¹ Ari Yesus in gamuk awowun tigibilan. In kazaq gibilan, mat araq in wain akabiyan am,in ago wain kabiy na gel tonim, teq in yay araq saw wain waqiyta nab tilay. Ari in mataw wain wamuzay na giyon bit araq tiqam. Ari in wain wamuzad in eman mataw kabiy wamuzay na gigo-ib leh yaq. Ari in uliq araqab tilah. ² Ari wain amagin waq go akaman tugwahtim, hwahtiqan in ago kabibiy mat araq eman leh wain amagin wago lah. ³ Ari in mat na wazim wolim muzan samanmo tilah. ⁴ Teq in ago kabibiy mat araq eman mileqim ame gigerta talah, lehan in meqin tonad teq bilawuniy yaqay. ⁵ An in araq a ta eman talehan wol eman tumom. In daq amilikmota na in mataw ta asor gigo hib emyaqay. Asor ginolad asor ginol em yaqay. ⁶ Ari in mat araq mo eman talah, mat na in anad diq bilaqaqta na mat abetenta na eman tilah.In kazaq bilam, teq in ya itatin aqer tuhurit daqay ham. ⁷ Ari wine anambren in kazaq bilam, mat ko in amam ago nagah bunmo tuwam ham. Ne bilaqid i wol emuq haqiy, Ad ago moni ago nagah dimunta na i waqam haqiy. ⁸ Ari in tuwazim wolem hunegan kabiy wine asanban tugwahtim. ⁹ Nazaq iyan kabiy wine anambran na in ezaq titondaq, in boleq mataw kabiy wine wamuzayta na gimuzad in kabiy wine na mat ta araq ug. ¹⁰ Ta teq ne God ago marib gamuk ka martoniy o haiq? an gig amalib bit emgo na tigineriy inerim in bilaqiy na gig atoran ta amalib bit emgo. ¹¹ Gamuk ka iyahta ago hib bol, in dimun didiq. ¹² Ari in Yesus wazeq am emgo teq mataw on kabemo ossiy in gihorab yaq, Na ezaq go Yesus in gamukn awowun mataw on tigibilan.Nazaq iyan holosid in lehan. ¹³ Ari mataw aseseqta Farisi teq Herot ago mataw asor bo ahol tuwaqiy. ahol waqad in gamuk asor katiyta amalib tikat-ug yaqay. ¹⁴ Ari in bolim kazaq bilaqiy, Tisa ni mat gamku helmo haqaq ta teq ni mat araq anan ninad bilaqaqta. Teq ni nigem kiskista on mataw bunmo gilikmanib usaqta. Gamuk heltaq mo ni mataw on God ago gamuk dimunta gibilenaq ta. In dimunmo i takis Sisa ugo, ohaiq gam. ¹⁵ Ari Yesus in mataw na gigo gamuk katiy ta in tuhuritimin in nan asor tahibilam, izaqgo ne bo katiyag go? Ne koin araq waq abolid ya ahol waqiq. ¹⁶ Teq in coin araq waqim ad Yesus ago hib tuboliy, in kazaq gibilan, ka nog adulan in coin - ib kab usaq teq nog anan kab usaq,in bilahiy Sisa haqiy. ¹⁷ Ari Yesus kazaq bilam, ne Sisa ugiy ham. O God ugiy ham. O in God ago. Teq in gihol turuh nam. ¹⁸ Ari Sadusi in Yesus ago hib boliy. Mataw asor in bilaqiy, ni ta iraq daq haqiy haqay. In bulonim bilaqiy. ¹⁹ Tasa, Moses in gamuk ka igmen marton, an maqbab araq in moqeq,awe in osdaq teq ago onmin haiq, teq mat na ago maqbab in moqid teq in aw waqeq inaq osad in ago iyahta ago onmin giqenday ham. ²⁰ Ari gamuk araq kazaq lyahta haqiy. Mat araq amikqaniz nanaq 7 nazaq diq iyim osiy haqiy. Osim in gibab na aw araq tuwam haqiy. Waqim inaq osad in ago amujn haiqmo osim mo tumom haqiyu. ²¹ Moqan ama ta araq aw naqmo tuwam haiqiy. Ta in gima ezeqmanta na nazaqmo ta haqiy. ²² Na moqan in amagniz bunmo nazaqmo titoniymo haqiy. Mataw mabab 7 na in aw amulik naqmo waqim amun a hi gwahtigsamo in tumoq bugiy haqiy. An abeb aw na tumom mohaqiy. ²³ Nazaq iyan abeb mataw bunmo hodhod huloseq araq daqayta na teq aw na in nog diq awqe tiqiydaq? haqiy. Maqbab 7 na bunmo in aw amulik naqmo waqiyta haqiy. ^{24 24} In nazaq haqanmo Yesus gibilan, na God ago marib gamuk usaqta na ago ginad a hi em hasaq ham. Teq ne God ago zaway a hi hurit kemaymo ham. Na ago iyan ne God gamuk menmen bilaqay ham. ²⁵ Ari on mataw hodhodabn eraqeq in an a ta hi waq daqay ham. In bilaqne God ago hib angeko osayta nazaq nogmo in os daqayham. ²⁶ Teq God ago mataw tumoqiyta giwazid hodhodab eraq daqayta na agamukan Moses ago marib usaqta ham. Mar nab ne ay amikta faq oyad a hi orworta awagamun na ni ahol a hi waqiyta daqagya ham. Wagam nab God in moses bolinim bilam, Abraham ago God teq Aisak ago God teq Jekob ago God na yaqmo haqad in bilem ham. ²⁷ Nazaq iyan God in mataw moqim kayeqmo osayta gigo God a haiq, teq in on mataw kayeqmo osiyta gigo God. Ne mataw gamuk miqinta bilaqiyta. ²⁸ Ari mataw araq Moses ago gunun hurit kemta na bolim Yesus Sadyus nenaq gamukib an bayad tursa in tuhurit. Huritsa Yesus in gigo gamuk amenin dimun diqmo bilaqan mat na era Yesus tisusumun ug. God ago gunun doqag diqta in gunun bunmo giquriyamim in dan meb diqta? ham. ²⁹ Haqan Yesus bilam, gunun ameb diqta na kazaq bilam ham.I gigo Iyahta God in amomo Iyahta iyim osaqta haqad in bilam ham. ³⁰ Sa ne gigem teq giqutl teq ginad teq ne gigo zaway bunmo amalib ne gigo Iyahta God anan bilaq daq haqad in bilam ham. ³¹ Teq gamuk gigerta na in kazaq ham. Ni nihol anan ninad bilaqaqta nazaqmo ni niyow anan ninad bilaqan haqad in bilam ham. Gunun giger na in God ago daq dimdimunta giquriyamim in ameb diqta ham. ³² Haqan mat Moses ago gunun hurit kamta na in Yesus bulon, Mat Iyah ham helmo diq ni bilam ham. God amomo in Iyahta iyim osaqta ham. God araq haiq ham. ³³ Ad in giqutil-ibmo teq i gigo zaway-ibmo i God anan ginad bilaqaq ham. Teq igmo gihol anan ginad bilaqaqta nazaqmo i on mataw bunmo ginan ginad bilaq daq ham. Daq giger na na in mataw God ayon tamaz emad naw ugayta na bunmo giquriyamim in ameb diqta ham. ³⁴ In nazaq anad em hasim bilaqan Yesus huritim tubulon, ni God ago maror sinsin ugim osaqta ham. Ari Yesus in mataw na gigo susumun bunmo amenin anononmo eman mataw bunmo rabad in Yesus ulum waqnan a ta hi susumun ug yaqay. ³⁵ Ari Yesus Tempel agelin aduganib mataw suleq negad tuqos. OSad in bilam, ezaq haqad mataw Moses ago gunun hurit kemiyta na bilaqay, Krais in Davit atatin haqayta? ham. ³⁶ Kwaziqmo God ago Bugaw Dimunta in Davit anad ugsa, Davit in Krais anan bilam. Iyahta in yaqgo Iyahta kazaq bulonim bilamham. ³⁷ Ari Davit-mo in Krais anan bilam. Yaqgo Iyahta haqad in bilam ham. Nazaq iyan Krais in Davit ago Iyahta iyeq teq in Davit atatin a ta iydaq? ham. Haqan on mataw biyah nab turiyta na in Yesus ago gamuk huritim ginad tidimniyiy. Na ezaqgo Yesus in mataw aseseqta na gigo gamuk adanin qway bugta na ago iyan. ³⁸ Ari Yesus mataw na suleq negad osim gibilan, ne mataw Moses ago gunun hurit kemiyta na gigo ne gihol waz naqmo hiqiyiy ham. In tubusan dimun diqta giholib emim dan muzad luwayta ham. Luwsa mataw gibiyad ginan mat ayah haqsa in ginad diq dimniyaqta ham. ³⁹ Mataw na bit ban humab wolaytab, ban ulilibta nabmo sonan ginad bilaqaqta ham. Ad in humab adidaqan inaqtab in ogib garuruhab osnan hulosmo diq hulosayta ham. ⁴⁰ Teq in on waburta kat negad gigo bit samanmo waqayta ham. Ad in mataw gimeb God inaq gamuk sisaqmo bilaqim a lehaiqta ham. God hazizir ayahta emdaqta nab teq mataw na in on mataw bunmo giquriyameq faq ayah diqmo tuwaq daqaiq ham. ⁴¹ Ari teq Yesus Tempel agelin aduganib ossd mataw gigo naw hunegan mani emayta abanab woqsa in gibiyad os. Ossa mataw ginaghan inaqta na kabemmo boleq mani kabemmo gigem yaqay. ⁴² Sa teq aw warburta araq anaghan haiqya bolim mani amikmikta gigermo hunag. ⁴³ Henegan Yesus ahol waqad in ago disaipel gibilanan agerab boliy. Bolan in gibilan, ya helmo ne gibilenaiq ham. Aw waburta ahol anaghan haqiyta ko in mani amik diqta emim in on mataw mani kabemmo emayta ko gihur iyam bug ham. ⁴⁴ Na ezaqgo mataw ko bunmo in gigo mani kabemmo usaqta na ago asitmo emiyta ham. Ari aw ko haiq ham. In aholib mani asitmo usta nabunmo em bugim in ago mani araq in didaq zayeq neqdaqta na haiq tiqiy ham.