19 ¹ Ehap i tokim Jesebel long olgeta samting Ilaija i bin mekim na em i tokim em tu olsem em i kilim olgeta profet long bainat. ² Na Jesebel i salim man bilong toksave i go tokim Ilaija olsem, ''Ol god i ken kiim mi tu, sapos long tumora mi i no kilim yu i dai olsem dispela ol profet i dai pinis.'' ³ Taim Ilaija i harim dispela tok, em i kirap na ranawe i go long Besiba bilong Juda na i lusim wokman bilong em long hap. ⁴ Na em yet i wokabaut inap long wanpela dei olgeta i go long ples nating na em i go sindaun aninit long wanpela diwai brum. Em i beten olsem em i mas dai, na em i tok, ''God Yawe, mi inap pinis, yu rausim laip bilong mi, mi i no gutpela man na i winim ol tumbuna bilong mi.'' ⁵ Na em i go sindaun aninit long wanpela diwai brum na em i slip. Wantu tasol wanpela ensel i kam holim em na i tokim em, ''Yu kirap na kaikai.'' ⁶ Ilaija i opim ai bilong em na i lukim wampela bret ol i kukim pinis long ston na wanpela botol wara i stap klostu long het bilong em. Em i kaikai na dring pinis na em i slip gen. ⁷ Ensel bilong God Yawe i kam gen namba tu taim na i holim em na i tok, ''Yu i no inap wokabaut long dispela longpela rot, olsem na yu kirap na kaikai.'' ⁸ Olsem na em i kirap na i kaikai na dring na em i wokabaut long strong bilong dispela kaikai long 40 dei na 40 nait i go kamap long Horeb, em maunten bilong God. ⁹ Em i go stap insait long wanpela hul bilong ston. Na tok bilong God Yawe i kam long em na i tok, ''Ilaija, yu kam mekim wanem long hia?'' ¹⁰ Ilaija i bekim tok olsem, ''Mi save strong tru long ol Israel i bihainim yu God Yawe, God i gat olgeta strong, wanpela tasol. Tasol ol Israel i givim baksait long kontrak yu bin mekim wantaim ol na ol i brukim ol alta bilong yu na kilim ol profet bilong yu long bainat. Nau mi wanpela tasol i stap na ol i laik kilim mi tu.'' ¹¹ God Yawe i bekim tok olsem, ''Yu go ausait long maunten na sanap long pes bilong mi,'' Nau God Yawe i kam klostu long maunten na i kam i go, na strongpela win tru i brukim ol ston i go liklik long pes bilong God Yawe, tasol God Yawe i no stap insait long win. Bihain long win guria i kam, tasol God Yawe i no stap insait long guria. ¹² Na bihain long guria, paia i kam, tasol God Yawe i no stap insait long paia. Na bihain long paia, wanpela nek i toktok isi tru. ¹³ Taim Ilaija i harim dispela nek, em i karamapim pes bilong em long saket bilong em na i go ausait na sanap long maus bilong hul bilong ston. Na em i harim wanpela nek i tokim em olsem, ''Ilaija, yu kam mekim wanem long hia?'' ¹⁴ Ilaija i bekim tok olsem, ''Mi save strong tru long ol Israel i bihainim yu God Yawe, God i gat olgeta strong, wanpela tasol. Tasol ol Israel i givim baksait long kontrak yu bin mekim wantaim ol na ol i brukim ol alta bilong yu na kilim ol profet bilong yu long bainat. Nau mi wanpela tasol i stap na ol i laik kilim mi tu. ¹⁵ Na God Yawe i tokim em olsem, ''Yu go bek long rot yu bin kam long en na i go long ples drai bilong Damaskas na taim yu kamap, yu mas kapsaitim wel long het bilong Hasael long kamap king bilong Aram, ¹⁶ na yu bai kapsaitim wel long het bilong Jehu, pikinini bilomg Nimsi long kamap king bilong Israel na bai yu kapsaitim wel long het bilong Elisa, pikinini bilong Sapat bilong Abel Mehola bai em i kisim ples bilong yu na kamap profet. ¹⁷ Jehu bai kilim ol lain i ranawe long bainat bilong Hasael na Elisa bai kilim ol lain i ranawe long bainat bilong Jehu. ¹⁸ Tasol bai mi larim 7000 manmeri bilong mi yet i stap long Israel, em dispela ol lain i no bin brukim skru long Baal na maus bilong ol i no kis long em.'' ¹⁹ Orait Ilaija i lusim dispela hap na i go kamap long Elisa pikinini bilong Sapat, em i wok long brukim graun wantaim 12-pela bulmakau. Ilaija i wokabaut i go long Elisa na putim saket long Elisa. ²⁰ Na Elisa i lusim ol bulmakau na i go bihainim Ilaisa, na em i tok, " Inap mi go tok gudbai long papa na mama bilong mi na bai mi kam bihaim yu?" Orait IIaija i tok, yu ken go bek, mi i no mekim wanpela samting long yu. ²¹ Olsem na Elisa i lusim Ilaisa na i kam bek na kilim bulmakau na kukim mit long hap plang bilong bulmakau. Na em i givim ol manmeri na ol i kaikai. Orait em i bihainim IIaisa na kamap wokman bilong em.