16 ¹ Ol i kisim bokis kontrak bilong God na putim long namel long sel haus Davit bin mekim pinis long em.Bihain ol mekim ofa bilong paia i kukim na ofa bilong kamapim wanbel wantaim God i go long God. ² Taim Davit pinisim dispela ofa bilong paia i kukim olgeta na ofa bilong kamapim wanbel wantaim God, em mekim gut long ol manmeri long nem bilong God Yawe. ³ Em i skelim long olgeta Israel, long man na meri wantaim, wanpela hap bilong bret na liklik abus na skon bilong plawa. ⁴ Davit i makim sampela lain Livai long wok klostu long bokis kontrak bilong God na long amamas na tenkyu na givim biknem long God bilong Israel. ⁵ Dispela ol Livai em Asap hetman na namba 2 bilong en, em Sekaraia,Jeiel,Semiramot,Jehiel,Matitia,Eliap,Benaia,Obetido ,na narapela em Jeiel.Ol i paitim gita wantaim string musik samting. Asap i gat wok long paitim plet bras na mekim bikpela nois. ⁶ Benaia na Jahasiel ol pris bai i winim biugel olgeta taim na i go pas long bokis kontrak bilong God. ⁷ Na long dispela taim Davit i go pas long makim Asap na ol brata bilong em long singim dispela ol song bilong tenkyu long God Yawe. ⁸ Givim tenkyu go long God Yawe ,singaut long nem bilong em;mekim wok bilong em i kamap ples klia long olgeta hap long ol manmeri i stap long em. ⁹ Singsing long em, singim ol song bilong amamas long em na ;toktok long olgeta gutpela wok bilong em. ¹⁰ Tokaut ples klia long holi nem bilong em; larim bel bilong ol lain i painim God Yawe i ken amamas tru. ¹¹ Painim Yawe na strong bilong em. Painim em insait long ples hait bilong em long olgeta taim. ¹² Tingim bek olgeta gutpela samting em i bin wokim, mirakel bilong em na strongpela toktok i kam aut long maus bilong em, ¹³ yu tumbuna lain bilong Israel wokman bilong em, yu lain manmeri bilong Jekop, em i makim yupela pinis bilong em. ¹⁴ Em Yawe, God bilong mipela.Toktok bilong em stap long olgeta hap bilong graun. ¹⁵ Lukautim kontrak bilong em insait long tingting olgeta taim, dispela strongpela toktok em bin givim long ol planti manmeri bai i kam bihain tu. ¹⁶ Em tokaut long tingim kontrak em i bin mekim wantaim Abraham, na tu strongpela promis i go Aisak. ¹⁷ Dispela em wanem samting em i toktok gen long Jekop olsem wanpela piksa na i go long ol Israel olsem kontrak i nogat pinis bilong em. ¹⁸ Em tok, "Bai mi givim yu graun bilong kenan olsem samting mi bin readim bilong yu." ¹⁹ Taim ol i no planti long numba, ol i liklik tru na ol i kamap olsem ol narapla lain long dispela graun, ²⁰ ol raun raun long wanpla ples i go long narapla ples , long wanpela king i go long narapela king, ²¹ Em i no larim sampela lain long daunim ol; Em i mekim save long ol king i laik bihainim laik bilong ol yet, ²² em tok, "Noken holim ol lain mi makim ol pinis bilong mi, na noken bararapim ol wokman bilong mi." ²³ Long olgeta hap long graun singsing i go long Yaw , tokaut long gutpela wok na pasin bilong em long olgeta day. ²⁴ Tokaut long gutpela ples i gat lait bilong em, i go namel long olgeta manmeri ,na gutpela wok bilong em bai i stap long olgeta ples. ²⁵ Long Yawe em bikpela na em i mas kisim biknem, na em i mas stap antap long olgeta god giaman. ²⁶ Long olgeta god long olgeta ples em giamarn god tasol, tasol Yawe husait i mekim kamap heven. ²⁷ Gutpela samting na naispela samting em i stap long ples hait bilong God. Strong na amamas i stap long ples blong em. ²⁸ Singaut long God Yawe, yu haus lain manmeri, givim biknem na strong i go long em. ²⁹ Givim biknem i go long name bilong God Yawe.kisim ofa na kam klostu long em.Brukim skru long lait na long gutpela pasin holi bilong em. ³⁰ Pret na guria long Bikpela long olgeta hap bilong graun, Em i bin mekim na kamapim long em na em i no nap tru long guria. ³¹ Larim heven wantaim graun i ken amamas tru na larim ol tokaut long olgeta manmeri long graun olsem,'God Yawe i nogat pinis bilong em. ³² Larim solwara i singaut, na wanem samting i pulap long em i mas singaut wantaim amamas. Larim bikpela ples graun i amamas tru na olgeta samting stap insait long em. ³³ Na larim olgeta diwai long bikbus i singaut wantaim amamas long ai bilong God Yawe, bilong wanem em kam long skelim graun. ³⁴ Givim tenkyu na amamas i go long God Yawe,bilong wanem em gutpela, na tok promi bilong em i save stap oltaim oltaim. ³⁵ Na tokaut olsem, "Helpim mipela, God bilong kisim bek ol man.Bungim mipela olgeta na helpim mipela long ol narapela manmeri long ples graun,olsem tasol bai mipela givim tenkyu i go long holi pela nem bilong yu na amamas long gutpela bilong yu." ³⁶ Larim God Yawe, God bilong ol Israel bai kisim biknem oltaim oltaim ino gat pinis bilong em.Olgeta manmeri i tok, "i tru" na ol i litimapim nem bilong Yawe. ³⁷ Nau Davit larim Asap na brata bilong em long pes bilong bokis kontrak bilong God Yawe, long wok oltaim klostu long pes bilong bokis kontrak, long wanem oltaim i gat wok i stap bilong mekim. ³⁸ Obet Idom wantaim 68-pela famili lain bilong em tu i stap insait, Obet Idom pikinini bilong Jedutun, wantaim Hosa, mas i stap was long bikpela dua. ³⁹ Pris Sadok na ol narapla pris tu bai mekim wok long haus sel bilong God Yawe long ples antap tru long Gibeon. ⁴⁰ Ol bai givim ofa bilong kukim long paia igo long God Yawe antap long dispela ples ol i redim long mekim ofa bilong em long olgeta moning na abinun, olsem tasol long wanem samting i stap long lo bilong God Yawe, long wanem em i givim olsem strongpela tok long ol Israel. ⁴¹ Heman na Jedutun i stap wantaim ol, wantaim olgeta husait ol i makim nem bilong ol pinis, Long givim tenkyu long God Yawe,long wanem bokis kontrak bilong em bai stap oltaim oltaim. ⁴² Heman na Jedutun i lukautim ol lain i pilai buigel, plet bras na ol narapela samting bilong mekim gutpela musik..Na pikinini bilong Jedutun i save was lo bikpela dua. ⁴³ Bihain olgeta lain manmeri i go bek long ples bilong ol, na Davit tu i go bek long asples bilong em long blesim ol hauslain bilong em.