¹ Kaisa duga oma akoiva, Jisasiva to Kapeneami watammikpa, Jisasiva damapindi bindiyema avitawe. ² Pigo atalu wawaya amba akivitamepa, wana bikina balu yage kavelesa baluyagepa awagitawatagina, Jisasiva aogi kamanapa oilitae. ³ Kaisa kina bekanatapepa, 4-wa yakolamava, kano agisa aya puwanda yagola wasai mete kanatawe. ⁴ Kona damapa awagitawatagina, dama ato ekulima, Jisasi bitamita baluwayage aisagatagana tumitae. ⁵ Jisasi agatamipa, 4-wa yakolamava iuma ipa alugegewatagana, boba agisa aya puwanda yagolava, anede kamba laganagapa begagalauwe olitae. ⁶ Pilavitagina palisi kinambiva uwama pilagena putama bitawe. ⁷ Aliya yagolakona demba amanapa iye?. Gotika akayasie, kano yagolamava kawinda kambalagana wapa kamba begalakie Gotiga begalakie. ⁸ Avalunaga Jisasiva adavindili pilagena pitamepa ago igatae, aliya anaga pila pilagenava pewe olitae. ⁹ Agisa aya puwanda yagolagave aliya oilikilune. Kambalaga naga begagala uwe oilikilano, ima asolimba kawasa eve bete wo olitae. ¹⁰ Ambo pilamape, ba agayo, Wama Anadebava kogano kambalagana begagalakina esegi anawapa ulindie, agisa aya puwanda yagolagava pilae olitae. ¹¹ Dake ugaluwe, ima asolo, agulu balika bete damakati wo. ¹² Akeva avalunaga baluwa ekalakimete, kogano kinambi aepasa pitagana dama avei watagina, kogano kinambiva pagulu pumalate Goti age bema inatapite, pilai itawe, takeva kamba agagombe anala agaune itawe. ¹³ Jisasi, pitapa atate wani kotuti watagina wawayapa be kanatagana aogi kamanapa oilitae. ¹⁴ To bu watamiti Alivaema Alifisi uma agatamipa takisi bena baluwata bitagina, Jisasiva oilitae, kanama amba dalago olitagina. Ano Jisasipa alambete watae. ¹⁵ Pigo Jisasiva Alivai damapindi daninda dama bitamipa, atalu takisi bena kinayage, kambalaga kinayage, auta bima eliya pugagame kinawayage ambima danindava datae, atalu kinapa alembete watawe. ¹⁶ Palisi kinambi agatamepa, kambalaga kinambige takisi bena kinabige, Jisasiva danindava datagina, auta bima eliya pugagame kinaka oilitawe. Anavie otamae, takisi bena kinambige kambalagana kinambigeva danidave dae oilitawe. ¹⁷ Kwana kamana aviteginava Jisasiva oilitae, anono kinbiva yava damativa kamba wagagawe, kwela kinambi managa yava kinativa wagagawe. Ayogi kinaka ige ikinaya, kambalaga kinambika kanatauwe. ¹⁸ Joni auta bima eliya pugagami kinambige, pavitasa kinambigeva danidava ekunegiti tikeva kamba ekugagawe itagana. ¹⁹ Jisasiva oilitae, ivaya yakolama kina tikege bikimi bape danidava kamba ekunikilawema oilitae. ²⁰ Aindiva yagwala wapa kanatama agae oilitae. ²¹ Kano yagolamava avala kailake asasa kailapa kamba pagunikie, pilavikimipa avala kaiva alalukalakiye. ²² Kawinagava asasa waniva avala meme alivindiva kamba etevakilane, piyapa meme ali etuwakina wanie etevawakiye, asasa wainive asasa meme alivindi gane. ²³ Sondalapa Jisasiva patali ugavindi watagina, auta bima eliya putagagami kinambiva anu patali kimba datagana. ²⁴ Palisi kinambiva Jisasikava pila olitawe,sondalapa apese umalanda anava anagavie itagana. ²⁵ Jisasiva pilae oilitae, tikeva Deviti pitami anava kamba enosugagawe, akege bitami kina igavulitaginava. ²⁶ Abaitaema Gotida awagaumana damapindisa eliyakinawa bitamitapa Devitiva damapindi uluma Goti aola bigagami beleti eliya kinambi mana dagagame beleti imema kogano wawayapa imitaya? ²⁷ Pigo Jisasiva togema oilitae, sonda dugave wawayambindae, wawayape sonda duga omadayane. ²⁸ Pilaguna Wama Anedembava sonda duga omada tave alava yagolae oilitae.