¹ Izesu Mesia mota lelemo eto okave, alevole' oko ote minoko goha lihima mogona lolo amo, ito geza lihimamini hozalove minamo. ² Anigozo, neza Paulona, neza lono lukumuve. Lekeza lukugupe tini hukatamo', ito' Izesu Mesia nene neta mako lelemo vati amino give. ³ Neza goha lo uto oko lo nolukumuve. Vegena muki e'age lukugupe hukahe, lekeza alevole iki lihukina gako muki nene amegetalo. ⁴ Lekeza Izesu Mesiani zuha hoto' niamo, e'age lihukina gako gili guni amave, lekeza nana iki omasimini hulu nasahili anigatave. ⁵ Sikalahulimini alevole lagu, gele alevole o'akalimini, mogona, lekeza legeso iki miniki mogona lamanaki mini aka niave. ⁶ Izesu Mesiani holuku, ve mako agupe hukahe ito' hukamihe, nene neta mako nomive, eza anigo lamana olimikaze, leza Omasimu gele alevole uha nene ale minatune. ⁷ Eza leli anigo amu heleaka nene gele alevolete nene omasimo anigo amuhilimo. Lekeza lamana niave gako lamana amegeta kumu nene e'aho o'e loleketa tive? ⁸ Kagata hizeaka mogona nene Izesutokati amive, e'aho sele loaka' noive. ⁹ Lulu vizeaka neta koma nenemo peleti nene lulu vizinogo ive. ¹⁰ Neza ve, napamu', gele amekuve, geza netamako lolo aminogo ane, vemoho venalimohe gelemoko lihima mogonagu gelemoko vamino goive, eza meina golesa alinogo ive. ¹¹ Nigive negita, neza lukugupe huko'aka kumu li uto' itamo, neza lekeli minoko aleko ale golesa inogouve, nene mogonamo malipo za nene amegeta mini gave. ¹² Lekeili kumu nene e'aho gako alevole oko live, neza nagata gulumo nene gizaho ini alita kumu nene gele nouve. ¹³ Lekeza nigive negita, neza eto oko minatove loko nogelekoma, gapo golesamu vitaga amo, lekeza likigive tikini anigi lamana iki kilimi lamana ilo. ¹⁴ Mose lo hukoko li gakoki, ito li huka gakoki hamokuko neve. Imane gezakumu geleaka noamino nenemini oko gigive kahi kumu gelezo. ¹⁵ Geza makoka apeleko alemo golesa itanimo, nee geza gizapa lamana oko apele helemo. ¹⁶ La'okago lono lukumuve, lekeza sikalahu limini agikagu minalo, lekeza' omasimini agomulalo lihima mogona lili inigi gosele likipili nogo ive. ¹⁷ Sikalahulimo mogona golesamu gelesa amive, lekeza lovaga likimikiki hotopoto minanigasive la'okago losilo apiziki minaminigi asive, geza lolo itove loko gelenanimo nene lolo amino goane. ¹⁸ Lekeza sikalahulimini agikagu minatave. Liki li huka gakolimo lekeli naga lekeminogo ive. ¹⁹ La'okago mogona golesamini, mogona uto'o, lamamana okave, gagata golesa geleaka no'anitimo gunesis, mogona uto o'aka noive. Ve'vena minoko aleko o'aka nene golesa o'aka noive, gagata geleva geleva no'anitimo mogona golesa uto o'aka noive. ²⁰ Monolimini mogona, ito soza omasi ito sikalahu golesa i to gopa napa lova hiziaka nenemu agoliza vizesa amive, ito makolite kemegeka vegena mako kumu liki kizapalo molative liki ito eza'amu gilitimo nene gako lamana losa amimive, la'okago mini luga luga inigasive. ²¹ Gipelovegi nagamito vegi kei mogona gevena litini neta aligolesa 'iaka niave, neza mota nene minoko lolekemekuwe, hi vegenalite nene mini mogona aliaka niave, nene vegena nene omasimini ahosalo vaminigiave. ²² Sikalahulimini nosanetala nene minoko neive, anigo numu hele'aka ito logoliza vezeaka ito mulute hulu igo mino aka ito mino hana'oko minoaka ito mulute lamana o'aka, ito mogona lamana aleaka ito lamana geleameaka. ²³ Vegena mako mogana lamana kelepizeaka, geza'aka aleko lemeko moloko nene li hima'a' nomive. ²⁴ Izesu Mesiani vegenala zuha gako gele vegena nene 'ai' zuha nene niave, Izesu Mesia leli lihima aleko iteko malipo zalo hilimo. ²⁵ Geza sikalahulimini agikagu mina tanimo, nene sikalahuki mohona inogane. ²⁶ Geza agoka vizeko muluna gena amemo, geza la' oko geza vegena makoki gahalamilizo.