¹ Vegu vo gigive temo lihimagu ite kagoma, leke lisi monoku ale vole iki nitamola ate nene, mulu tini lamana kuti alimi Omasimini geisauka milalo. La'iki lekeza tinimu alevole iki numu na lilo, genagu' Iti katave. ² Hamo pamo litini gena hutiza iki gihilo, Izesu Mesiani lihuka gako, leke liku alevole oko mina nogive. ³ Eza ve mako limo minoko aleko'a golesa one timoza, agika agatauka lamana onouve litimone, ezala'a agoka vizeko nolive. ⁴ Lekeza vemoho hamo pamo hoza aleko moloko noanimo viliga aliga oko anigozo, aleko moloko itani timo guguliza napa itive, haito limo aliti hozauti guguliza alemino gane. ⁵ La'okago genaka hamo pamo gezaka gihi nogane. ⁶ Mono hozaveka, neta ale lamana oko iza moloko gako ale loko viti ve amezo. ⁷ Lekeza soza gako lamilo, nanamule, eza Omasitemo soza gako losa amive. La'okago lekeza nana neta zuha initamo nene, amina neta limini nosa'a alini gave. ⁸ Eza ve mako limo mogona golesa zuha itimo, amina mogona limini golesagu itinogive. Geza Sikalahu limini mogona lamana zuha itanimo, amina mogo nauti minova minova apa alino gane. ⁹ Leza mogona lamana kumu gosele lepele mino, nana mule, mogona lamana kumu goseleka lamosa'ne, eza game nalo nosa lamana uto inogive. ¹⁰ La'okago mono gele vegena ito hanuva nita gevena, mogona lamana tunu kelemo lamana ozo. ¹¹ Anigalo luhuva napa gizoko leke me nouve neza'ane nigiza netunu gizo nouve. ¹² Lugupe hutalo liki alevoleka litamo neve, nemika lita vete kei kuguliza lamana iti kumu linigave, nemini mogo tunu Ezesuni aguliza ali hala inigave. ¹³ Kugupe huka vegena lite gapolotagako amege tamave La'okao lukugupe hutika alika niki, amina Lugupe loti kuguliza napa alinigave. ¹⁴ Neza nuguliza ale ote mino'uve, nana mule neni mikasigu nigika nagata Ezesu Mesiani malipo zalo asu okave, mikasigu mogona amege tami tomo neve. ¹⁵ Geza gugupe hutape ito huta namape nenea neta napa nomive, neta gihila'a nemi noko neve, mino gosoha itune. ¹⁶ Mino gosoha onani vegenaki, Israel vegenaki, Omasimini hulu, zou, nasahili lekeli toka minative. ¹⁷ La'okago geza vegena lika nelemo golesa aminogane. Nanamule, Ezesu neniku mino wai okave. ¹⁸ La'okago nigive negitave, Ezesu Mesia napate mini nasahili, lekeli Sikalahuki mako minative. Lamanale!