¹ Jisasiva kayowani kepiyati wawabika poielanda kamana oilitae. Pigo akeva kayowanipindi ivavapindi ima balabima bitae. Pigo wawayabiva,kayo wani, kepiyati balabima aviyapitawe. ² Jisasiva ama kamanapindisa poilenda kamana oilitae, poilenda kamana pindisava pila itae. ³ Aviyo, yogavindi aiana akina yagwalamava aiana bete watae. ⁴ Pigo aiana atamipa kakwisa aianava keta belulitagina, alapeoma dagalatae. ⁵ Pigo kakwaisa aianava, bava kamba aogima binda, yava bavindi belulitae. Pigo pimba aianava avagano elawatae, anavie otamae, bava yavati bitamikuna. ⁶ Pigo paoma agataginava, kogano aiana elandapa asawatae, anavie otamae, ayoviwapa bavindiva kamba tuminda kuna, kogano aianava asawatae. ⁷ Pigo kakwasa aianava asalele avuyepindi pelulitae. Pigo asalele avuye elama atikawatagina,andapa kamba alatae. ⁸ Pigo kakwasa aianava aogi bavindi belulitamikuna andapa atalu alatae. danidawapa pilamae kakwisava 30-wakuna,kakwaisava 60-wakuna kakwaisava100-wane. ⁹ Pigo aindiva pila oilitae, kagena binda kinambagava aogima aviyo oilitae. ¹⁰ Pigo Jisasiva asata bitaginava, auta bitame kinabige, 12-wakina auta bigagame kinambige beto kamana oma amiwa ulaloma amakigatawe. ¹¹ Pigo pila oilitae, Goti kumati kakamba bindebe pilegenava, ago beyawe oilitae. ¹² Pila pimi kuna, agasanava pikimipa kambae agaveve pikimikuna, pigo avisanava avikimipa kamba avivevepikiye.Pilama agategini Goti tandi kanagina kamba aogi na begalasanaga. ¹³ Aidiva ikegava pila oilitae,tikeva kamba bo agawe bamba ama kamana oma ami pilegenawapa. Tike kamba pilege pisiema aulo ama kamana oma ami pilegenawapa. ¹⁴ Yogavindi aiana kulitami yagwalava, Goti kamana bema kukagami yagwale. ¹⁵ Keta belulitami aianava piyapa pilamae, kamana belulitagina betamipa, avagano satani iyumavindi belulindapa ambegalatae. ¹⁶ Aianava, yava bindapindi beluli tamipa, pilamae wa'wayamba kamana kanami, amalagu anayaga beiye. ¹⁷ Ikeva ayovi wapa bavindiva kamba tuminda kuna avaganoso bigagae. Aindiva, kundana'yo, ata'ana'yoma bemipa anaviye otamae, kamana wapa ikepindiva kamba bindiye, pavigo avagano atumu wae pimba kundanavindi. ¹⁸ Kano ai ana asalele avuyepindi belulitamipa pilamae. Goti kamanapa avitawe. ¹⁹ Bamba bavindi sanaga pilatage wama kotaka avuwakinanage pigo aumawapindi esali puwama ataluna, pila anaoma awagitwagina,Goti kamanapa kamba bindegina, agagana wapa kamba elae. ²⁰ Pigo aogi mavindi belulitami ai anava pilamae, Goti kamana bema aumawapindi atatagina anda alatae, kakwaisa anda alatamipa 30-wane kaisava 60-wane kaisava 100-wa, alatae. ^{21 21} Jisasiva, pila oilitae ," tikeva kanepa ulamba damapindi ulamba avendiva balo atagagao? Tikeva kanepa ulamba esawata atagagawe." ²² Anaviye otamae, kano anava kamba kakanomae,Pigo kano ana kaka'atanda anava, kamba avolapa bienomae. ²³ Kevala kagena binda bagava, aogima avo. ²⁴ Akeva pila oilitae, kenava atama aviyo. Aemba kwana avagotapala ala pikilambepa, pamba kwana avagota tolo kamikiye. ²⁵ Anavie otamae, kevala ago bikimipa to'amite, kevala ake pindi kamba pikimipa, akepindi bindebe anava begalakiye. ²⁶ Pigo tova pila itae, Goti kumativa pilamae, kano yagwalama aiana bavindi bo atatae. ²⁷ Pigo asakwapa awite, we'lapa asolite, pigo aiana amalandapa elakiye.Pigo akeva kamba agakiye.Pilama elaemava. ²⁸ Pigo baomava danidava akewa avolagagae,amalupa anana pite,pitapa danida avolate. To pitapa danida wapa tave anosakiye. ²⁹ Pigo danidava tagusa pekinava, yogaoma avowambava tupete yogavindi yokana pikiye,ago danidava tagusa puwamikuna. ³⁰ Akeva to pilaitae,''tova analasa Goti kumakava boloikilune. Ama kamanapa anaeikilune, Goti bidambe kumaka ikinava. ³¹ Piyapa amana aiana kandama bindie, bavindi bo'atamakina, akeva amana aianasoe, bavindi bo atakinava. ³² Pigo bavindi bo'kuatakinava,esegina anosama yage avuyakeva agasakiye.Pigo imatavevuma , amawapa tavepuakina pigo alape 'omava ana kima biyenoma. ³³ Amakamana pindisa yage, pigo Goti kamanapa oilitae, aogima aviyoma. ³⁴ kogano kamana ikega oilitami pindiva, amakamapa atalukamana bitae.pilavitamikuna, pigo akewake autabima,elia pugagami kina wambige bima, pigo pagusama, ama kanapindapa ami pilagenawapa oilitae. ³⁵ Pimba duga atamiwapa pila oilitae,'' kayo wani omadomba undi wakilune oilitae.'' ³⁶ Pigo kogano Wa'wayapa itate Jisasi ge watawe. ³⁷ Pigo aindiva,tavewa iguguye kanama kayo wanipa bema owalevindi boevitagina,awaitakina pitae. ³⁸ Pilapita gina, Jisasi'va akewapa owale oma akwai awi watae.Auta bima elia pugagame kinabiva pilaitawe,'' Poilenda yakwalao, tagama yo takeva pavigo puwakine?'' ³⁹ Pigo akeva iguguya omake kayo wani omakegava pilama aomanasitae,'' piyamaso biyo' apatagivo' pigo iguguya omava pagiwatagina, kayowani omava piyamaso bitae. ⁴⁰ Pigo aindiva auta bima elia pugagame kinambika'va pila oililtae,''Anavie otamae tikeva tiekulu puwao? Tikeva tiuma alugage peme anava kamba ege pindiya? ⁴¹ Auta bima elia pugagame kina wambiva, tavela iyekulu puwama, ikewipa pila itawe, akeva keguna iguguya omage kano wani omageva kamana wapa avie?''