¹ Giduhaigou Itou jaidu bona hamu waha awadu, Jordan yaga ulate Judia Distrik langa goyai. Ono wainga fai-aita bagu baingaro ege mai komo tuwane. Ono wanenga no nomo onowou ojo bona fai-aita bagu Itou nomo bele lenigaiha. ² Ono gainga Farisi nere Giduhaigou Itou bagu maidu bode wala-wala tu urode ono wane. Nere benou isoki Tuwane, "Ere ebere nuni bele no fai-aita bagu te guruwou waha, fai no aita edo awa tuwane yo, uwa?" ³ Ono wainga Giduhaigou Itou no nebere bele waha tigai?" ⁴ Ono wainga nere letuwane," Moses no fai ete fai-aita ngare te guruwon waha Tuwonga fagawei nomo edo iwai." ⁵ "Ono wane wa Giduhaigou Itou no benou lenigai, " Tere fetowou fai, waha bona Moses no nuni bele beha yerege tagaiha. ⁶ Isagu gai amina langa, saini Itou no dada oruwanga tafa borodu bonu,no fai-aita bagu tafa nigai, onodu no nomo nigainga fai-aita bagu heigane. ⁷ Waha bona fai no umamu anya ngare awa niridu bona oya ngare fadadu yafa-yafa dere. ⁸ Onodu nere genere gala etenga heigare ;Itou no onou lewai bona nere nga dorofe yaferu uwa ,nere generegala Etenga dorofe heigare. ⁹ Waha bona dada Itou no amina dagai waha ,fai no adai futu wona. ¹⁰ Inga Giduhaigou Itou no nomo Disaipel bagu mata langa gidu goidu bode, no nomo Disaipel fai-aita bagu te guruwon karude bele waha ege isoki tuwane. ¹¹ Ono wonenga Giduhaigou Itou no benou lenigai, ''Fai ete no oya awa tudu bona ege tei mata wona wa, no nomo oya inyabamu tudu bona fai ete tei mata wona wa, no langa fanyimu tafaha,'' ¹² Onou dorofe nga aita ete no au awa tudu bona fai ete tei mata wona wa, no langa fanyimu tafaha. ¹³ Ariya nere magana mene-mene hanigedu Giduhaigou Itou bagu mayyaane.Nere no owo magana mene-mene langa tafai nomo bode gau nigai.Ono wanenga Giduhaigou Itou nomo Disaipel mere fai-aita bagu hongoro nigane. ¹⁴ Giduhaigou Itou no waha uredu bona huwanya inyaba wainga, nomo Disaipel benou lenigai, ''Tere magan mene-mene awa nigadenga ji bagu mayade.Tere adai karunigagu. Itou nomo huna langa yafou wa fai nere magana mene-mene benouha waha nebere. ¹⁵ Ji tere ngalenga letigini, fai ete no Itou nomo huna langa yafou, Nere magana mene-mene tetedu dorofe ada tei mata wonga, Itou nomo huna langa yafou waha huwanya langa ada goyonbona. Gai uwanga uwa.'' ¹⁶ Onodu Giduhaigou Itou no magana mene-mene owo langigeia yasu nigi bona, owo jawanege langa tafadu, Itou figini nigei nomo bona isoki tuwai. ¹⁷ Giduhaigou Itou no golodu goi gainga, fai ete guriyedu mai Giduhaigou Itou langa afotuburukutudu benou isoki tuwai,''Isisi higou fai hiloubainga, ji adadu onodu boni agefe aumu gai-gai yafou hilobaing waha toni?'' ¹⁸ Ono wainga Giduhaigou Itou no fai waha benou letuwai,''ne tate boni ji fai hilobainga hini? Itou no noyonga hilobainga. ¹⁹ Ne nuni bele langa bele iseneha,''tere fai-aita bagu ila adai dunege kote wagu.Tere fai-aita bagu te guruwou waha longi fanyimu adai ono wagu.Tere dada adai tafa nigigu.Tere fai ila yawa nigidu nebere dada adai nganege elegaga.tere ametege anyatege gane nebere huna langa yafa bonade,belenege ojo wagu. ²⁰ Ono wainga, fai waha no Giduhaigou Itou benou letuwai,''Isisi higou fai,saini ji menekeleha mai elebe langa,ji nuni bele waha oruwango ojoni,'' ²¹ Ono wainga Giduhaigou Itou no fai waha fele-fele tudu gaudu tuwai.onodu fai waha benou letuwai,ne dada etenga boin gai tutu hinina.ne goidu name dada hurudu bonaha,dada waha nomo moni tedu,fai dadanege uwau waha nigau.ne onou ono bonahe wanga,ne ha laluwa langa dada hilobainga bagu.ne maidu ji ojo hiyau.'' ²² Ono wainga fai waha no bele waha isidu bona,hogo karadu hawanya ou tugainga goyaiha.Wa tate bona,no dada baiggaro bagu. ²³ Ono wainga,Giduhaigou Itou no nomo disaipel fele nigi bona lenigai,''nere fai dada baingaro bagu waha,Itouhuna langa yafou waha huwanya goyei nomo darau,'' ²⁴ Ono wainga Giduhaigou Itou nomo disaiple nere Giduhaigou Itou nomo bel waha isidu bode hoeoto wane.ono wanenga Giduhaigou Itou no bel ege gidu benou leniga.''yame magana gane,fai no Itou nomo huna langa yafou waha huwanya langagoyei nomo huruwe danga. ²⁵ Ariya kamel no kolos eregegou nil jogodo langa goyei nomo wa,moni fai no Itou nomo huna langayafou waha huwanya la goyei nomo ababina dorofe uwa.;; ²⁶ Ono wainga Giduhaigou Itou nomo disaipel nere horotodu bode nere nage-nage benou leguruwarne, "Onou wonga , faiwai no eo agenege auma gai-gai yafou waha tona?" ²⁷ Ono wanenga Giduhaigou Itou no nomo disaipel tigini fele nigi bona benou lenigai, "Fai nere nagewe edouwa. Itou no edo langa. Itou no dada oruwanga edo langa ono wanbona." ²⁸ Ono wainga Pita no giduhaigou Itou bele ete benou letuwai, " Urau. Ere ebere dada oruwanga awaru yaha inji ganga ne ojo hiniya." ²⁹ Ono wainga Giduhaigou Itou no lenigai, "Ji ngalenga letigini, fai oruwanga nere ji bode, hilou bele bode isidu, nebere mata awode yo, bainege gane yo, ogoneoje gane yo, anyanege- amenege gane ojane yo, magana yo, haga yo, awarudu ji ojo hide wa, ³⁰ Nere 100 ege elegou bode. Saini nere oula belanga gai yafode waha Itou no dada baingaro nigobona, amina nere dada ila bagu yafane waha yeifa tuwou. Nere mata baingaro, bainege gane baingaro, haga baingaro elegod bode. Onodu fere, fai ila onowou inyaba ono nigodbode. Onodu saina inga hunta mayona langa, nere agenege auma gai-gai yafou waha todbode. ³¹ Onou wa fai baingaro nere lelebe amugou yafade waha, nere amugou yafodbode." ³² Giduhaigou Itou no nomo disaipel bagu jala golodu, Jerusalem goyode onowane. Giduhaigou Itou no nere amage nigidu goyaiha. Ono wainga nomo disaipel ninanege baingaro isane. Ono ganenga fai-aita bagu nere ojo nagane wa, nere umugane. Giduhaigou Itou no ege nomo disaipel 12 waha hanigedu bona, dada no langa heigon bona waha hainagou hugu warai. ³³ Giduhaigou Itou no benou lenigai, "Isagu. Ere elebe Jerusalem goiya, ere goyedenga nere fai nomo idau pris aroro bagu nuni bele isou fai bagu, owonege langa tafI tuwodbode. Onodu nere kot langa tafa tudu bode, dukote wogunga umonbona waha bode bele ngado wodbode. Onodu nere fai fereha nigodbode. ³⁴ Ono wogunga fai nere waha memesi tubodu bisinga tubode falag ati ulu tudu, dukote wogunga umonbona. Ono wogunga fati ei langa no ege gidu joyonbona." ³⁵ Sebedi idau gane nga nonoga, Jems Jon ngare, nere Giduhaigou Itou bagu maidu benou letuware, "Lisisi higou fai, ere dada ete boyare isoki hino boyare, ne dada waha ono harau ganga boyare gau hirina." ³⁶ Ono warenga Giduhaigou Itou no benou isoki nirai, " Tere ji tate ono tarei nomo gau tirina?" ³⁷ Ono wainga nere letuware, " saina ne king anyakaro heigedu bonahe, ere gau yare ere gamarere langa ete, ne owone hilou langa yafa gonga ete ne owone kenao langa yafonbona." ³⁸ Ono wanenga Giduhaigou Itou no benou lenirai, "Tere dada ji isoki hijare beha boyare ada isi deyare. Dada kap langa elebe ji nyonboni waha tere nyei nomo edo yo? Yage bisou elebe ji toni ononi beha tere tei nomo edo yo?" ³⁹ Ono wainga nere letuware, "Ere edo langa." Ono warenga Giduhaigou Itou no lenirai, "Ngalenga, kap elebe ji nyoni ononi beha langa tere fere nyaru ganga, onodu yage bisou elebe ji toni ononi beha tere fere taru ganga. ⁴⁰ Ariya faiwei ji owofe hilou langa yafa gongafaifei no ji owofe kenau langa yafonbona wa, ji yame haruwe uwa. Sia waha Itou nofai amina haiya nagai waha nere nebere." ⁴¹ Saini Giduhaigou Itou nomo disaipel 10 nere dada Jems no Jon ngare Giduhaigou Itou isoki tuware waha bele isidu, nere bode hongoro wone. ⁴² One wanenga Giduhaigou Itou no nere yaure ingainga mayonenga benou lenigai, "Tere isiya, fai nere fai-aita fereha gane nebere mora bagu dorofe yofade waha, nere nebere fai-aita bagu danga ofa nigi-nigide. Onodu fai-aita bagu nebere bele ojowei nomo danga tafa tafada. ⁴³ Onou wa, onowou waha tere goma langa adai inyou. Fai ete no tere gamatege langa anyakaro yafona wonga, no tebere haruwe fai yafonbona. ⁴⁴ Fai no tebere amugou fai yafona wonga, no fai oruwanga nebere haruwa fai ewe dorofe yafonbona. ⁴⁵ Tate bona, fai nomo idou mai fere,fai-aita bagu no hoyo tuwou haruwe te fuwei nomo mei uwa. No nere hoyo nigei nomo mai, onodu no nogo ago auma yafou nigidu fai-aita bagu baingaro ege nigai." ⁴⁶ Giduhaigou Itou no nomo disaipel bagu Jeriko taon langa mani heigane. Onodu Giduhaigou Itou no Jeriko awatudu manai. Ono ginga, nomo disaipel nere fai-aita baingarobagu no ngate gara golouwaneha. Ono ganenga timeus idau bartimeus no jala henemu langa yafai. Bartimeus no ago fosokowou, no fai-aita bagu moni dada bona malagau nigi-nigina. ⁴⁷ No Giduhaigou Itou Nesarethe maina iwou bele isidu bona inyangaro yauredu benou lewai, "Giduhaigou Itou, ne Devit ido, ne ji bonahe augami hinou." ⁴⁸ Ono waingafai bingaro no hongoro tubode benou letuwane, "Ne hurate foroko wau." Ariya no gai ono hao korai bona yauredu benou lenga wai, "Devit nomo idau, ne ji bonahe augami hinou." ⁴⁹ Ono wainga Giduhaigou Itou no oto bona lewai, "Yaure tuwadenga mayona ."Ono wainga nere fai ago fosokowou yaure tudu benou letuwane edo danga wona. Ne jayau. No yaure hinina." ⁵⁰ Ono wanenga no nomo saket te kaitedu bona, fasayadu jaidu Giduhaigou Itou goyai. ⁵¹ Ono wainga Giduhaigou Itou no isoki tuwai, "Ji ne adadu ono hinei nomo ojau hinina?" Ono wainga fai ago fosokowou no Giduhaigou Itou benou letuwai, "Isisi higou fai, ji igei woboni." ⁵² Ono wainga Giduhaigou Itou no letuwai, ne dabu goyau, Ne name huwanyate ngalengawou waha wenga, ono hinganga hilou naha,"Ono wainga fasayadu onou, nomo ago hilou wainga igeiwai. Onodu no Giduhaigou Itou ojo tudu jala langa goyaiha.