¹ Ari ago Yesus ago disaipel nenaq leh Jerusalem sinsin tuqugad in le uliq giger Betfage teq Betaniy gigerab tugwahtiqiy, garah Oliv asenab. ² Gwahtiqim Yesus in ago disaipel giger giqeman danmeb lesain gibilan, ne leh uliq ginobun ban usaqta kob gwahtiqeqmo donki amindon araq amalib asit a hi luwiyta nawa am wazan turasa ne ahol tuwaq daqay ham. Ahol waqeq ne haseq a boliy ham. ³ Sa mat araq gibileneq bilaq," ne nagago zaq emay?" haqid ne kazq bilaqiy ham.Iyahta ago kabiy inaq iyan haqiy ham. Kabiy na hiqid teq in hidmo emid teq boldaq haqad ne boluniy ham. ⁴ Haqan giger na lehim donkin araq minminta bit araq aduganib am wazan tursa ahol tuawqiy. Ahol waqad in donki na aqamun tuqorotiy. ⁵ Haqsa mataw nab turiyta na tususumun negiy, ne giger nagago donki minminta na aqamun hasiy? haqiy. ⁶ Haqan Yesus gibilan ta nazaq mo in mataw na tigibileniy. Hibilenan in mataw na dimunmo haqan mo in donki amidon tuwaqiy. ⁷ Waqim in Yesus ago hib a lehim in ago tubusan hasim donki amalib emanmo Yesus donki amlib tuqos. ⁸ Ossim lehsa mataw kabemmo in gigo tubusan hasim danib gihureniy.Gihurensa asor ay aben amikamik ta giwaqim abolim danib gihunegim giqad lehiy. ⁹ Dan balaw tonim holosad teq mataw asor ameb lehad mataw asor abeb bolad in lileyim bilaq yaqay, God abin soriy haq yaqay. Mat ka iyah ta abinib bolan i ginad bilaqaq naqmo iyaq haqiy. ¹⁰ Teq kwaziqmo i gises Devit maror iyim osta na akaman diq a ta gwahtisa i ginad tidimniy hasaq haq yaqay.I God abin sorid ulilibmo diq gwalan haq yaqay. ¹¹ Ari Yesus leh uliq Jerusalam-ib gwaqtiqim Tempel-ib tilah. Lehim Tempel ago gel aduuganib gwatiqim luwad nagah bunmo ahol waqad luwsa tarom tiqiy nan tonsa in disapel 12 na ninaq us nan haqad uliq Betani-ib mileqim ta lehiy. ¹² Lehim usa tarommo in iraqim Betani holosim Jerusalamub ta lehad luwimmo Yesus agem moqsa in ay fik araq pesanmo tursa ahol tuwaqad in anon waq nan agerab tilom. ¹³ Loqim in anon araq ahol a hi wam. Haiqgam. Anan mo us. Na ezaqgo kam na in ay fik anon emgo a kman a haiq. ¹⁴ An Yesus ay na bulonim bilam, ni ninon a ta hi emsa mataw ninon araq waqeq a ta hi neq daqay ham. Haqsa ago disaipel tuhuritiy. ¹⁵ Ari Yesus ago disaipel nenaq leh Jerusalm-ub tugwahtiqiy.Gwahtiqim Yesus leh Tempel agelin aduganib gwahtiqim in mataw nagah gizayad osiyta na gimuzan in asan ban gwahtiqim tileh yaqay. Lesa in mataw gimeq amo amo waqad amenin bit na ago gimeq negay ta na gigo ban otbiliyan tuwom. Teq in mataw ah hushus ta God ayon tamaz emgo gizayay ta na gigo ban inaqmo giqot biliyan woqiymo. ¹⁶ Sa mataw Tempel a hi wazinad in saw na agem in siseqim nagah sorim leh bolad luwsa Yesus gibiyad in gunun emim gibalan, ne Tempel ago saw ka wazinad nagah haresmo sorad uliq gem ka siseqad hi luwiy ham. ¹⁷ Haqad in mataw suleq negim kazaq gibilan, God ago marib gamuk araq kazaq gibilan ham, mataw yaqgo bit anan bilaq daqay, on mataw bunmo God inaq gamuk emgo a bitan haq daqay haqad in bilam ham. Teq ne eman in mataw rintonay ta ago a bitan nog tiqiy ham. ¹⁸ Ari mataw tamaz emay ta gigo aseseq ta na giyogniz mataw Moses ago gunun hurit kemiy ta na nenaq in Yesus ago gamuk nazaq huritim in wol emid moq go adanteq in tinagun yaqay. Teq in Yesus rabun yaqay mo. na ezaqgo on mataw bunmo Yesus ago suleq hueitad gihol turuh nemsaa in wazin yaqay nangoiyan. ¹⁹ Ari imasor tiqiysa Yesus ago disaipel nenaq Jerusalem hulosim tilehiy. ²⁰ Lehim usim iraqim tarommo in Jerusalem-ub ta lehad hiwmmo ay fik na ahol ta waqiy. Ay na anininabeqar teq anan inaqmo yumay bugim tur. ²¹ Sa Pita in irimmo Yesus gamuk bilamta na in anadin emad in Yesus bulon, Iyahta ham ni ay ka ahol waq ham. Irimo ni ay fik anan bilam '' meqniydaq'' hamta ka tumay bugham. ²² Haqan Yesus bilam, ni ninad amomo God ago hib usan ham. ²³ Ya helmo ne gibilenaiq ham, mat anad amulikmo ussa in helmo God nagah yaqmen tiqem buagdaq haqaqta, mat na garah ko buionid in iraqeq sortukeq le kamis meb tuwoqdaq ham. ²⁴ Na alulin nazaq iyan ya ne gibilan ham. Ni nagah araq anan God susumun ugad bilaqyaq, "helmo God tiqidaq haqad God nagah na tineg daq ham. ²⁵ Ari in God inaq gamuk tiqemnan haqad luweq ni mat araq nimiqin tonta na anadin emdaq ham.Nazaq iyid danmeb in mat ago daq meqin ta na walemad anadin hi em ham. Ad teq in gigmam iyah heven-ib sossaq ta na ningo gamuk bulon ham. Ni nzaq tonid teq God nazaqmo ningo daq meqin ta giwalem mad in ni niqez tuhurit daq ham. ²⁶ Ari Yesus ago disaipel nenaq Jerusalem-ub ta leh hiy. ²⁷ Lehim Yesus Tempel agelin aduganib loq gel luwsa mataw tamaz emay ta na giyog niz mataw gunun huritkemiy ta na teq mataw maror ta nagan in yesus agerab tuboliy. ²⁸ Bolim in Yesus tisisumun ugiy, ni nibin ezaqta iyim in daq kagan emaq? haqiy. Teq nog daq nibin na nigan ni kazaq emaq" haqiy. ²⁹ Haqan Yesus gibila, teq ya nazaqmo nagah araq susumun negid ne amenin emmiy. Ne yaqgo susumun ka amenin emid teq nog ibin yagan ya daq kagan emayta na ago ya tigibilen daiy ham. ³⁰ Ari Jon mataw huznegad teq na gigo kabiy Heven-ib bol o haiq in mataw mo gigo hib kabiy na wamta? ham. Ne yaqgo gamuk amenin bilaqid ya huritiq ham. ³¹ Haqan mataw aseseqta na ingimo anmugad bilaqiy, i bilaqam, kabiy na God ago hib bolta haqid in tibilaq daqay, ta nagago ni Jon ago gamuk huritim anan helmo a hi haqiy? haq daqay haqiy. ³² Ari i bilaqam kabiy na mataw mo gigo hib bolta haqid mataw biyahta ka eraqeq i ezaq gitonad daqay ta na i a hihurit haqiy. Na ezaq go on mataw na bunmo Jon anan God ago nan tut araqmo diq haqsa mataw maror nagan in ginan tirab yaqay. ³³ Nazaq iyan in Yesus ago susumun na amenin emim boloniy, i a hi hurit haqay. Haqan Yesus gibilan, Ya nazaq mo ham. Nog ibin yagan ya daq ka emay ta na ago ya a hi gibilen daiq mo ham.