¹ La-aloko lito, amelahini muki neta izegipalamini neve laonoimoza, izegipa koma minatimo nene, hanuva hozalo ve maminoko minanogoive, amina muki neta gizapa iti moza. ² Gizapa vetini kigizaku minanogoi, amelaho amiti gamena lo alinogove. ³ Laonoimoza, izegipalo minuha nene, gena koma kama geleko moloko uhatimo imane mikasi lo naga numuku minuha neve. ⁴ Laonoimoza, Omasimo mola gamena uto imo. Omasimo gipala amiselekago mikasigu limike venalimo lihuka gakoto gotamo. ⁵ Omasimo nemenie vegena lihuka gakoto amege tiki mina vegena nene meina moloko ale ai izegipala minanogoune. ⁶ Itinasa izegipala maminoko noune neene mogonamu Omasimo gipalmini sikalahu amisele kago leli mulutegu noike, sele sele, Amenegave Amenegave loaka noive. ⁷ Nenemu geisinene hanuva hozalo ve minamane 'o'e. Vemage, izegipala minatanimo nene Omasi amekahini neta gei ino goive. ⁸ Negamena Omasimu gelemane. Imane mikasigu kuguliza nei vete kei hozalo ve maminioko noane. Nemoza nene vegena omasi minamave. ⁹ La omoimoza itinasa nene Omasi anigi kave o la-aloko lito Omasimo lekeli mota angokave, nana Mogonamu keitoka goha vitave? Mikasigu mogona, alevole oko nosala-a nomive. Goha naga numuku minatahe? ¹⁰ Geisi gamenaka napa-a nene ikani gosoha ahe gamena napahe melekeni ahe nenegu nomolane. ¹¹ Lekeli kumu nehelele vizeneimo nene laonoi, lekezagi hoza aleko moloko umo nene. Hanuvamu hoza alumo, geleneive nosaneta la-a nomi. ¹² Lekeli loka nouve nigive negita, lekelisi neni maminiki minikave nezamagi lekeli maminoko nouve. Neto alegolesa initamave. ¹³ Nemoza lekeza gelemo nene, likivisekago gamena hamo zupa mono lolekeme nouve. ¹⁴ Nivisitimo gena lekemoko laimoza, lekemesa numuni nemema Mesaia Agelo maninoko nenima anigikave. ¹⁵ Nonohatima hilauka neve? Gako lelehi oko noluve. Ito-o gapo neitimo, lokogomula alahulikiki nimilo. ¹⁶ Neminokago lekeli lova galave uto inogouve. Nanamule, gako gihila lolukumu? ¹⁷ Lekeli likilimiki keitoka vinigi napalo gilinave, nemoza mogna'a nomive. Keisi lekeli ahuli hetoka ilikimikiko lekelisi alevole iki kezagi minatave liki. ¹⁸ Mogona-a lamana neikoma vatioko lagata gele-o-aka neve. Imane mogona neta napamu lamana kumu neitimo lekezagi mina nogouve, nene a neisi lekezagi minamito zupahe. ¹⁹ Izegipaneve, lekelikumu miluma gulumo vena limo izegipa getanogo gili-oma. Miluma gulumo nene mesaia goha mulutiku oko apa alitive. ²⁰ Nezagi minatune loko napalo gelenouve gakoma lolukumu gakoma goha alemako oko litune. Nanamu negopa, lekeli kumu miluma napa gelekuve. ²¹ Itinasa linimilo, 'e'aga lihuka gakoto noane, geisi lihuka gako geleko amegetamane, molamane? ²² Nanamu nagopa gako nene laonoive Abraham nene gipala losi neve. Gipala makonene hozalo vena lamini gipalave, mako nene Abrahamuni venalamini gipalave. ²³ Hozalo venalimini gipalanene eza agupe mini hozalove ito Abrahamin venala mini gipala nene lihuka gakoto oteneive. ²⁴ Anigatuni monene avevezaha mamini oko neve. Vena losi nene muluini haito paito milinasive. Sainai agoka guti muluini hamo'asikuti izegipa oto imo nene hanuwa hoza love mini izegipave. Nene venanene Hagai. ²⁵ Nemini okago, Hagai nene Sainai agokagi ito arapigie, Jerusale nene anosa moloneive, ai izegipa nene vegena hoza aliaka hoza love minikave. ²⁶ Vozane Jelusale apa nene hanuva lamana mukito izoteho mamini oko neve. ²⁷ Gako nene mota minokamo neve, gogoliza vizezo izegipa getamani vena, gako napa toko gogoliza vizezo. Nanamu negopa, izegipa getamane, gugupe gagavuigo izegipa getamane. Moho litini izegipamo ahutole ketamo, keisi nene vaiiki nigave. ²⁸ Nigive negita, lekeza Aisaki nima miniki niave. Anosa mola izegipama niave. ²⁹ Nene gamenalo izegipa nene ezala muluna lo vike golesa onoive, Sikalahu mini mogonala ve, izegipa nene mogona itinagi hamolomini onoive. ³⁰ Omasimini gako helegamo nanaive lokonolive? Hanuava hoza ali venaki izegipalagi kimisele ahulamo, nanamu negopala, hanuva hoza ali vena limini izegipa nenemo, genala nomi venaki, vanagi henoni, ini izamola minogouve. ³¹ Nene munene uvone gita, leisi nene hanua vena limini izegipa noamune, leisi genala nomi venalimini izegipala noune.