samting yu tok, em mi mas mekim bilong yu?'' ⁵ Ol i bekim tok bilong king,'' Man husait i traim long kilim mipela olgeta, em i birua long mipela, olsem na mipela nau i bagarap na i no gat hap bilong i stap namel long mak bilong Israel. ⁶ Larim 7 pela man long lain tumbuna bilong em i mas i kam long mipela na bai mipela i hangamapim ol long pes bilong God Yawe long Gibia bilong Sol, em man God Yawe i makim.'' Olsem na king i tok,'' Bai mi givim ol long yu.'' ⁷ Tasol king i helpim Mepiboset pikinini bilong Jonatan em i pikinini bilong Sol, long dispela promis namel long God Yawe na ol, em Devit na Jonatan pikinini bilong Sol. ⁸ Tasol king i kisim tupela pikinini man bilong Rispa em i pikinini meri bilong Aia, pikinini we em i karim long Sol.Nem bilong tupela em Amoni na Mepiboset .Devit tu i kisim 5 pela pikinini man bilong Merab em i pikinini meri bilong Sol, we em i karim long Adriel pikinini bilong Basilai em i bilong Meholat. ⁹ Em i givim ol i go long han bilong ol Gibion. Ol i hangamapim ol antap long maunten long pes bilong God Yawe na 7 pela olgeta i dai. Ol i bin dai long taim bilong kamautim kaika, em long nambawan de long stat bilong nupela kaikai. ¹⁰ Na Rispa pikinini meri bilong Aia, i kisim klos bilong sore na i putim long skin bilong em antap long maunten klostu long bodi bilong ol, stat long taim bilong kamautim kaikai i go inap taim ren i pundaun long skai. Em i no larim ol pisin antap long skai i kam bagarapim ol dispela bodi long san o i no larim ol wel abus i kam bagarapim ol long nait. ¹¹ Devit i kisim dispela tok save bilong Raspa, em pikinini meri bilong Aia husait em i wok meri bilong Sol, long dispela samting em i bin mekim.. ¹² Na Devit i go kisim bun bilong Sol na Jonatan, em ol pikinini bilong em long lain bilong Jabes Giled, husait em i bin stilim ol long namel ples bilong Bet San, we ol Filistia i bin hangamapim ol, bihain long ol Filistia i kilim Sol long Gilboa. ¹³ Devit i kisim bun bilong Sol na Jonatan pikinini bilong em na ol i kisim bun bilong ol 7 pela man husait ol i bin hangamap wantaim i go. ¹⁴ Ol i planim bun bilong Sol na Jonatan pikinini bilong em long kantri bilong benjamin long Sil, long matmat bilong Kis papa bilong em. Ol i bihainin olgeta tok we king i givim ol. Bihain long dispela, God i harim prea bilong ol long tok bilong graun. ¹⁵ Na ol Filistia i go long pait wantaim ol Israel gen .Olsem na Devit i go wantaim ol ami bilong em na ol i pait wantaim ol Filistia. Devit i no gat moa strong bilong pait na ol i daunim em. ¹⁶ Isbi Benob, em tumbuna lain bilong ol strongpela na bikpela man, husait bras spia bilong em i gat hevi olsem 300 kilogrem na em i gat nupela bainat, i laik kilim Devit. ¹⁷ Tasol Abisa pikinini bilong Seruia i rausim devit long ol birua na em i banisim ol Filistia na kilim em. Orait man bilong Devit i tok promis long em na i tok,'' Yu noken moa go long pait wantaim mipela, olsem na bai yu no inap putim aut lam bilong ol Israel.'' ¹⁸ Em i kamap olsem bihain gen long pait wantaim ol Israel long Gob, taim Sibeka em i wanpela bilong ol lain husait i bin kilim Sap, em i wanpela bilong ol lain tumbuna bilong Repaim. ¹⁹ Em i kamap olsem gen long wanpela pait wantaim ol Filistia lo Gob na Elanan pikinini bilong Sair em i bilong Betlem i kilim Goliat husait i bilong Git, we spia bilong em i olsem lait bilong man i save wokim klos. ²⁰ Em i kamap gen long narapela pait long Gat, we i gat wanpela man husait i longpela tru na em i gat 6 pela pinga long tupela han bilong en na 6 pela mama pinga long tupela lek bilong em olsem 24 namba olgeta. Em tu em i lain tumbuna bilong Repaim. ²¹ Taim em i rausim ol Israel, Jonatan pikinini bilong Simea brata bilong Devit i kilim em. ²² Dispela em ol lain tumbuna bilong Repaim bilong Gat, husait ol i bin dai long han bilong Devit na long han bilong ol soldia bilong em.