¹ Akeva Pitava atategina akewa tuva damawati be kanatagina, pigo eliya kina wambiva alambete watawe. ² Sonda be avolatagina, akeva Juda kinambi bono una damapindi wama poilenda pitae, atalu wa'wayambiva poilenda anavitami kamana aviteginava, ekeva pagulo pitawe pilae itawe, akeva pimba kamanapa aetasa betae itawe. Akeva pilagenava aitasa be itawe. Esegi anava aya wapindili puma avolae. ³ Piyapa akewa dama kina yagwalama basi, Malia anendene Jemisiya, Josepiya, Judasiya, Saimoni ka pilegepomepa amana wambiva takegeva kamba bindawe. Pigo jisasi kava ikeva ida putatawe. ⁴ Pigo aidiva Jisasiva wa'wayakava pilae olitae, aidi puma avolakina kamana oilina kinanbiva, aulo lisa tave bagive begagauwe, ekewi alesenilisava tava bagiva kamba begaga uwe aokina, tu'wa pindisava kambae. ⁵ Akeva tave eliyapa kamba pikie, pila pimibape, kaisa kinape wa'waya kwelena pinda ayogi poitatae. ⁶ Akewa kambalagama pagolupitae, anavie otama kamba ake kamanapa kamba avewe, iumavindiva pigo aidi kogano undisa bali dasima wa'waya Goti kamana poilenda pitae. ⁷ Pigo auta bima eliya pugagami kinawapa igama etama poitatae, eliyapumava tala tala wama Goti kamanapa uma itawe. Jisasiva esegina amitagina kambalaga awamusa kinapa agaluvatawe. ⁸ Pilae oilitae, kaisa kota, bone, ko wakilametive a betewase. Pusa pusa esaka bemete waiyo. ⁹ Kagisa gu bana pumete aebo kautisana umbema wayo oilitae. ¹⁰ Pigo Jisasiva pilae oilitae, aetapala kano damapindi umikila mepa, pata biese. atate. ¹¹ Kano baoma kamba tiva vikimakave, o kamana kamba avekinapa. Wakinagava tigisalisa tigu akuma iyovindi sana pite waiyo oilitae. ¹² Pigo ikava wamagini Goti kamanapa uma oilitawe, tikeve kamba lagana gapa kalama titwa amiyo. ¹³ Pigo tikeva wama kambalaga awamusapa agaluvakalama, kwela kinapa igaluvate, basawepa imidoti etavamba anono poitatawe. ¹⁴ Alava yakwala Heloti kwanakama avitae, Jisasi age uma inata watagina Jisasi'va avolatasa puwatae, kaisa wanamiva Joni wani beitana, wana aluvindisa asolimbete avola piye pilapimikuna ama ana pikinana eseginava ulindie. ¹⁵ Pigo kasamiva, Ilaisae itawe,wanamiva akewapa Goti kamana uma avimete amba olina kina palipa bitamine itawe. ¹⁶ Bapa pigo Heloti pimba kamana aviteginava, pila itae, dakeva Joni amidopa, ago agilisakala tamekuna wani beitana kuna to asolie itawe. Heloti, wanaga oilitagina uma avavitawe Joni wani betame yagwalava avamete kalavusivindi bo atawe, ikeva Helodiasi bekina pitae inamuwamba we Pilipinda. ¹⁸ Joni'va Helotika olitae ,kandagamba we besinava apo imi anavuwemave kamba aganano. ¹⁹ Pigo Helodias, Joni'ka apuwama algukalakina pitamipa kambae. ²⁰ Pigo Helotiva Joni kava aikulupuwatae,agtamipa Joni'va ovuloto yagwalaema Helotiva Joni'pa ayogima alavavitami bapa andavindiva kalia agivatatae. ²¹ Aindi Heloti anowamba yakwalaipotatami dugava amba avolatagi pigo akeva kaona puma eliya kina wambitage, alavakina bitage,Galaleisa alava kinabitage. ²² Helodiasi alagawemba kanama auta amba wa'alama bitagina akeva Helotike, kaisa busana dakina kanatamekina imbu ana potatae. ²³ Pigo, Helotiva pila olitae alagawakava, anagavala davigakilambepa kamikiluwe dakenda atu kutayage ²⁴ kwe'mbava anowambaka uma olitae,"Analasaka avigakiluwema," pila olitae wani beitana Joni amindo ka daviema," ²⁵ Pigo kini tandi valunaga bo wama,uma avigatae,"bamba tasa damikilanema, Pigo wani be itana Joni amindo ya igwale pindi atama damo olitae." ²⁶ Pigo ake kamana alamba olitae, ago yokeumete wami kuna wanama aolape busana dakina dugae. ²⁷ Pigo kiniva ami kinawa aisagatae alavawika olegana Joni amindo bete kananoma, pigo ami wamba wama kalavusi vindisa Joni amindopa uma kasatawe. ²⁸ Pigo amindo pa ya igwale pindi bo atama be amitagina, kwana alagamava anowamba tolo amitae. ²⁹ Pigo disaipoli wa kinambiva pilae kamana avitegini, pigo auwa pe ambete wama, batibati pindi uma aitawe. ³⁰ Pigo eliyakinapa Jisasi tandi bowatama kogano anana pitame, wa'wayambiva oilitawe. ³¹ Pigo aidiva Jisasi pilae tae, wana kamba bita wama, binakilune itae, amanasowata, anavie otamae, wa'waya atalu watagana tama bieguna, binakinanava kambae. ³² Pigo ivava pindi palosumete wana kamba bindati watawe, bapa wa'wayambava igatawe watamepa. ³³ Atalu kinambiva igatawe, pigo wanami va igisavindi kanatama kogano alesenilisa kanama pali watawe Jisasi watamiti. ³⁴ Pigo wani kepiyati be kanateva, Jisasiva wa'wayapa tavekina akima bitagana igategina, Jisasi igateginava tavewata adalapuwatae tave kina wa'waya bitamekava. Anaviye otamae igatamipa yagaluwapa, alava kina ipa kamba bitae, atalu ana poilenda pikinagava . ³⁵ Pa ao bo pailitaginava Jisasi da auta dasigagame eleya kinawambiva kanama oilitawe, pilama batapa tave kina wa'wayapa kamba bindagana tale ikinagavie. ³⁶ Alesnili awalisa kina bitameti watama busana kuyavitawe. ³⁷ Bapa Jisasiva oilitae, ke kamanakava, tikeva busana dakilame ana imiyoma pigo pilae olitawe, akekava. Alaga takeva wama bletiva 200 lasa bema imegini dakila oma?. ³⁸ Pigo Jisasiva imakigatae, tikeva aliyawa bleti utava vindawema tikewama agaiyo. Pigo uma kuyapotateva olitawe, takeva daya kano embu bletiyaga tala pisiyaga utava vindune itawe. ³⁹ Pigo wa'wayakava oilitawe, uma aki amba akima biyo oilitae, avuyati balambima bitawe. ⁴⁰ Ekiva akima 100-wane, 50-wane sumba bitawe. ⁴¹ Jisasi daya kano embu bletiyaga tala pisiyaga bema amitawe. Pigo inandi balu agate, kuno pindi balogama aisa otatae. Bletiva epakoma eliya kinawambi imitagina etamama wa'waya amitawe. Palama talala pisiva etamama amitawe. ⁴² Kogano wa'wayambiva dagagateva igaepawatae. ⁴³ Autasa eliya kinawambava alita busanava bema 12-wa igwale awagita tawe, pisiva pavila pitawe. ⁴⁴ Busana datame kinapa 5000-wa kinane. ⁴⁵ Avagano Jiasi eliya kinapa owale vindi palosuma imitagana domba undisa aleseni Betsaidai wama umitawe, pigo aendi kogano wa'wayapa aluwa palavitawe. ⁴⁶ Pigo wagalata ganava akeva pule ikinaga amukekevindi ulitae. ⁴⁷ Tunu siwataginava owaleva kayowani akwandi bitae, pigo Jisasi asaso pule amukegeliva pule ugagamiti ulitae. ⁴⁸ Pigo jisasi agatamipa eliya pitawe oilite ewali pikinagava, anavie otamae tavewa iguguya oma ovaleva ekugevakinaga pitagina pigo tale ikinana omava amba avalu puwatae. Pigo akeva wani aleti wama, palita watae. ⁴⁹ Bamba kwana ike Jisasi agatamepa ikeva kano kwela kanae otama iyekuluvuma tavela ale itawe. ⁵⁰ Ana vie otamae, ikava aola agate iyekulupitawe. Pilavitagina Jisasiva avagano oilitae, tinda omava piyamaso bi iyo olitae. Dakeva Jisasi nae. ⁵¹ Jisasiva pigo owale vindi palusuma egametegina iguguyapa pagivitae, auta dasina eliya kina wambiva piya pitami agate, ikeva pagulo pitawe. ⁵² Auta dasina eliya kinawambiva kamba agatawe bletiva anavalaemava. Pila vitagina indaomava ekepuwatae. ⁵³ Pigo wani kotu agasamete domba undi wameteva pigo kano bala kanatawe, agewapa Genesaletiye pita ovaleva wani awali bo atate. ⁵⁴ Pigo ovalevindisava avei palota pitamepa wa'wayambiva avagano igatawe ikepa. ⁵⁵ Pigo kogano undi avagano dasima ai ana avinda kina wa'wayapa uma ivavumete kanatawe, Jisasi tandi. ⁵⁶ Kogano undi wailiyo, aleseniliyo to maliyo watametiva wa'waya kwelegina ai anagina biva Jisasi auta aigamete anono pitawe. Tave kina wa'wayabiva Jisasi auta aisalatagana anono puwatawe.