¹ Ari nab mataw kabemo Yesus agerab humab ta woliy. Humab wolim osad in didaq aboliyta na tinaq bugiy. An Yesus in ago disaipel gibilenim bilam. ² Ya on ezeqmanmo ginan inad timeqniyaq ham. Ya nenaq kam ezaqmanmo osan in gigo didaq tihiqiy ham. ³ luweq in gigemnan moqad ossa ya giqemid lehad in gime sinsanid danib woq daqay ham. ⁴ Haqan ago disaipel bilaqiy, saw ka amtawun haiq ta haqiy. I idob didaq waqeq mataw ko negid neq daqay? haqiy. ⁵ Haqan Yesus on mataw biyah ta na gibilenan ogim tuqosiy. Ossa in bret 7 na waqim God essay ugim in orqayim teq in mataw gigo hib iberim ad tilah. ⁶ Haqan Yesus on mataw biyaq na gibilen nan og tuqosiy.Osa in bret 7 na waqim God esey ugim in orqayim teq in mataw gigo hib iberim a tilah. ⁷ Ad in ago nibiq amikamik ta amilik-amilik mo usata na Yesus waqim God esey ugan in ago disaipel waqim tiqiberiy. ⁸ An mataw negan tigiyun bug. Giyunnin bugan didaq abeyan asor osan disaipel kuram 7 giwaqim amlib tigiseheniy. ⁹ Mataw na ginulinan kabemo 4000 nazaq. An Yesus on mataw na gibilenan giquliq-uliqmo tileh hiy. ¹⁰ Lehsa Yesus ago disaipel nenaq muy araqab gwalim saw Dalmanuta haqay nab tilehiy. ¹¹ Lehan teq Farisi asor Yesus agerab tuboliy.Bolim in Yesus ulum waqad tubolniy, ni God bulonid in daq araq azawayin em gwahtiqsa i ahol waqad teq ni nan helmo tihaqam haqay. ¹² Haqan yesus in Farisi gimugan meqinta tiloyinim in ahol afaqan tiqiy. Ahol akwirin ayahmo gwaqtiqsa, in bilam nagago mataw muran kam kabta ka in daq azawayin inaqta ahol waq nan? ham. Ya helmo bilaqay ham.God daq araq azawayin inaq ta mataw muran kam kabta gimen a hi em negdaq ham. Haiq mo diq ham. ¹³ Haqad Yesus ago disaipel nenaq in mataw na giholosad muyib ta gwalim in yuq orotim aqurumnib kozaq ban tilehiy. ¹⁴ Lehad disaipel gidek zizalan in bret kabemmoa hi waziy. Bret amulikmo muyib osta na a lehiy. ¹⁵ Lehad luwimmo Yesus era ago disaipel tigiblan, ne Farisi teq Herot inaq ago yis anan gihol waz naqmo hiqiyiy ham. ¹⁶ Haqan disaipel in gimo on bulonim bilaqiy, i bret haiqgam iyan diqag in ya haqiy. ¹⁷ Haqad Yesus huritad teq in gibilan, ne nagaqgo'' i bret haiq'' haqad osay? ham. Ne gime haiqta iyim ginad a hi em hassay ye? ham. Ne ginad soqotim usaq e? ham. ¹⁸ Ne gime inaqta teq na nagah ahol a hi waqyta ham. Neinaqqta teq ne gamuk huritim ginad a hi em hasayta ham. Ne gidek tizizal daqag ham. ¹⁹ Ya bret abay naginmo orqayim mataw 5,oo negta na abeyan na kuram ganim sineniy? ham. Haqan disaipel bilaqay, na ikuram 12 nazaqmo gisihen haqiy. ²⁰ Haqan Yesus bilam, teq ya bret 7 na orqayim mataw 4,000 negta abeyan ne kurem ganim siheniymo? ham. An in bilaqiy, na i kurem 7 nazaqmo gihisan hapiy. ²¹ Haqan Yesus gibilan, kam gineh teq ni ginad em has daqay? ham. ²² Ad in Betsaida-ib tuboliy. bolim, on mataw in mat areq ame haiqta, Yesus asan wazdaq haqad in waqim ad tuboliy ham.Ari yesus mat na aben wazim in uliq na hulosim tilehiy. ²³ Ad in aben amalib emim in bulon, ni saw ahol tuwaqaq e? ham. ²⁴ Mat na in mataw tigibyad teq in bilam, ya ay kabiy sa in leh bolay ham. ²⁵ Haqan Yesus aben amalib eman mat na ame tihastitay, hastitayan in saw ahol tuwaq hastaq ham. ²⁶ Ari Yesus mat na aquliqab ame lesha in bulon, ni taun -ib hi leh ham. ²⁷ Ari Yesus ago disaipel nenaq uliq na hulosim Sisariya Pilipay ago uliq amuganib tugwahtiqiy ham. Ari dan a huliqab in ago disaipel tisusumu nag, on mataw ginad emay, ya nog haqay haqad bilaqay ham. ²⁸ Nazaq haqan in ago susumun amenin kazaq emim bilaqiy, asor ginad emiy, ni Jon gihuz negaqta haqay haqiy. Teq asor bilaqay, Elaija haqay, teq asor bilaqay ni kabibiy mat araq daqag haqay. ²⁹ Ad Yesus susumun negim bilam, teq negmo bilaqiy ya nog ham.An Pita amenin emim bulonim bilam," Ni Kraist ham." ³⁰ An Yesus ago disaipel atoranmo gibilenim bilam, ya nog ka ne mat araq hi buloniy ham. ³¹ Haqad in suleq tineg yaq.negad in kazaq bilaq yaq, mat atatin teq afaqan aseseq ta sor daq ta haq yaq, mataw aseseqta teq mataw gimaq bel inaq ta teq wol emdaqay ta ham. Teq kam ezaqman nazaq in ta eraq daq ta ham. ³² In gamuk amugan bilaq sireq tigibilan. Ari abeb Pita in Yesus tuwad yaq. ³³ Teq Yesus in ahol biliyim ago dsaipel gibiyad in Pita wadim bulon, Satan ham ni abeb iy! ham. ni iyahta anadin a hi emaq ham, ni on mataw gigo daq anadin emaq ham. ³⁴ Ari abeb ban in ago disaipel teq on mataw nab ossiy ta gilelewunim bilam, mat araq in ya imuznan, ari nimo ahol anadin hi eman ham. In ago afaqan soreq ya tiqimuz daq ham. ³⁵ Nog in anad aqutil wazgo na in a hi wazdaq, teq nog in ago aqutil yago gamuk-ib teq yaqgo hib holeheq, in ago aqutil tidimniy daq ham. ³⁶ Nagah ulumsihan ,nag waqdaqta na in og kabta ago nagah, teq inmo leh timeqniydaq ham. ³⁷ Nagaq in ugeh ago aqutil tawaqdaq? ham. ³⁸ On mataw in yaqgo gimebay woqeq o yaqgo gamuk ago gimebay woqeqta nab, on mataw in daq meqinta emiyta na teq on mataw gileh yagiyta na, mat atatin in ginen ameqday woqdaq ta mo ham. Kam nab in amam ago zawayib teq Angelo ginaq tubol daqayta ham.