¹ Haqad Yesus gibilan, ya helmo ne gibilenaiq ham. On mataw muran kam kab osayta ka gigo asor a hi moqadmo in God ago maror azawayin inaq og kab gwahtiqsa ahol tuwaq daqay ham. ² Ari abeb kam 6 nazaq tihiqiyan Yesus in Pita teq Jems teq Jon giwaqim nenaq garah araq sisaqta abigmanib tugwalehiy. Gwalehim in gimomo nab gihol bin tuqosiy. Ossa mataw na gimeb Yesus ahol buliyim awaqan lul araq diq iy. ³ Sa in ago tubusan hus diq zeq anuwan nog iymo. Mat araq og kabta ago tubusan suhol naqmo hiqiyan in nazaq hus diq a hi iyaqta. ⁴ Ari disaipel in Yesus nazaq ahol waqad ossa Elaija ayow Moses inaq giwitan tugwahtiqiy. Gwahtiqim in disaipel gimeb Yesus inaq gamuk bilaqad turiy. ⁵ Tursa Pita in Yesus bulon, Tisa ham, i kab osauqta ka in dimunmo ham. Araq ninmem teq araq Moses amen teq araq Elaija amen ham. ⁶ Disaipel ezeqman na rab naqmo hiqiyad Pita anad a hi em hasadmo gamuk nazaq bilamta. ⁷ In gamuk nazaq bilaqad tursamo onqas hitiqim tigisih nat. Gisih net an God aqez onqas na aduganib gehitiqim bilam, ka ya itatin ham. Ya in anan inad bilaq naqmo hiqiyaqta ham. Ne in aqez huritiy ham. ⁸ Haqanmo disaipel ezeqman na gihol bubuliyad saw waqim leh bolan in Moses ayow Elaija inaq a ta hingibiyiy. In Yesus amomo gigerab tursa ahol waqiy. ⁹ Ari in aweweqmo garah na hulosim gewoqadmo Yesus disaipel ezeqman na gidek wazim gibilan, ne nagah muran ahol waqiyta ka hikidik bilaqiy ham. Abeb ya hodhod huloseq eraqid teq ne nagah ka ago tibilaq daqay ham. ¹⁰ An in Yesus ago gamuk huritim ginadnad emad ingimo an bulonim bilaqiy, Yesus bilam, ya hodhodab eraq daq ko in gamuk alulin ezaqta? haqiy. ¹¹ Haqad in Yesus tususumun ugiy, ta ezaqta ago mataw Moses ago gunun hurit kemiyta na bilaqay, Elaija danmeb bolid teq Krais abeb boldaq haqayta? haqiy. ¹² Haqan Yesus gibilan, helmo ham. Elaija nagah bunmo wstitaynan Haqad danmeb boldaqta ham. Teq gamuk araq kazaq usaqmo ham. Mat Atatin boleq santity ayahmo sorsa mataw gileh tuqug daqay ham. ¹³ Ya ne gibilenaiq ham. Elaija tubol ham. Bolan mataw ginadibmo in aholib daqdaq emim timeqin toniy ham. Kwaziqmo mat na anan gamuk mar toniyta nazaqmo in tiqemiy ham. ¹⁴ Ari Yesus disaipel ezeqman na nenaq muleqim tigewoqiy. Gewoqim in disaipel ta asor na mataw kabemmo nenaq humab ayahta wolim ossa in tigibiyiy. Sa mataw Moses ago gunun hurit kemiyta na in disaipel nenaq an mugad osiy. ¹⁵ Ossa mataw biyahta na in Yesus bolsa ahol waqad gihol turuh nemsa sibim agerab Lehim tubuloniy, Yesus no tegewom e? haqiy. ¹⁶ Haqsa Yesus disaipel susumun negim gibilan, ne nagaqgo mataw ka nenaq an mugay? ham. ¹⁷ Haqan mat araq dauh biyahta na gilikmanib osim era Yesus tubulon, Mat Iyah ham ya igo amun matta ka abol ham. In atenmosib bugaw ussa in gamuk a hi emaqta ham. ¹⁸ Bugaw na amun aholib bolaqta nab in amun wazim ogib hunegan woqaqta ham. Woqim in ateb asabalbalin husta gwahtiqsa in ate guruwad ahol baytunim usaqta ham. Ya ningo disaipel gibilenan in bugaw na muznan biyab a hi iyiy ham. ¹⁹ Haqan Yesus amenin emim gibilan, On mataw kam kabta ne God anan helmo a hi haqayta ham. Kam ganim ya teq nenaq a ta osdaiq? ham. Kam ganim teq ya ginad sibim iyaqta na agony a hi bilaqad ya ne gigo afaqan sordaiq? ham. Ari amun a bolid ham. ²⁰ Haqan in amun na Yesus ago hib a boliy. A bolsamo bugaw meqinta na in Yesus ahol waqad in amun na othasan ogib waqim ahol bubuliyad usad asabalbalin husta atenmosib gwahtiqsa. ²¹ Sa Yesus amun amam tisusumun ug, kam ganim amun aholib moq ka tuqusta? ham. Haqan amun amam bilam, in amun am ok osadmo in kazaq emyaqta ham. ²² Tutimmo bugaw meqinta na amun wol emnan in faq teq yuwmeb hunegan woqaqta ham. Ari ninmo ningo zaway usun teq ni i ginan ninad meqniysa gilumsiy ham. ²³ Haqan Yesus bulon, ningo zaway usun teq i giliumsih haqad ni bilam ham. Nazaq ni hi bilaq ham. Mat nog in helmo Mat Atatin ago zaway inaqta haqid teq God in mat nazaqta ayon nagah tiqem ugdaq ham. ²⁴ Haqan hidmo amun amam dedibmo bilam, ya helmo haqayta teq ya inad siqim iyaq ham. ²⁵ Yesus in mataw kabemmo agerab bolsa in bugaw meqinta na atoranmo bulon, bugaw no gamuk a hi emaqta nan a hi huritaqta ya ni nibilenaiq ham. ²⁶ Haqan bugaw meqinta na ek tonim amun wol hasan woqim abensen hunegsamo in amun hulosim gwahtiqim tituk. Tukim lehsa amun na bilaqne mat tumomta nog iy. Iyan mataw kabemmo bilaqiy, amun ka tumom haqiy. ²⁷ Teq haiq. Yesus amun na abenab wazim wazan eraqim titur. ²⁸ Abeb Yesus bitab lehim in ago disaipel nenaq giholbinmo osad disaipel tisusumun ugiy, i ezaq iyim bugaw meqinta ko a hi muz? haqiy. ²⁹ Haqan Yesus bilam, ne nagah araq amalib bugaw naqanta a hi muz daqay ham. Haiq ham. He God amomo bulonad susumun ugeq teq ne bugaw meqinta tumuz daqay ham. ³⁰ Ari Yesus ago disaipel nenaq uliq na hulosim le saw Galiliy-ib tugwahtiqiy. Gwahtiqim lehad in le edob osaqta na ago mat araq huritgo in hulos. ³¹ Na ezaqgo in ago disaipel suleq negyaqta na ago iyan. Suleq negad in gibilenyaq, Mat Atatin waqeq mataw gibenab tiqem daqay haqyaq. Emid teq in wol emid tumoqdaq haqyaq. ³² In nazaq bilaqsa ago disaipel ginad a hi emnan yaqay. Ad teq in Yesus susumun ugnan rab yaqay. ³³ Ari in lehim uliq Kapaneam-ub tugwahtiqiy. Gwahtiqim in bitab lehim osad teq Yesus in ago disaipel tisusumun nag, ne danib Naga gamukin an bulonim boliy? ham. ³⁴ Haqan disaipel giqezmo hiqiyim osiy. Na ezaqgo in gimo danib bolad an bulonimbilaq yaqay, i gilikmanib nog diq in ayahdiqta ham yaqay. ³⁵ Ad Yesus os woqim osad ago disaipel 12 gibilenan agerab boliy. Bolan in gibilan, mat aw nog in danmeb iynan haqad in ahol waqeq abeb diq emeq teq in mataw gigo kabibiy mat samanta iyan ham. ³⁶ Haqad in amun amikta araq waqim eman nob negim tursa teq in ay netim teqdisaipel gibilan, ³⁷ Mat nog in amun kaqanta ya ibinib bolsa ahol waqad wazinaqta na in ya iwazinaqmo ham. Teq in ya imomo a hi iwazinaq ham. Haiq ham. In ya imam iqeman bolsa na wazinaqmo ham. ³⁸ Ari Jon in Yesus bulon, Tisa ham mat araq ni nibinib ugaw meqinta gimuzsa i luwim ahol waw ham. Teq mat na i inaq araqib a hi luwad iyan i wasihad bulon, ni nazaq ta hi em haw ham. ³⁹ Haqan Yesus bilam, ne hi wasihiy ham. Mat araq ya ibinib day azawayin inaqta in hidmo ya igilehnib nan meqinta a hi bilaqdaq ham. ⁴⁰ Na ezaqgo mat geg a hi igaqta na in i giyowta ham. ⁴¹ Ad mat aw nog in gibiy kemad bilaqdaq, ka Krais ago mataw Haqad teq in ne gimeb yuw soqoreq negid uluw daqayta, na ya helmo ne gibilenaiq ham. Mat na inaqmo God abenab haw dimunta tuwaqdaqmo ham. ⁴² Haqad Yesus bilam, mat nog in onmin amikmikta ya inan helmo haqayta na gigo araq baymuzsa in anad helta na hulosnan tonid mat daq nazaqta emdaqta na in yaqgo faq meqin diqta tuwaq daq ham. ⁴³ - ⁴⁴ Ari ni niben araq kat nigid ni ninad helta hulosnan tonad ni niben na uroteq hunegid lehan ham. Ni niben amulikmo inaq iyeq os dimuntab leh daqta na in dimunmo ham. Ari ni niben giger inaq iyeq os meqintab lehdaqta na in meqin ham. Saw nab faq oyad a hi miyaqta ham. ⁴⁵ - ⁴⁶ Teq ni nisen araq kat nigid ni niand helta hulosnan tonad ni nisen na uroteq hunegid lehan ham. Ni nisen amulikmo inaq iyeq os dimuntab lehdaqta na in dimundiq ham. Ari ni nisen giger inaq iyeq os meqintab lehdaqta na in meqin diq ham. ⁴⁷ Teq nimeq nagin kat nigid, inereq huneg lehan ham. Na in dimun diq nimeq amulikmo God ago maror aduganib gwahtiqgo in dimundiq ham. ⁴⁸ Saw nab kadum gisan neqayta na a hi hiqiyayta ham. Teq nab faq oyad a hi miyaqtamo ham. ⁴⁹ Na ezaqgo faq bilaqne didaq oyayta nazaq nog ginoy daq ham. ⁵⁰ Kamis in nagah araq dimun diq ham. Teq kamis argon hiqiyid teq ni ezaq tonid teq in agon a ta iyaq? ham. Nazaq iyan ne gimugan bilaqne Kamis dimunta nog iysa ne an ulum sihad an hi bayiy ham.