¹ Saini waha langa fai-aite bagu bayingaru ege mai kotowane wa,'' nere da uwa. Ono wanenga Giduhaigou Itou no nomo Disaipel yaure nigainga mayanenga, benou lenigai. ² Ji nere fai-aita bagu beha boni aau yarina, nere ji ngate yafa geyenga fati ei bagu beha boni aau yarina, nere ji ngate yafa geyenga fati ei oruwa usu waha, da uwau. ³ Nere huweli onou yafa gogunga ji nebere mata langa huru nigoni wa,gamaji nere jala gama huweli bode agenege gui wonga orososo woguga. Nere ila ha baae langa golodu mayeneha.'' ⁴ Ono wainga nomo Disaipel bele ege gidu benou letuwane, ''Haumu beha fai uwau. Onou waha bona ere beret alanga elegedu boya fai-aita bagu beha nigedenga nyode?'' ⁵ Ono wanenga Giduhaigou Itou no nomo Disaipel isoki nigai, ''Tere beret agonyi inyina?'' ono wainga nere letuwane,'' Ere beret 7 inyide.'' ⁶ Ono wanenga Giduhaigou Itou no fai-aita bagu lenigainga oula langa yafane. One ganenga no beret 7 waha elegedu Itou hilobainga tudu bona, lalatidu bona nomo disaipel wese nagei nomo bona nagai. Ono wanga nomo disaipel nere fai-aita bagu wese naganeha. ⁷ Onodu fere nere howe mene - mene etenga - etenga bagu. Giduhaigou itou no hoowe waha fere itou hilobainga tudu bona wese nagei nomo bona disaipel lenigai. ⁸ Saini fai - aita bagu nyanenga ogonege digainga, da matau -matau awru wane waha,elega komomudu bode kekele 7 jiri wane. ⁹ Nere fai-aita bagu waha lelege nigou 4,000 onou. Onodu Giduhaigou Itou no huuru nigainga hara ganenga. ¹⁰ No fasayadu bona nomo Disaipel bagu bot digedu bode ulate dalmanuta distrik langa goyaneha. ¹¹ Farisi nere Giduhaigou bagu maidu bode, bele langa warawou hugu tafane. Nere Giduhaigou Itou no Itou nomo haruwe tena waha abitimuwou dodoka ete naani dorofe tafon bona lewane. Nere ewe wala-wala tu urei nomo ono wane. ¹² Ono wanenega Giduhaigou Itou no nomo hauri langa isai wa no ou tuwai, ono wainga benou lewai, "Saini beha nomo fai-aita bagu nere taate bode naani urei nomo yaurede? Ji tere ngalenega letigini, nere naani ete te ada urodbode, gai uwanga uwa.'' ¹³ Onodu no awa nigidu bona ege bot digedu, yage katiwou ulate langa goyaiha. ¹⁴ Giduhaigou nomo Disaipel nere agenege digainga beret ila elegedu mayegu uwa. Nere beret gai etenga wahanga bot langa inyaiha. ¹⁵ Ono wainga Giduhaigou Itou no bele danga bagu benou lenigai, ''Tere ofa dewagu. Tere Farisi nebere yis bagu Herod nomo yis bagu ure dewagu." ¹⁶ Ono wainga Giduhaigou Itou nomo Disaipel nere nage-nage gama langa benou laguru wane," No beleonou lehigine waha tate bona, ere beret uwau rute." ¹⁷ Ono wanenga Giduhaigou Itou no nomo Disaipel bele onou lewane waha amina isi nidigu bona, benou lenigaina, " Tere tate boya tere tage tage bele kejiwe benou leya," Ere beret uwau guru ya? Tere fo tigei uwa rute? Tere isou uwau rute? Tere agetege digaga yo? ¹⁸ Tere agetege bagu, onou wa tere dada nerigegu uwa yo? Tere agetege kuli baguonou waha terebele isegu uwa yo? Tere ninatege hilala waina yo? ¹⁹ Saini ji beret anyimu kouwou, fai 5,000 lalatidu nigene nyanenga ogonege digainga beret matau-matau awaru wanenga otowai wana, tete kekel "12." ²⁰ Saini ji beret 7, fai 4,000 lalatidu nigene nyanenga, matau-matau gwai waha, tere kekele agonyi jiri weye na yo? ono wainga nere letuwane, "Kekele 7." ²¹ Ono wanenga no lenigai,"Tere isegu uwa rute? ²² Giduhaigou Itou no nomo disaipel bagu goi Betsaida matane langa heiganenga, fai ete ago fosokowou haudu bode no bagu mayaneha onodu nere Giduhaigou Itou no owo fai waha jaula langa tafei nomo bode letuwaneha. ²³ Ono wanenga Giduhaigou Itou no fai waha owo yasudu bona haudu matane gisa langa goyaiha. Onodu bona mulugu ago langa bisinga fudu bona , owo fai waha jaula langa tafa bona , benou isoki tuwai, "Ne dada ete ureni yo, uwa?" ²⁴ Ono wainga fai waha igei bona Giduhaigou Itou benou letuwai, "Ji fai ila nerigeni, ariya ji nere nauge dorofe golodu goi ganenga nerigeni." ²⁵ Ono wainga Giduhaigou Itou no owo ege fai waha ago langa tafai. Ono wainga oruwanga fodu nerigaiha. ²⁶ Ono wainga Giduhaigou Itou no fai waha huuru tuwainga nomo mata langa goi gainga, benou letuwai, "Ne matane huwanya langa adai goyau." ²⁷ Giduhaigou no nomo disaipel bagu jaidu nere matane, sisaria taon Filipai hinomu langa goyaneha. Nere goi bode jala langa Giduhaigou Itou no nomo disaipel benou isoki nigai, "Nere fai-aita bagu ji bode fai wei tigini hide yo?" ²⁸ Ono wainga nere letuwane, "Nere ila Jon yage bisemu nigiou fai ide.Ila leda, ne Elaija. Ono ganenga nere ila lede, ne profet ete." ²⁹ Ono wanenga Giduhaigou Itou no nere benou isoki nigai, "Ariya tere tage ji fai wei hiya yo?" Ono wainga Pita no Giduhaigou Itou nomo bele ege gidu benou letuwai," Ne fai Itou nomo fai-aita bagu ege gidu hanigei nomohangada hinai waha." ³⁰ Ono wainga Giduhaigou Itou no nogo fai wei waha nomo Disaipel nere fei ete te adai letuwogu bona karu nigaiha. ³¹ Onodu Giduhaigou Itou no nomo Disaipel benou isiswou nigai, "Fai nomo Idau no jimiri baingaro tonbona, nere mora bagu, nere pris aroro, nere nuuni bele isou fai, nere no moge tubode dukote wogunga umonbona.Ono wogunga fati eei langa no ege gidu jayonbona." ³² Giduhaigou Itou no bele beha malala foomudu lenigaiha. Ono wainga Pita no Giduhaigou Itou haudu gisa langa goidu bona honggoro tuwou hugu warai. ³³ Ono wainga Giduhaigou Itou no ubuludu nomo Disaipel nigi bona, Pita honggoro tubona benou letuwai, "Satan! ne mogofe lanaga goyau, ne Itou nomo isou oojowei uwa. Ne fai nebere isounga ojoni." ³⁴ Onodu Giduhaigou Itou no nomo Disaipel bagu nere fai-aita bagu yaure nigainga mayanenga benou lenigai, "Fai ete no ji oojo hiyona wonga, nomo gauwou ilei bona nomo nauge abalakawou auledu ojo hiyona. ³⁵ Wa tate bona, fai ete no nogo nomo ago auma yafou yaasu wona wa, no nomo ago auma yafou wa yae wonbona. Fai ete no ji bona bagu yame hilou bele bona bagu ninau isidu bona nomo ago auma yafou awona wa, no nomo ago auma yafou waha inyi dewonbona. ³⁶ Fai ete no oula nomo dada oruwanga elegedu, no nomo ago auma yafou yae wona wa, ariya dad waha oruwanga adadu hoyo tuwodbode? ³⁷ Fai waha no nomo ago auma yafou waha ege ejiyawou tate dada nigonbona? ³⁸ Elebe saini behu nomo fai-aita bagu nere Itou moge tubode, onowou inyaba hogo fere-fere onode. Onodu nebereha fai ete no ji bona, yame hilou bele bona bagu mayau tuwei mata wona wa, iinga huunta langa, Fai nomo Idau no umamu nomo lala anyakaro langa yafa gonga, Itou nomo ensel bagu mode saini waha langa, Fai nomo Idau fere fai waha bona mayau tuwonbona."