1
Ari Farisi asor bolim Yesus inaq humab tuwoliy, teq mataw Moses ago gunun hurit kemiyta na Jerusalem- ib boliymo.
2
In nab osad in Yesus ago disaipel asor giben anumlan inaqmo bret neqsa in gibiyiy. Na in kazaq. In giben a hi soholimmo didaq neqiy.
3
Na Farisi teq jews bunmo in gesesan gigo gunun muzinad in geban a hi suholim didaq a hi neqayta. Luweq God ameb i gihol anumlan inaq iydaq haqad.
4
Teq mataw na maket-ib lehim muleqim a hi huzimmo in didaq a hi neqaytamo. Ad in gisesan gigo gunun naqanta kabemmo muzinayta, muzinad in gigo reb, gog teq ban gisuholaytamo.
5
Nazaq iyan Farisi giyogniz mataw gunun hurit kemiyta na nenaq in Yesus tisusumun ugiy, ezaq tonim ningo disaipel in i gisesan gigo gunun a hi muzinim in giben a hi suholimmo didaq tineqay? haqiy.
6
Haqan Yesus gibilan, ne mataw gimileq meqinta ham. Kwaziqmo nantut mat, Aisaya in ne gilum kemim gamuk araq kazaq marton ham. teq in ginad gigem pesanmo usaqta haqad in bilam ham.
7
In yaqmen lotu samanta emay, teq in mataw gigo daq ago tuhurit. God ago gamuk.
8
Ne God ago gunun biyah woqsa teq ne gisasan gigo gunun wazay.
9
Teq ni bilam ne on mataw daq meqinta emad teq ne God ago gunun hulosad, ne gisasan gigo gunun muzay.
10
Moses in bilam, ne gimamginen gihaqanib ossiy ham. ni gamuk meqinta ninen ta nimam negdaqta, na ni tumoq daiq ham.
11
Ta mat araq in anen, amam nazaq gibileneq, ni ulumsih waqdaq, na in bilaq ne God esey ugayta nazaq, God mo ugiy ham.
12
Teq ni ago huriit, teq ni nago amaimo nimam teq ninen gigo hib tiem daq ham.
13
Ne God ago gunun areq emeq, gisesen gigo gunun na giholib walemiy. Teq ne daq amoamo amta na in ninadib em ham.
14
In mat aw kabemmo gihilenim kazaq bilam, ne yaqgo gamuk huritiy ham . Ad ne yaqgo gamuk huritayta ka ni ginad-ib emiy ham.
15
Ta teq nagah araq asanib ussaqta na in adugnib leheq, na in anumlan hi em ham. Nagah mat adugan ussaq ta na in asanib gwahtiqeq na in anumlan haiq teq in daq dimuntamo emad os ham.
16
Ad nagah dimunta na in wmad ninad dimniy.
17
Muran kam kab Yesus in mat aw gihulosan bit aduganib tugwahtiqiy. An in ago disaipel in gamuk awowun areq ago buloniy.
18
Haqan Yesus balam, ne bilaqne mataw ginad haiqta, Nogham nagah mat asanib usaqta na in mat adugan anumlan haiq.
19
Na ezaqgo ginumlan na giduganib eoqeq a hi lehdaq. Ta teq ginumlan na in mat aduganib woleh agemab usaq, abeb teq gibek koq adanin muzeq bo asanib gwahtiqday.
20
In bilam, nagah in giduganib gwahtiqaq na in mat eman anumlan iyaqta ham .
21
Nazaq iyan mat na nagah aduganib usaqta na bo asanib gwahtiq daqta na in ginad meqinta eman gwahtiqaqta ham.
22
An alulib hi hureq iy, mat hi wol em, mat araq ago aw hi waq, aw araq ago mat hi waq, niban hi wol teq daq meqinta hi emiy ham.
23
Nagah ka bunmo in emsa mataw ginumlan inaq iyaqta ham.
24
Ari Yesus uliq na hulosim in uliq araq anan Taire haqaytab tilah. Lehim in bit araq aduganib gwahtiqim ulilemim os, mataw ya edob osaiqta na a hi hurit daqay haqad.
25
Teq haiq. Amun aw araq aholib bugaw meqinta usaqta na anen in Yesus edob osaqta na tuhurit. Huritim in hidmo lehim Yesus anognib abakbakan ulum laquwim turad afaqin mulbunim ogib wom.
26
Aw na in Grik aw a haiqta. In ago uliq diq Foisia-ib in lehim Yesus anognib abakbakan ulum laquwim turad tubulon yaq, ni ya imiy aholib bugaw meqinta usaq na muzid lehan haqyaq.
27
Haqsa teq Yesus bulon, ni hulosa yaqgo onmin didaq negid giyunin bugid teq ham. Luweq ya onmin gimen didaqta na waqeq gaun negdaiq ham.
28
Teq aw na in Yesus ago gamuk amenim emim bilam, Teq gaun in tebol aheqanib usad onmin didaq neqsa aneglan woqsa in neqaqta ham.
29
In bulonim bilam, ni bilamta nazaq, ni samanmo tileqdaq, bugaw meqinta na in amun aw tuhulos ug.
30
In holaqim bit ta lehim amun aw banab usaq in ahol tuwam. An bugaw meqinta na ahol waqad tituk.
31
Ari Yesus in Taire uliq sawab tilah. In saw Taire hulosim le Saidon gigo saw-ib lehim Galiliy kamis aqurumnib gwahtim, gwahtiqim leh disaipel gigo sawab tugwahtim.
32
Ari mataw in mat araq adek asan amilik mota teq aqez haiqta waqim ad Yesus agerab tuboliy. A bolim in Yesus atoranmo bulonim bilaqiy, ni ban amalib em haqiy.
33
Ari Yesus in mat na waqim ad adek ban mataw gimeb ulilemim in lehim in aben akurgan ulum ronan adek sanib tilah. Teq abenab kusuluwan woqan in waqim amalib emim aleh wazanim tuhuram.
34
Ari Yesus in nab turad in ame Heven-ib tugwahlehsa in tim atoranmo waqim in kazaq bilam, Efata ham. Na in kazaq bilam, ni has ham.
35
Ari Yesus in mat na adeksan wsatitayan in nan tuhurityaq. Ad nabmo aqez inaq tiqiyan in gamuk tibilaqyaq.
36
In gibilenyaq, daq kawa ka ne ahol waqiyta ka ne le mat araq hi buloniy ham. Teq haiq. In le Yesus awagamun bilaq yaqay.
37
In gihol riten lamsa in bilaqiy, mat ka daq dimdimunta kabemmo emaq haqiy, in mataw gideksan haiqta na in giqemsa in nan huritad teq giqez haiqta na gamuk bilaq yaqay.