¹ Teq Yesus in iraqim suleq, mataw dauh biyahta kamis adekib. Abeqban in sortukim muy araq aduganib gwal,kamis amalib usaqta. Teq mataw dauh biyahta na ago nan huritad ossyaqay. ² Yesus in mataw on kabemo gamuk abrahun hulad gibilen yaq.Teq amuganib in suleq inaqmo negyaq, in nagah diq anan bilaq yaq. ³ Huritiy ham, mat araq in kabiyab didaq amagin hunagnan tilah ham. ⁴ Ari in didaq amagin hunegad luwsaq,didaq amgin asor danib wom ham.An hidmo ah bolim tineqiy ham. ⁵ Sa didaq amagin asor og asitmo teq gig kabemota amalib wom ham.Teq didaq amagin nagan hidmo ahokan tugal ham. ⁶ Ari zeq gabolad didaq ahokan wazan hidmo tumay ham.Nagaq go in aninin kobnen woq ahila ham. ⁷ Sa didaq amagin asor am asasuqin inaqta gimalib wom ham.Teq am asasuqin inaqta na didaq amagin na amalib gwalim isiqworan anon kabemo a hiqam ham. ⁸ Sa didaq amagin asor og dimunta agemab woqim anon kabemo tiqam ham. Teq anon asor in 30 nazaq ham. teq asor in 60 nazaq ham. Teq asor in 100 nazaq ham. ⁹ Ari tihiqiyan in kazaq bilam, ni nog nidek inaq-ta na ni hurit ham. ¹⁰ Ari Yesus in ahol bin ossaq, mataw teq 12 disaipel na bolim gamuk awowun na huritkem go haqad susumun tuqugiy. ¹¹ Ari in kazaq bilam ham, ni nagah ulilemabta God agon ta tuwaqiy ham.Ta teq mataw asanban osay ta nagan,gamuk bunmo nan abrahunib tuqusaq ham. ¹² Nazaq iyan in sawaq daqay- ta teq in sawaqmo sawaq daqay, in ahol a hiwaq daqay,teq in hurit daqay ta teq in a hihurit- ta teq in ahol a hiwahas daqay ham. Luweq in ahol waqhaseq in biliyeq God agerab bolid, God gigo daq hulos bugdaq ham. ¹³ Abeqban in gibilan, ne gamuk abrahun ka alulin a hihuritay ham. ¹⁴ Mat kabiy emaq na, in nog didaq amagin ileyay ta, teq in God ago gamuk ileyayta ham. ¹⁵ Didaq amagin dan adekib wom ta na bilaq ne mat gamuk huritan mo Satan hidmo bolim tawalemsa gamuk na giduganib wom ta na. ¹⁶ Sa didaq amagin woqim og amalib teq gig kabemota na in bilaqne mataw on gamuk huritad gigem kiskistab inaq waqayta ham. ¹⁷ Teq didaq amagin aninin kobnen wo ahilah, nazaq iyan in sisaq a hi us. An gelehunban afaqan kabemmo ginagunsa in tuwaq daqay ham. Nagaqgo gamuk in gig amab ahiqusaqta, teq in afaqan waqeq hidmo tuwoq daqay ham. ¹⁸ Teq asor in am asasuqin inaqta gimuganib wom ham. In God ago gamuk huritay ham. ¹⁹ Ta teq ginad meqniy og ka ago, teq og ka ago nan katiyta teq og ka ago daq, teq nagah utotayta na in giduganib bolim God ago gamuk bayan woqsa, gamuk na anon ahiq emaqta ham. ²⁰ Ari teq didaq amagin og dimuntab wom ta na in mataw gingan God ago gamuk huritad waqim in didaq anon eman gwaqtiqaqta ham.Asor in anon 30 nazaq ham.Teq asor 60 nazaq ham.Teq asor in 100 nazaq ha, teq namba kabemo ileyiy na inaq mo ham. ²¹ Yesus in kazaq gibilan,ne lam waqim abolim bit aduganib kuramab sihenayta o ban ahenib emayta ham? Ne lam waqim bolim ay aqayinib emay ham. ²² Izaqgo ne nagah araq ulilemaq na ago ah hihurit daqay ham. Teq nagah araq in ulilemiyta na in ulilab a higwaqtiq daq-mo ham. ²³ Teq mataw asor gidek nan hurit gona in tuhurit daqay gam. ²⁴ Teq in kazaq gibilan, gidek emeq huritiy ham. Ni tow edob am ta na, tow nab mo in nitowan emdaqay, teq amlibmo ham. ²⁵ Nagahnog ago inaq ta na in amalibmo ugad teq nog ago haiqta na aholib walem daqay mo ham. ²⁶ Ta teq in bilam, God ago maror in bilaqne mat in kabiyab didaq ileyaqta na nog ham. ²⁷ In tarowab usaq teq in zeqab eraqaq ta ham.Teq didaq ahokan in zunim bolim gwaqtiqaq ta ham. ²⁸ Og inmo aholib didaq eman gwaqtiqaq ta ham.Dameb in anan emid gwaqtiqid, teq agelehunba in anon emid gwaqtiqid leh ayah iydaq ham. ²⁹ Teq didaq haman, mat kabiy amam ta na baqir eman le didaq anon orotan gwahtiqay ta na didaq tiziliman in waq go. ³⁰ Teq in tabilan,teq nagah na nagahin diq ne God ago maror atowan emid ulalab gwahtiq daq ham. ³¹ In bilaq ne didaq ama gin amikamik diq ileyayta,in og saw bunmo ago didaq amagin ago amikamik ta. ³² Teq ileysa q in inmo giquramim kabiyab ay ta gigo hib iyah ta teq in ay aben iyahta emsa teq ah bunmo boleq giririn agohib emayta. ³³ Teq gamuk abrahun ka bemo in God ago gamukib gibilensa in ginad emhas daqay. ³⁴ Teq in go gamuk in giholib lehsa in gamuk awowun inaq in negyaq mo.Teq in amomo ossad teq in gamuk alulin nagah ago disaipel tigibilen yaq. ³⁵ Kam nabmo imisor bolsa in tigibilan, i kamis aqurum kuzaq ban lehuq ham. ³⁶ Teq in mataw dauh biyah giholosad, Yesus waqim inaq muyib tuqosiy. Teq asor in inaqmo ginaq tileh yaqay. ³⁷ Agelehun banmo tim ayah ta iraqim kamis wolzizalayn muy amuganib woqim ateq tugal. ³⁸ Teq Yesus inmo aholbin muy abeqban us. Ago disaipel iraqim lilewunad buloniy,Tisa haqiy ni izaqgo a hi gibiysa i tumoq nan tonaw haqiy? ³⁹ Sa in iraqim tim wadad kamis bulonim bilam,"toknemeq kiskis mo us ham." Agelehun ban nawaqmo tim muleqim wosa mo kamis toktinam. ⁴⁰ Ari in disaipel gibilenim bilam,"Ne nagago rabay ham"Ne nego ginad awazmeqin haiqmo iyaq ham," ⁴¹ Sa gihol rabsa in an bulonad in bilaqiy, ka nog haq yaqay, tim ayo kamis inbaq aqez hurita haqiy?