14 ¹ King Hiram bilong taun Tair i salim sampela ofisa bilong em i kam long Devit. Na tu em i salim ol diwai sida,kamda na man bilong wok long ston, bilong ol i ken workim haus bilong Devit. ² Devit i save olsem God Yaweh yet i bin putim dispela wok olsem king bilong ol manmeri bilong Israel, na God yet i laik litimapim na lukatim ol manmeri bilong Israel. ³ Devit i stap long taun Jerusalem, Devit i kisim planti meri na em i kamap papa bilong planti pikinini man na meri. ⁴ Dispela em ol nem bilong ol pikinini man bilong Devit husait i bin kamap long em long Jerusalem, Nem bilong ol i olsem Samua, Sobap, Natan, Solomon, ⁵ Iphar, Elisua, Elpelet ⁶ Nagah, Naphegi, Japhia ⁷ Elisam, Beeliada na Eliphelete. ⁸ taim ol Filistia i harim olsem ol Israel i makim Devit i kamap king bilong ol, ol i kam long painim king Devit, tasol Devit i kisim ol soldia na i go pait long ol. ⁹ Na ol Filistia i kam long ples daun Refraim na ol i mekim nogut long ol manmeri long dispela hap. ¹⁰ Orait na Devit i askim God na em i tok " Inap mi go na pait long ol Filistia o nogat? Bai yu givim ol birua long han bilong mi o nogat? God Yahweh i bekim tok na i tok olsem," Yes, yu go na pait bai mi givim ol long yu na bai yu winim ol." ¹¹ Ol i kam antap long wanpela ples ol i kolim Baal Perasi, na Devit i winim ol Filista. Na Davit i tok olsem "God bilong mi em i kam olsem, tait wara na i brukim ol birua bilong mi long han bilong mi." Olsem na em i kolim dispela ples Baal Perasi. ¹² Ol Filistia i lusim ol giaman god bilong ol na i ranawae i go, na Devit i tok na ol i kukim ol dispela ol giaman god. ¹³ Tasol bihain ol Filista i kam bek long dispela ples daun Refraim na i bagarapim ol manmeri gen. ¹⁴ Orait na Devit i askim God gen. Na God i tok," Nau yupela i noken go stret, tasol yupela i mas go long baksait bilong ol, na redi long pait long ples ol diwai balsam i stap long em. ¹⁵ Taim yupela i harim nois bilong ol man i wokabout antap long het bilong ol diwai balsam, yupela i mas save olsem me God bilong yupela i go paslain long yupela. Olsem na yupela i mas go na pait long ol Filistia." ¹⁶ Orait Devit i mekim olsem God i bing tokim em long en. Na em ranim ol Filistia long ples Gibeon go inap long ples Geser. ¹⁷ Olsem na biknem bilong Devit i go kamap long olgeta hap graun na God Yahweh i mekim olgeta manmeri i pret long Devit.