¹ Kayowani atati olatawe,Kelsenisabala. ² Pigo Jisasi'va, kalategina ka'yogi awamusa yogagla bitamiti watae. ³ Kona yogala've,wana aluvindi bigagae. ⁴ Atalunduga avama ege igondala atagagawe.Pilamapa,bema alu'okoma asese pugagae. esegina bema balapina yogala'va kambae. ⁵ Kogano dugava wasana aluvindisa yo amukegelisa tavewata ale ugagae agasu yava oma au kasaginae. ⁶ Pigo Jisasi pagosa balo agateginava bo'wama agisavindi uma alakavulitae. ⁷ Tavela aleuma kuvetata kanatagina, dakeva anavugatakiluwe, Jisasio inata bindabe Goti anande kae. Goti akewa agela kamakigauwe, daesuanava a punato. ⁸ Jisasiva pila olitae, piamba yagwala kalategina anmali kano olitae, piya kamba alaga awamusa pa. ⁹ Jisasiva avigatae kagegapa ke'e? Pigo pila olitae, dagenepa amidae olitae, anavie otamae, takeva atalu kinatae. ¹⁰ Kano yagwalamava Jisasika to atalula amakigatae, Jisasi kava kano balapa a aisakalo olitae. ¹¹ Pigo kaliya amukegeli atalu yaga bitawe. ¹² Pigo kona kambalaga awamusa kinabava Jisasikava avigatawe taisagagata yaga oma adavindi umiyeno, pivipindi taisagagata umi wano olitae. ¹³ Pigo alagae oilitagina, kambalaga awamusa kinambava kalategina yaga oma adavindi watagina, yaga omava avagano kaliya amukegelisa belu tumuma kayo wani kotupindi paiwatawe, kaisa 2000 wa yagava kayo wanipindi uma paiwatawe. ¹⁴ Aidi yaga oma busana amigagami kinabi damapindi be atategina alesenili wagalatae, anavala puma avolatami ana uma oillikinaga, pilavitagina wawaya biva anavala puma avolatami ana uma olikina, pilavitagana wawayambiva anavala puma avolatami anaga uma agakina watawe. ¹⁵ Jisasi tandi be kanama agatawe, kambalaga awamusa kina andavindi binda yagwala, piyamba yagola ami oma alava potagagami yagwala balambima bitae, asasa autasana yage pilegena yage bitagina auta wakinagava auta wakinagava aekulupitae. ¹⁶ Kagakega agatane kambalaga awamusa bamba yagwalama adavindi bitamipa? Aketa puma avolatami anaga, yagwala puma avotami kogana kamana oilitae. ¹⁷ Aidi tolu amakigatae, kona ba kalete o. ¹⁸ Pigo Jisasiva iva'va pindi ivalositagina boamba kambalaga awamusa andavindi bitami yagolamava Jisasi ka kakege kanakinaga vuwema amakigatae. ¹⁹ Pilavitagina Jisasiva kano kamanapa kamba oltataginava, pila olitae, waegati wama kaokinaka uma olo itae, anavala tavegamba kauta puma avolatami anage, ana kigeti aumama anawa kakepa kalasitae. ²⁰ Kambalaga awamusa adavindi binda yagwalamava kamana pagusatae, tave alesinila bima oilitae anavala Jisasi auta puma avolatami kamana oilitegina avitegina aova aligitae, anaviye otamae akewa auta puma avolatami anaga itae. ²¹ Jisasiva iva'va pindi ivalusumete to undisa kayo waniti watawe tavewa wawayambi akima pigogo pitawe, akewapa kayo wani kepiyati bitae. ²² Kano Juda kinamba alotula alava pugagami yagwala akewapa Jairusie bekanama Jisasi agisavindi alakavulitae. ²³ Jisasi ka to avigatae, kalia alagasone agalosowa pulikinaga vie olitae. Dakeve kakeka amakigawe, wama auta kaya uma ulegana, ima aolasapeno olitae. ²⁴ Jisasiva akege watagina atalu wawayambiva Jisasi alambete auta auta be pigago pitawe. ²⁵ Bamba kano wepa bindie, kola ai ana ago 12-wa wa wagalae olitae. ²⁶ Tavelatasa aesu anava avitagina, atalula yava kina uma agagamipa kogano anawapa pagi puwatamipa, kano ana omava kamba aobema ai anawape uma tave puwatae. ²⁷ Kona wembava Jisasi kamana avitegenava wa'waya bitamepindi, be kanamagina kolosiwata amba aisalatae. ²⁸ Pilai itae, bamba Jisasi kolosila aisalakilomepe, dakeve anono puwakiluwe itae. ²⁹ Jisasi auta asalateginava, to kolapa kamba kanatagina akewa aupindiva ago enu anava pagipuwae itae. ³⁰ Amana soata Jisasiva akewa aupindi amapuma agatamipa esegi anawa aupindisa watagina, ewalima wa'waya bitamepindi imakigatae, kega kolosinetapa aisalane oilitae. ³¹ Auta bima eliya pugagami kinawabiva, pilae oilitawe, tave kina kake kauta biyokana kega dautapa daisalane eno oiltawe. ³² Jisasiva kevala dautapa dasalai ma aomalatae. ³³ Pigo kwana wepa akewa auta agametae, anavala auta puma avolatami anaga pagulo pitegina aekulu pitae. Bekanama Jisasi aola alakavuluma kogano akelasa ana puma avolatami ana olitae. ³⁴ Jisasiva kona weka pilae olitae, kauma oma egepuwami ana oma kaolasapie olitae. Pigo kaumama lisa wagana ai anagape anono puwakie olitae. ³⁵ Jisasiva kamana uma bitaginava kakoisa kinadanapa alutolasa alava yagwalama tandi wamagini pila uma itawe, alaga anende kapa ago puwami anaga poilenda yagolava kundava amene olitawe. ³⁶ Jisasiva ago avitategina ana kamanapala uma bitamepa, pilae oilitae, alutolasa alavagina danakava a kaikiluma kauma alugegevo olitae. ³⁷ Kogano kina wa'waya pe a dalambete kanayo olitegina Pitagaya, Jemisigaya, Joni Jemisi anasawaka tikemana dalabete kanayo oilitae. ³⁸ Alotu damata alavapugagami yagolamata alatamagina agatawe wa'wayambiva, tavela ala uma alauwa wama bitawe. ³⁹ Pigo waevindi uliteginava pilae oilitae, tikeva anaga kuvetete anaga atalu pilagenava pewema imakigatae. Anendekapa kamba puwandie uga bindiye olitae. ⁴⁰ Kwagi ogalataganava, Jisasiva kogano wa'wayambi kava anamali itategina avokambake anogambake kevala auta bitami kina ivametekina kona anende bitamiti watawe. ⁴¹ Jisasiva kona anendemba aya bema pilae itae, Talita kum, pimba kamana ewali vikilambepa pilae ikiye, kaliya alagaso dakeve kakekalowo ima asolo. ⁴² Avagano ima asolimba watae, (Kwana wepa 12-wa wa wagalanda wene). Avagano ima asolimba watagina agate tavela imbu anava pitawe. ⁴³ Jiasiva ege kamana oilitae, amambava kamba anagave a aveno itae. Jisasiva oilitae, kakoisana anende timba dakimi ana amiyo oilitae.