¹ Palisi kina Jisasita kanama age binda kina yaga pila pise kamanata alavapugagame kinabige Jerusalemi kanatawe. ² Jisasi auta biyegana aomana sugagami kinambi iyapa kamba pugalanda danidava datawe, pilama iyapa kamba pugalanda danindava datawe. ³ Palisi kinambige kogano Juda kinambigeva ikeva iyapa wanitasa pugalama danindava dasanaga avitae. Palisa ataimba kamana avima utavama bigagame kunae. ⁴ Pigo palisa kinapa bekanama aisagana puna kumata be akimete, pigo danindava kamba dada wanipa paikalate dakilunema gini, pigo su anawita alagatawe.Pilama tini kapu vindisava kamaba dakina ema pilavise kamana palipa bindakuna, pilama kopalasa yaga baluti balambikina ema alakagagame kuna. ⁵ Palisa kinabige pilavise kamana kalagagame kinambige pilama jisasi kava amakigatawe, pilama anavieye otama kauta biyegana iyomana sugagame kinabiva palisa ataimba kamana yaga anasa kinambi kamanapa kamba aogima alegawe oilitae. Anavie otamae danindava dategini iyapa kamba ekatuvanda danidava dawe oilitae. ⁶ Pilae oilitae, Iasaiyava pagusama oilitamipa pilama tikeva tivi kinakae oilitae. Kalanavuma oilitamipa, pilama wa'waya iwamutasa kamana itamepa iumavindi pilagenai pindiva kamba binda pagusa bitae. ⁷ Tikeva anama dawaga ugagawe, Goti kamana omava wanama kamana pilavise kamana avima alakagagawe oilitae. ⁸ Goti da pilavise kamana wapa bema boegalate alamba biyene oilitae. ⁹ Pilae oiltagina ekeva wa'wayambitava kamba aogi anava alamba bite Gotida pilavise kamana kamba bete palisa atelimba suana utavama pewe olitae. ¹⁰ Mosaseva pilae oilitae, tikeva tinoliva kamana avima avedilima biesema olitae. Kegavala kano kava kamo kamana otakilambepa puwa kilane olitae. ¹¹ Pila itamipa pilama kano winava avawamba kayo anowamba kayo pila ikimipa, anaviye otamae, kaoyasa pikina Gotiva kamikiye, pila kamana itamipa Goti gamba amikinae. ¹² Pilama kakeva itaotagana kavagambage kanogamba kenda aogina beyo. ¹³ Kakeva Gotinda pilavise kamana bete palisa kamanapa bema ama undi a boegalo. Atalula kava suana pene. ¹⁴ Atalu wa'wayaka keuma pila oilitae, aogima aviyo bamba kamanape, tikeva pilage na lipindiva kogano aogima ataiyo. ¹⁵ Kano anali binda anava wanama anda vindiva kamabalaganava kambae. Pilama wanama auma wapindi kamba alaganava kamba aoginae. ¹⁷ Pigo Jisasiva wa'waya igatategina dama pindi ulugalatae,auta biyegana iyomana sugagami kina wambi pigo Jisasi kava amakigatawe ama kamana pindisa oiloma amakigatawe. ¹⁸ Pigo Jisasiva oilitae tikeve wana kambaka pilage gagame kinataye?'' Tikeva kamba pilage peo kano ana anamali bikiyema kano yagwala aumavindi bikimipa kamba laganava kambae. ¹⁹ Anaviye otamae wanama anda vindiva kamba alaganava kamba bikiye, pilamapa kamba lagana andavindi bikimikava aidiva amana damasoli wagalakiye. Pila kamanapa Jisasiva kogano danindava aogi danindae olitae. ²⁰ Pilae itae, anavie otama wanama andavindi kambalagana bikimipa. ²¹ Pilama wanama, anavie otama kamba aogina andavindisa elosamaba piya omava kamba aogi pilagena pugagae. Kupio su ana, ku ana wana alugukalakina puwakimi. ²² Wama ame we bete dasikina su ana pite, wayamba ame wa bete dasikinana su ana pite, amendanaga aukagawate, akeva anavite avikamana ite, ameka akwaisa kamana ite kamba agi kamana ite, kage bema inatapikinana su ana pite, sokale su ana pite. ²³ Kogano pimba su ana omava, wanama kambalaganva pugagawe. ²⁴ Pigo Pitapa atate Tairei, Sidonisa bala watawe, akeva kano damapindi ivailima kawi kava kamba daolapa kamba daganoma imitae. Pilamapa kakakinaga pitamipa kambae. ²⁵ Pilama avagano kano we amana alagasowa kambalaga awamusa kina bitagina kwana wembava kamana avitamipa Jisasita kaisa kina kanama amba ilakavuluma Jisasi agisavindi kanatawe. ²⁶ Kwana wepa Griki wene, Ponesia tu pindisae. Jisasi ka amakigatae kambalaga awamusa kina bamba alagasoma adavindisa begaloma olitae. ²⁷ Jisasiva piklae oilitae, atagana busana dagalakindae. Anavie otama anenesoso busana ameganve kwala oma awamupindi boegarakie. ²⁸ Pilama watambava Jisasiva e oiltamine. Tavenembao pilama pe kwala omava yalege oma avendi bima anende soso mada danida tulawanda dagagae ma olitae. ²⁹ Akeva olitae, ago ugalane pigo wakilane. Pigo kambalaga awamusa kinape kaliya alagasoma andavidisave ago wagalae olitae. ³⁰ Pigo waeili watamipa kaliya alagaso wapa beluluma awitamitae, kambalaga awamusape tova kambae olitae. ³¹ Pigo Jisasiva Tailesisa bava atate Saidoni olatama kayo wani agate Galili isa bala Dekapolisisa bala watae. ³² Pigo kano yagwala avavite kanatamepa, kano agena kuwanda yagwala awamu ekuwanda yagwala avamete kanatawe. Jisasiva esegima amakigatawe, kayapa auta aigavoma olitawe. ³³ Pigo JIsasiva avamete atalu kinapa itate atuti avamete watae, adevila ayatasa aigavitae. ³⁴ Jisasiva inadiga balo agaveve pitae, pigo akeva esegi auma bemeteginava pilae itae, Epata, pilae itae, kakeva aligo. ³⁵ Jisasive kagenave ago ali kalauwe kamanape avo olitagina. Pilapitagina ana omavala aitakamba bindapa ita otate, pila piyo kamanape pagusama yo oilitae. ³⁶ Pila viemava to ama kinakave a olise, Jisasiva to olitamipa tiwamu tape a pagusama oilu oilitae. Ake kamanapa kamba avima alagatawe. ³⁷ Atalu kinambiva pagula puvitatawe pilae itae ikeva atlulatasa aogi nawapa piye. Akeva agena ku wandapa avite awamu ekuwandapa kamanapa to ikiyema oilitae.