¹ Sondalapa Jisasiva Juda kinambi bono una damapindi watamipa kano aya wasua puwanda yagola bitae. ² Kaisa bitame kinabiva iyova pavita agaisima bitawe, anonopala potakiema kwana sondalapa anono pitakimikava, Jisasipa alutikilawe. ³ Jisasiva aya uga suwa puwanda yagolagava pilae olitae, kogano kinamba iyola asolo olitae. ⁴ Pigo to Jisasiva wawayakava pilae oilitae, sondalapa wawaya aopikinana pisuvelo, wawaya alutikinana pisiwe? Jisasiva pilae oilitagina kogano pakawatawe. ⁵ Pilavitagana, Jisasiva esegi ao igatae, anavimae, pilagenaepa ege imindota asolitagana, pigo Jisasiva aya ugasua wanda yagolagava pilae oilitae, kaya bema ovulotopo itagina pavigo ayapa ovulotopuwatae. ⁶ Piya agate palisi kinambiva avagano Helotitandi wama uma akivuma Jisasi alutikina gava uma yokeitawe. ⁷ Pilavitagena Jisasige auta bigagame kinambageva kalate kayo waniti bo watagana atalu Galili kinana, Judia kinana. ⁸ Jerusalemisa kinana, Idumia kinana, Jodeni wani oma domba undi binda kinana, Tai bigagame kinana, Saidoni kinabiva kogano alambete watawe. Kaisa ana Jisasi pitami anaga aviteginave, atalu wawaya JIsasi tandi kanatawe. ⁹ Pigo Jisasiva auta bigagame kinakave ivava bema bovatapotoma avigatae. Pila potatagana iguguya bema paguta ayogima bima ikilawe. ¹⁰ Jisasiva atalu kina anono poitatae, piya agategina kogano kinambiva bekama amba aisalatawe. ¹¹ Aemba undisavala ka aogi awamusabava agateginava, belulea puma kuvetama pilae itawe, Kakeva tagatagaba Goti Anendekae itawe. ¹² Pila potateginava esegi anawakava atasakape oilo oilitae. ¹³ Jisasiva itate amukegeli ulumagina kegavala avitami yagwala bo alapitagina ano atata Jisasi tandi bekanatae. ¹⁴ Pigo jisasiva 12-wa auta bina kinapa ala poitatae (egewape aposoli kinanema bo ala poitatae). Pigo ikeva Jisasige biyekina aidiva agaluvakina Goti kamanapa bemete wawayakava uma oilikie. ¹⁵ Pilavitagina tova Goti eseginalasa kamba aogi kwelava agaluvatae. ¹⁶ Pilavotataginava to Jisasiva akege auta dasikilame kinapa pita bo alapoitatae. Saimonie, to kano agewape Pitae. ¹⁷ Jemisiva Sebeti anendene, Joniva Jemisi anasawane, to kano agi amitamipa, Boanege age oma amiwape ( kalakinaga akalulu ugagami sakinamba anendene). ¹⁸ To kaisava Andruye, Pilipie, Batalomiyue, Matiy, Tomasie, Jemisie, Alpiyusi anendene, Tada yusie, Saimonie Seloti bigagami yagwala. ¹⁹ Tova Dudas Iskaliotie, Jisasi uvinaga pitami yagwalae. ²⁰ Pila poitataginava waeli bo watagina kogano wawaya to amba akivitamepa beletiva ago aebo pitagina kamba datawe. ²¹ Pigo tuwambava avitagena wama uma agaluwatawe. Pilavene otamamba, kwana bamba anavembepa kakega pilagena lasa otamamba." ²² Kamana kalagagame Jerusalemi kinambiva tumumagini pilae itawe, " Baba ana vimimpa Belsabuli eseginalakavie itawe," Tunu ana omada kambalagana oma eseginalaka akeva kwelava agaluvae." ²³ Jisasiva ke otamaba a'ma kamanapindisa pilae oilitae, "Piyapa aliyamba Satani akewapa agaluvabekie? ²⁴ Kano baoma akebapuma bikimikave, piyape pimba baomava kamba esegipuma asolimba bikiye. ²⁵ Aemba dama ovavala akemba puma bikimikave, pimba dama omave kamba ima esegi puma bikiye. ²⁶ Pigo to Satani asolimba akewa kilivalipuma akemba pikimikava, piyapa kamba asolimba imima, be atuti bekanakie. ²⁷ Kambalasa kano yagolamava esegi yagolama damapindiva wama ku anava uma pikiye. Agola pilavikinagave boa esegi yagolava aitaka atamambaga damawapindisagava bekilane. ²⁸ Tagatagamba uliluwe oilitae, kevala wama anedeka akoisa kamana ikilambekava begagalakiluwe oilitae. ²⁹ Pilamape kegavala Aogo Awamusaka akoisa kamana ikilambekave, kambatasa pimba anagape begagalakiluwe. Pavigo pavita biwakie. ³⁰ Jisasive pilae itamipa, anavie otamae, wawayambava kayogi kwela yaga bindiye otatawe." ³¹ Pilavitaginava Jisasinda anogambaye anasawake, inamuwake bekanama wawayaka oillegano Jisasiva kanama amba lagano oilitawe. ³² Atalu kinabage amba balambima pilaema Jisasikave oilitawe, " Kanogambaya, kanda kagagive beyambe ambima kagakina ambindawe olitae. ³³ Jisasiva pilae olitae, "Danonembage dagadagagive ke'e ? ³⁴ Jisasiva balambi gima binda kinakava, pilae oilitae, agaiyo piyambe dake danogambage dada nagagivie. ³⁵ Aemba yagolamayo wembayo Goti auma alagakimibave dake dano, damana, dadanagae.