15 ¹ Devit i wokim haus bilong em yet long taun bilong Devid, na tu em i redim wanpela ples long wokim haus sel bilong putim bokis kontrak. ² Bihain Devid i tokim ol olsem, ol Levai tasol bai karim bokis kontrak, long wanem God Yawe i makim ol lo karim bokis kontrak bilong God Yawe long lotu long em oltaim,oltaim. ³ Behind Devit i bungim olgeta Israel long Jerusalem, long karim bokis kontrak bilong God Yawe i go long ples em i redim long en. ⁴ Devit i bungim ol lain tumbuna pikinini bilong Aron na ol Livai. ⁵ Long lain tumbuna pikinini bilong Kohat, i gat wanpela het man nem bilong em Uriel wantaim 120 man long lain femili bilong em. ⁶ Long lain tumbuna pikinini bilong Merari, i gat wanpela het man nem bilong en Asaia wantaim 220 man long lain femili bilong em. ⁷ Long lain tumbuna pikinini bilong Gesom, i gat wanpela het man nem bilong em Joel wantaim 130 man long lain femili bilong em. ⁸ Long lain tumbuna pikinini bilong Elisapan, i gat wanpela het man nem bilong em Semaia wantaim 200 man long lain femili bilong em. ⁹ Long lain tumbuna pikinini bilong Ebron, i gat wanpela het man nem bilong em Elial wantaim 80 man long lain femili bilong em. ¹⁰ Long lain tumbuna pikinini bilong Uzziel, i gat wanpela het man, nem bilong em Aminadab wantem 112 man long lain femili bilong em. ¹¹ Devit i singautim tupela pris, Zadok na Abiata na ol livai Uriel, Asiaia, Joel, Shemaia, Elie na Aminadab. ¹² Na em i tokim ol olsem, yupela ol man i go pas long lain pikinini bilong Livai mas klinim yupela yet wantaim ol brata bilong yupela bilong wanem, bai yupela i kisim bokis kontrak bilong God Yawe, em God bilong Israel i kam i go insait long ples mi redim long en. ¹³ Namba wan taim yu no karim olsem, na God Yawe, God bilong yumi i bel hevi long yumi bilong wanem, yumi no painim em na bihainim tok promise bilong em. ¹⁴ Olsem na ol pris na livai i klinim ol yet long karim bokis kontrak bilong God bilong Isreal. ¹⁵ Olsem na ol livai i karim bokis kontrak bilong God wantaim ol diwai bilong sanapim, long solda bilong ol, olsem God i tokim Moses,long bihainim olsem law bilong God Yawe i tok. ¹⁶ Devit i tokim ol het man bilong ol Livai long makim ol brata bilong ol, husat i save mekim musik wantaim ol samting bilong mekim musik, na ol musik igat string na ol hap na plat long mekim bikpela nois long musik na song bilong amamas na singaut bikpela. ¹⁷ Na ol Livai i makim Heman pikinini man bilong Joel na nara pela brata bilong em , Asap em pikinini bilong Berekia. Na tu ol makim ol lain tumbuna bilong Merari na Etan, Pikinini bilong Kusaia. ¹⁸ Wantem ol namba two lain man olsem Sakaria, Jaaziel, Semiramot, Jaiel, Uni, Eliab, Benaiah, Messeia, Matitia, Elipelehu, Mikaneia, Obedidom na Jaiel man bilong was long geit. ¹⁹ Heman, Asap na Etan em ol lain bilong mekim musik, ol i makim ol long mekim bikpela nois long bras plat. ²⁰ Sakaria, Aziel, Semiramot, Jaiel, Unni, Eliab, Maaseia na Benaia i mekim musik igat string, ol i makim long Alamot. ²¹ Matitia, Elipelehu, Mikneia, Obedidom, Jeiel na Azasia em ol lain i go pas wantaim ol hap ol i makim long Seminit. ²² Kenania em het man bilong ol Livai, em i go pas long mekim song long wanem em tisa bilong lainim ol man long mekim musik. ²³ Berekia na Elkana tupela i was man bilong bokis kontrak. ²⁴ Sebania, Josapat, Nataniel, Amasai, Sekaria, Benaia, na Eliesa em ol pris igo pas long bokis kontrak bilong God na winim biugel. Obedidom na Jehiah i stap wasman bilong bokis kontrak. ²⁵ Devit wantaim ol hetman bilong Israel na ol ofisa i bosim 1000 soldia ol i go long haus bilong Obetidom na kisim bokis kontrak bilong God Yawe i kam out wantaim amamas. ²⁶ Taim God i helpim ol livai lo karim bokis kontrak bilong God Yawe, ol i kilim 7 pela kau na 7 pela sipsip long givim offer long God. ²⁷ Devit i bilas wantem longpela naispela laplap bilong em, na tu wantaim ol livai ol i karim bokis kontrak, ol man bilong singim song na Kennaniah het man bilong ol man bilong singim song. Devit i putim naispela laplap. ²⁸ Na ol Israel i kisim bokis kontrak bilong God Yawe i kam na ol i singaut wantaim amamas na mekim nois bilong hon na biugel wantaim ol plat, na tu ol gita igat planti string wantaim ol hap. ²⁹ Taim ol Israel i kisim bokis kontrak bilong God Yawe i kam insait long taun bilong Devit, Mishel pikinini meri bilong king Saul i lukluk i go outsait long vindo bilong haus bilong em. Na em i lukim king Devit i amamas na danis na em i tok bilas long em long bel bilong em.