¹ Ari Yeses saw na hulosim le saw Judia-in gwahtiqim teq in le yuw Jodan,urotim aqurumnib le guzaqban leaa law. Luwsa mataw dauh kabemmo boleq agerab humab tubol yaqay. Humab wolsa Yesus in ago daq muzinim God ago suleq tigibilenyaq. ² Gibilensa Farisi asor bo Yesus ulim waqnan haqad agerab tuboliy. Bolim in Yesus tususumun ugiy, i Juda gigo maror bilam, mataw in ago aw muznan tumuzdaq ham ta in daq dimun o daq in mwqin? haqiy. ³ Haqan ta Yesus susumun negim gibilan,Moses nagah gununin ne nag? ham. ⁴ Haqan in bilaqiy,Moses gunun emim bilam, mat in aw muz agamukin martoneq teq aw tumuz daq ham. ⁵ Haqan Yesus gibilan ne gigem soqotim usa ne God anad a hi muzinsa iyan Moses ne gimen gunun na mrton nag ham. ⁶ Teq mebmebmo diq God nagah bunmo giqamta nab on mataw matmat ta teq onon ta inaq mo giqam ham. ⁷ Daq alulin naqmo ago mat in anen amam gihuloseq in awe aholib tisoqotdaq ham. ⁸ Soqoteq in giger gihol amulikmo iyeq tuqos daqay ham.Nazaq iyan mat awe inaq in gihol giger a ta hi iyayta ham. Haiq gam ham. ⁹ Nazaq iyan nagah God am tuwazan usaqta na mat araq ion ta hi urotan ham. ¹⁰ Ari abeb Yesus ago disaipel nenaq le bit aduganib gwahtiqim teq disaipel in gamuk na ago tisusumun ugiy. ¹¹ Susumun ugan Yesus gibilan, mat awe muzad aw ta araq muturta waqaqta na in awe amebta na meqin tonad in bilaqne mat ta araq ago aw inaq luw nog iyaqta ham. ¹² Ad daq nazaqmo aw aduw hulosim le mat ta araq muturta waqaqta na in aduw amebta na meqin tonad in bilaqne aw ta araq ago mat inaq luw nog iyaqtamo ham. ¹³ Ari on mataw gigo omin amikmikta Yesus agerab giqad tubol yaqay. Yesus giwazeq gidimun tondaq haqad. Teq haiq. In onmin giqad bolsa disaipel ginadad tigimuz yaqay. ¹⁴ Sa Yesus in disaipel nazaq tonsa gibiyad agem timeqniy. Agem meqniysa in gibilan, ne onmin gihulosid yaqgo hib boliy ham. Ne hi giwasihiy ham. On mataw naqantamo God ago maror aduganib gwahtiqayta ham. ¹⁵ Ya helmo ne gibilenaiq ham. Mat aw nog in onmin gibin haiqta ka nogmo iyad God ago maror aheqenib a hi oseq in God ago maror na aduganib le a hi gwahtiq daqay ham. ¹⁶ Haqadmo in onmin giqay netim aben giholib emim giwazad tigibarton. ¹⁷ Ari Yesus eraqim danib lehad luwsa mat araq sibim bolim in anognib abakbakan ulum laquwim turad tubulon, Tisa dimunta ham, ya ezaq tonid teq God in ago os dimunta kuluwa- kuluwmo osayta tiyag daq? ham. ¹⁸ Haqan Yesus bilam, ni ninad ezaq emad ya inan dimun haqaq? ham. God amomo ion dimunta ham. ¹⁹ Haqad in mat na bulon, gunun bunmo Moses bilamta na ago ni tuhurit ham. Ni hi rinton ham. Ni hazizir-ib mat araq hi ka ug ham. Ni mat araq kat ugeq ago nagah samanmo hi waq ham. Ni ninen mam giuqez hurit ham. ²⁰ Haqanmo mat na bilam, Tisa ham ya amun-ibmo osad gunun nagan bunmo muzim bolim muran ya mat ayah tiqiy ham. ²¹ Haqan Yesus mat na ahol waqad in anan anad bilam. Anad bilaqsa in bulon, ni ninad amilikmo em nagta a hi emaq ham. Ni leheq ningo nagah bunmo gizayeq amenin waqeq teq in mataw ginaghan haiqta neg ham. Ad ni daq na emeq teq ni ya imuzeq bol ham. ²² Haqan mat na gamuk nazaq huritimo in anobun iyim anad ayahmo meqniysa tilah. Na ezaqgo in ago nagah dimunta kabemmo usta na ago iyan. ²³ Ari mat na tilehsa teq yesus ahol biliyim in ago disaipel gibiyad gibilan, mataw gigo nagah kabemmo inaqta na in God ago maror aduganib gwahtiqgo afaqan diq ham. ²⁴ Haqan disaipel gamuk na huritim gihol turuh nam. Samo Yesus a ta gibilan, yaqgo onmin ham mataw God ago maror aduganib gwahtiqgo afaqan diq ham. ²⁵ Haqad in gamuk awowun araq gibilenim bilam, karuq ayahta anan kamel haqayta na in nidel akuyaknib le tugwahtiqdaq e? ham. Hikidik ham. Ad nazaqmo mat ago kabemmo ginadin emayta na in God ago maror aduganib le a hi gwahtiq daqaymo ham. ²⁶ Haqan disaipel giholturuh nemsa in an bulonim bilaqiy, nazaq iyid teq mat araq diq God ago os dimunta nab le a hi gwahtiq daqay ham. ²⁷ Haqsa Yesus gibiyad gibilan, mataw in gimo gigo zawayib le a hi gwahtiq daqayta ham. Inmo mataw gilumsihsa teq in le tugwahtiq daqay ham. Na ezaqgo in nagah araq a hi emdaqta a haiq ham. ²⁸ Haqan Pita tubulon, ni i gibiy ham. I nagah bunmo gihilosim i ninmo nimuzim ninaq tilehauq ham. ²⁹ Haqan Yesus bilam, ya helmo ne gibilenaiq ham. Mat aw nog in ya iwagamun huritim teq in ya imuzeq bolnan haqad in gigo bit teq gimaq baban teq gihiyan teq ginenmaman teq in gigo onmin teq in gigo og gihulosiyta. ³⁰ On mataw na bunmo og kab osad in gigo nagah gihulosiyta na amenin 100 nazaq tuwaq daqay ham. Waqad in gigo bit teq gimaq baban teq gihiyan teq ginenan teq gigo onmin kabemmo diq inaq iy daqay ham. Ta teq in ya imuzeq bolsa mataw in afaqan tineg daqaymo ham. Ad abeb kam muturta nab teq mataw na in God ago os dimuntab gwahtiqeq kuluwa- kuluwmo tuqos daqayham. ³¹ Kam nabmo mataw gibin inaq iyim osayta na kabemmo in gibin hiqiyad bo abeb tiqiy daqay ham. Sa mataw kabemmo og kab gibin haiqta na in gibin inaq iyeq le danmeb tiqiy daqay ham. ³² Ari kam nab Yesus danib gwahtiqim uliq Jerusalem-ub lehad in danmeb lehsa ago disaipel in abeb muzim inaq lehad teq in ginad haresmo em yaqay. Sa mo mataw ta asor in Yesus ago disaipel gibeb gimuzim nenaq lehad in ginad rabsa lehyaqaymo. Lehsa Yesus in ago disaipel 12 na giwaqim giqad le giholbinmo turad teq in aholib daq gwahtiqdaqta na anan tigibilan. ³³ In bilam, ne huritiy ham. Muran i Jerusalem-ub gwahtilehauq ham. Nab teq mat araq in Mat Atain waqeq mataw tama emayta gigo aseseqta na giyogniz mataw Moses ago gunun hurit kemiyta na nenaq gibenab tiqem daqay ham. Emid in ayon tibilaq daqay, wol emid moqan haq daqay ham. Haqad in mataw enta asor Juda q haiqta na gibenab tiqem daqay ham. ³⁴ Emid teq in Mat Atatin bilawunad kusluw ugad tuwoltitay daqay ham. Woltitayeq teq in wol emid tumoqdaq ham. Moqeq kam ezeqman useq teq in kayeq iyeq ta eraqdaq ham. ³⁵ Haqan teq Sebediy atatin giger Jems ama Jon in Yesus buloniy, Mat Iyah haqiy ago tisusumun nignan haqiy. ³⁶ Haqan in bilaqiy, abeb ni maror ayah diqta iyeq ni nibin saw bunmo lehsa teq ni i giger ban igid i ninaq tuqosam haqiy. ³⁷ I ni nigerab niqabun ban teq nisaran ban ossa on mataw bunmo i gihaqenib os daqay haqiy. ³⁸ Haqan Yesus gibilan, ne nagah anan susumunayta ka ago ne a hi hurit kemiy ham. God ago yuw agon meqin diqtq ya uluw daiqta na asor ne giger tuquluw daqaymo ye? ham. Teq santitiy ya iqisih bugdaqta na in ne giqisihsa ne tisor daqay e? ham. ³⁹ Haqanmo giger na bilaqiy, i nazaq tiqemam haqiy. Haqan Yesus gibilan, helmo ham. Ya gog ayuwun agon meqinta uluw daqaiyta na nogmo ne tuquluw daqay ham. Teq ya santitiy sordaiqta nazaq ne tisor daqaymo ham. ⁴⁰ Ari nog diq ya iben iqabun ban osdaqta nateq nog ya iben inasaran ban usdaqta na in yaqgo nagah a haiq ham. God in mataw gingan gimen ban tuwastitayan usaqta naqmo in ban na tuwaq daqay ham. ⁴¹ Ari disaipel 10 na gamuk na huritim in Jems ama Jon inaq gigem meqinta tineg yaqay. ⁴² Negsa Yesus gibilenan agerab bolan in gibilan, on mataw en ta asor Juda haiqta nagan gigo maror aseseqta na gihol abin iluwad igmo ag haqad osayta ham. Na ago ne tuhuritiyta ham. ⁴³ Teq ne in gigo daq na hikidik muziniy ham. Ne gilik manib mat nog in mat ayahta iyeq osnan haqad in ahol wazid woqsa in ne gilumsiheq gimen kabiy eman ham. ⁴⁴ Ad mat nog in ne gigo matamebta iyeq osnan haqad in ne gigo kabibiy mat samanta iyeq osan ham. ⁴⁵ Na ezaqgo Mat Atatin in mataw giqemid inmen kabiy sorgo a hi bol ham. In mataw gigo kabibiy mat nog iyeq in gigo afaqan inmo ahol ugad teq in ahol amalib mataw kabemmo gizayeq bab gibenab ta giwaqgo haqad in bolta ham. ⁴⁶ Ari yesus ago disaipel nenaq teq mataw asor dauh biyahta nenaq in uliq ayahta Jerusalem-ub lehad luwim le uliq Jerik-ib tugwahtiqiy. Gwahtim in uliq na hulosim lehsa Timeus atatin anan Bartimeus haqayta na in awe haiqta iyim dan adekib osad nagah anan sunad osyaqta. ⁴⁷ Osad in Yesus mat Nasaret-ibta bolaq haqsa in abin tuhurit. Huritim in dedibmo lileyim bilaqyaq, Yesus haqyaq. Devit atatin haqyaq. Ni ya inan ninad meqniyan haqyaq. ⁴⁸ Haqsa mataw kabemmo mat na wadim buloniy, Ni niqez hiqiy haqiy. Teq haiq. In dedibmo lileyeq a ta bilaqyaq, Yesus haqyaq. Devit atatin haqyaq. Ni ya inan ninad meqniyan haqyaq. ⁴⁹ Haqsa Yesus bolim turad in mat na aqez huritadmo bilam, bulonid ya igerab bolan ham. Haqan mataw na in mat ame haiqta na bulonim bilaqiy, kadoy haqiy ni ninad dimniyan haqiy. Ni eraqeq agerab leh haqiy. In tinibilenaq haqiy. Ni eraqeq agerab leh haqiy. ⁵⁰ Haaqan mat ame haiqta na ago tubusan ahol isihim usta na hasim hulosan woqsa in hidmo eraqim yesus agerab tilah. ⁵¹ Lehan Yesus bulon, ya ni ezaq ni tondaiq? ham. Haqan mat ame haita na bilam, Mat Iyah ham, ya saw ahol waqnan inad bilaqaq ham. ⁵² Haqan Yesus bulon, ni leh ham. Ni ya inan helmo hamta naqmo niqeman ni nimeq tidimniy ham. Haqan muran diq nawaqmo mat na ame hastitayan in saw ahol tuwaqyaq. Saw ahol waqad in Yesus muzim inaq Jerusalem-ub tilah.