¹ Ari Yesus uliq na hulosim inmo ago uliq Nasaret-ib lehsa in ago disaipel muzim inaq tilehiy. ² Lehim Juda gigo lotu akamnib Yesus bit humab wolaytab gwahtiqim in mataw kabemmo Yesus ago gamuk huritad in gihol turuh nemsa in bilaq yaqay, mat ko gamukl bilaqaqta na in edob diq wam? haq yaqay. In ezaq tonim anad emsamo nagah gwahtiqaq? haq yaqay. ³ Mat ko in igmo gisenlul araq haq yaqay. In bitmo emaqta amatin araqta haq yaqay. In anen Mariya teq in amagniz Jems teq Josep teq Juda teq Saimon. Kawa osay haq yaqay. ⁴ Gigem meqniysa Yesus gibilan, mat God ago nantut bilaqaqta na abin uliq bunmo usaqta. Ari inmo ago uliqab teq in asen lulib teq in ago bitabmo daq in ahol abin haiqta ham. ⁵ Nazaq iyan daq azawayin in aqta araq diq uliq nab a hi emyaq. In mataw gigo moq inaqta na naqmo amilik-milkmo giholib aben emim giwazsa in dimniy daqay. ⁶ Teq mataw uliq nabta na in anan helmo a hi haqsa iyan in anadnad emyaq. Ari Yesus saw nab uliq-uliqgo luwad in God ago gamuk on mataw tigibilenyaq. ⁷ In nazaqmo emad luwim kam nab in ago dsaipel 12 na gibilan nan boliy. Bolan inmo ahol abinib bugaw meqinta gimuzgo azawayin in giqeman giger tilehiy. ⁸ Lehsa in gibilan,ni lehad es araq waqeq ad lehiy ham. Teq ne ziy araq es sihengo lehiymo ham,teq mani araq ni giholib hiqusanmo ham. ⁹ Ne gigo gisen dugan gisanab tiqem daqay ham.Teq ni tubusan giger mo ne gihol siheneq hi lehiy ham. ¹⁰ Haqad in gibilan,ne uliq araqab leh tugwahtiqeq bitbitmo lehad hi ossiy ham.Bit amulikmo ne os daqayta nabmo ne ossiy ham.Oseq teq ne eraq uliq araqab lehiy ham. ¹¹ Ari ni uliq araqab gwalehid mataw uliq nambta na in ne gibiymuzad gigo gamuk a hihurit sa teq gisen aqogin uliq nab wolhamid woqan ham.Woqid teq mataw na in gigo daq na anadin tiqem daqay ham. ¹² Haqan disaipel lehim on mataw gibileneq bilaq yaqay.Ne ginad biliyeq gigo daq meqinta gileh ugiy haq yaqay. ¹³ haqad in bugaw meqin kabemo gimuzad in mataw gigomoq inaq ta na giholib masil emad giwastitay yaqay. ¹⁴ Ari mataw saw nab gigo king Herot in Yesus abin tuhurit. Na ezaqgo Yesus abin saw bunmo lehim ayah tiqiy bug. An mataw asor in anan bilaq yaqay, Jon mataw huz negaqta na moqan God hodhodab wazan taqiram haq yaqay. ¹⁵ Sa mataw asor bilaq yaqay, ko Elaija haq yaqay. God mat emid bo iyahta ayon dan wastitayaqta no amatin inmo haq yaqay. Teq mataw asor bilaq yaqay ko God ago nantut bilaqyaqta naqanta araq haq yaqay. ¹⁶ Haqsa Herot gamuk na huritim bilam, kwaziqmo ya bilaqan Jon mataw huznagta na anat urotayiyta ham. Ta teq God in hodhodab wazan ta eramdaqagya ham. ¹⁷ Ari Herot in mataw giqeman le Jon baptais wazim eman kalabus-ib lah. Na ezaqgo on Herodias waqnan ton yaq, amaq bab Pilip awe. ¹⁸ Na ezaqgo kwaziqmo Herot in amaq Pilip awe Herodias hureqim aholyon wam. In daq nazaq eman Jon tutimmo bulonaqta, ni God ago gunun ayahta itiyonim in nima awe wamta haqyaq. Haqsa teq Herot in ago mataw asor giqeman lehim in Jon wazim tiqiruriy. ¹⁹ Irquran ossa Herot awe Herodiyas agem meqniyan daq Jon ugad in anad emyaq, in moq nagta haaqyaq. HAqad teq in wol emgo dan nagun yo hiqiy yaqay. ²⁰ Na ezaqgo aduw Herot in Jon rabunad alowan tonyaqta na ago Herot anand emyaq Jon in mat dimun diqta daq araq meqinta a hi amqta haqyaq. Haqan in Jon gamuk bilaqsa huritad anad kabemmo emyaqta teq in huritnan anad bilaq yaqtamo. ²¹ Ari abeb Herodiyas aduw Herot anan iqamta na akakman tugwahtim. Gwahtiqan kam nab Herot humab wolim didaq neqad tuqosiy. Ossad Herodiyas gibiyad anad tiqaqm. ²² Ari muran ya Jon wol emdaiqta a danteqin inaq tiqiy ham. Haqan Hereodiyas in amiy eman lehim bit na aduganib gwahtiqim dorsa Herot ago mataw nenaq in amun aw na ahol waqad gimeq timisireqyaq. Ari abeb Herot aw barastana bulonim bilam, ni naga diq waqnan ninad diq bilaqaq? ham. Na ni ya ibilanad ya tinigdaiq ham. ²³ God ya ibiysa ya bilaqaiq ham. Ni naga diq anan susumun yagid ya tinigdaiq ham. Ari ni ninad yaqgo og ya wamuzaiqta na liqabmo uroteq asor nigdaiq na dimunmo ya tinigdaiq ham. ²⁴ Haqan amun aw na asanib gwahtiqim lehim in anen tisusumun, ya le nagah diq anan bilaiqdaiq? ham. Haqan anen bilam , ni Jon mataw huz negyagta naqmo afaqin waqgo bilam ham. ²⁵ Haqan amun aw na hidmo lehim in Herot atoranmo bulon, muranmo in Jon mataw huz negyaqta na anat uroteq afaqin degib emeq a bo yag ham. ²⁶ In nazaq haqaq Herot amun aw na aqez othasnan atuw tihiqiy. ²⁷ Ad hidmo in ago mat araq bab emaqta eman in Jon afaqin waqeq a bol tilah. Lehim in bit giqirquran osaytab gwahtiqim Jon anat urotim tayim tuwam. ²⁸ Waqim in degib emim a bolim aw barasta na ugan in waqim a le anen tuqug. ²⁹ An abeb Jon ago disaipel in Jon wol emiyta na ago huritim in asan waqim a le hodhodab tiyay toniy. ³⁰ Ari Yesus ago mataw ingiqeman uliq-uliqgo lehiyta na muleqim ta bolim Yesus agerab humab tuwoliy. Humab wolim in lehim kabiy emiyta na teq gamuk bunmo in mataw gibileniyta na awagamun in Yesus tubuloniy. ³¹ Bulonsa kam nabmo mataw kabemmo leh bolsa ago disaipel nenaq gikabiyan emad in didaq neq daqayta na akaman hi iy yaqay. ³² Nazaq iyan Yesus in ago disaipel gibilan, Bolsa i gimomo saw araq amatawun haiqtab leheq asitmo ginamur emuq ham. Haqad in muyib gwalim saw araq amatawun haiqtab ingimo tilehiy. ³³ Lehsa mataw kabemmo gibiyad ginad emiy, ko in saw nabmo tilehay haqiy. Haqsa mataw uliq kabemmo era gisenab yuw adek muzim ameb lehim saw nab tugwahtiqiy. Gwahtiqi tuqosa teq Yesus ago disaipel nenaq muyib abeb le gwahtiqiy. ³⁴ Gwahtiqim Yesus muy hulosad le dubub gwalimo ame le on mataw kabemmo gibiyad in ginan anad timeqniy. Mataw na bilaqne sipsip ginamren haiqta os nog iy yaqay. Nazaq iyan Yesus suleq dimdimunta kabemmo tigibilenyaq. ³⁵ Gibilenad ossa zeq tuwolehnan tonsa Yesus ago disaipel bolim tubuloniy, zeq tuwolehaq haqiy. Teq saw ka amatawun haiqta haqiy. ³⁶ Ni on mataw ka giqemid leheq kabiy uliq sinsin usaqta kogab didaq zayiy haqiy. ³⁷ Haqan Yesus amenin emim gibilan, nego didaq negid neqiy ham. Haqan in bilaqiy, sey haqiy,i gigo 200 kina i a leheq bret kabemmo zayeq mataw biyahta ka negid neq daqayta na edowa? haqiy. ³⁸ Haqan Yesus tususumun nag, ta ne gigo bret ganim usaq? ham. Leheq ahol waqiy ham. Haqan in lehim ahol waqim bolim Yesus buloniy, i gigo bret abaynagin teq nabiq giger nazaqmo usaq haqiy. ³⁹ Haqan Yesus gibilan, ne mataw gibilenid in humab ame ame teq sisihun dimunta kogab osiy ham. ⁴⁰ Haqan in mataw gibilenan tuqosiy. Mataw humab asor 100 teq mataw humab asor 50 nazaq in osiy. ⁴¹ OssaYesus bret abaynagin na teq nabiq giger na waqim ame ulilib gwalsa in God essey ugim teq inbret na orqayim ago disaipel tinag. Negan in a le mataw negan tineqiy. Teq nabiq giger na Yesus nazaqmo orqayim mataw bunmo negan tineqiymo. ⁴² Negan tigiyunin bug, ⁴³ teq bret na nabiq inaq abeyan ayahmo ussa disaipel kuram 12 nazaqmo giwaqim gisihenan ate tugwal bug. ⁴⁴ Ari mataw didaq neqiyta na giniluninan kabemmo diq 5,000 nazaq. ⁴⁵ Ari Yesus in ago disaipel giqeman muyib gwalim in ameb yuw-kurorqan Galiliy urotim aqurumun kozaq uliq Betsaida-ib tilehiy. Lehsa inmo osim mataw dauh biyahta na giqeman giquliqab tilehiy. ⁴⁶ Lehsa Yesus gihulosim garahab God in aq gamuk emnan tugwalah. ⁴⁷ Gwalehim ossa imisor diq tiqiysa ago disaipel gimuyin inaq yuwmeb liqabmo tiqiyiy. Iysa Yesus wole yuw aqurumnib titur . ⁴⁸ Tursa ago disaipel na tim ginobun ban bolsa in giholtuw bulad luwsa in tigibiy. Gibiyad saw tihastitaynan tonsa tarom asor ussamo in disaipel gigerab yuw bayim tilah. ⁴⁹ Lehim in disaipel gimeb gwahtiqeq teq bo lehdaiq haqsamo disaipel in Yesus yue bayim lehsa ahol waqad in rabim ek toni bilaqiy, ko witag bo lehaq haqiy. ⁵⁰ Haqsamo hidmo Yesus gibilan, ne giwaz meqniyiy hnam. Ne nhi rabiy ham. ⁵¹ Haqad in muyib gwalanmo tim timidam. Mideman disaipel gihol riten lamsa ginadnad tiqem yaqay. ⁵² Na ezaqgo in gionad gigem soqotim ussa in Yesus mataw didaq nagta na abe alulin anan ginad a hi em hasiy. ⁵³ Ari Yesus ago disaikpel nenaq yuw-kurorqan Galiliy urotim lehim urum kozaq ban uliq Genesaret ago lan ezab tugwaliy. Gwalim saw nab in muy am wazan us. ⁵⁴ Ussa Yesus muy hulosim hitiqsa mataw hidmo ahol tuwaq hasiy. ⁵⁵ Ahol waq hasad in saw nab uliq haresmosibim lehad gibilensa mataw bunmo Yesus edob osaqta na huritad in giyogniz gigo moq inaq na ban giqemim gisorim giqad tubol yaqay. ⁵⁶ Sa yesus saw nab mo uliq aseseqta teq uliqben amikamiktab in lehsa mataw in giyogniz gigo moq inaqta na giwaqeq maket-ib giqad leheq giqemid us yaqay. Usad in Yesus atoran mo bulon yaqay, ni on mataw gigo moq inata ka gihulosid in giben ningo tubusan adekmo waziy haq yaqay.Haqsa on mataw Yesus ago tubusan adek waz yaqayta na bunmo gihol tidimmiy yaqay.