¹ Gidhaigou Itou no nomo Disaipel bagu mani Jerusalem jugu tuwane, nere oliv muju langa, matane betfage Betani bagu langa heiganeha. Onodu Gidhaigou Itou no nomo Disaipel nga nononga huru niri bona. ² Benou lenirai, ''Tere matane ere elebe igei tuya waha langa goyaru. Tere goi bonadere fasadu onou Donki gila ete malu langa dowou oto gonga uraru ganga. Amina fai ete te jaula langa yafei uwa. Donki waha malu futu fudu haudu temaru. ³ Ono gadere fai ete isoki tirona, ''Tere tate boyare Donki haudu goiyare iwongai, tere benou letuwaru,' Anyakaro on haruwe bagu, no ege fasadu huru wonga mayonbona.'' ⁴ Ono wainga nere goidu, Donki gila ete yala langa oto gainga urare. Fai nere Donki waha mata ete hinemu langa arasai heigedu maigau langa do tuwane. Onodu nere malu futu fuware. ⁵ Ono warenga fai ila jugu langa oto wane waha isoki nirane,''Tere Donki adadu ono twaru ganga malu futu fuyare ?'' ⁶ Ono warenga nere bele ege gidu benou lenigare, Gidhaigou Itou no lehiraha. Ono warenga nere Donki edo tedu goyei nomo bode lenirane. ⁷ Ono warenga nere Donki haudu bodere Gidhaigou Itou bagu mayareha. Onodu nere neire kolos ufaro uludu jaula langa jima warenga, Gidhaigou Itou no jaula langa yafaiha. ⁸ Fai baingaro nebere kolos ufaroro uludu bode jala langa jima warenga,Giduhaigou Itou no jaula langa yafaiha.Fai baingaro nebere kolos ufaroro uludu bode jala langa jima waneha.ono ganenga fai ila haga langa goidu gauge tuwa kakarudu bode tumai yala langa jima waneha. ⁹ Fai-aita bogu ila amugane,ila hunta mayane,nere Giduhaigo Itou gamamu tudu mani bode,nere oruwanga hiri bode benou yauredu lewaneha,''Itou bonade edega waga,fai anyakaro uniyi langa maina beha Itou no edo figini tuwonbona. ¹⁰ King elebe ere ofa higonbona beha Itou no edo figini tuwonbona,no king,ebere asage Devid nomo ganemuha maino.Itou unyi gai ouwe langa isou wagu'' ¹¹ Giduhaigou Itou no mani Jerusalem langa heigedu bona,tempel nomo orie huwanya langa goidu, dada oruwanga fele-fele nigi bona iladu golo waiha. Ariya honga amina minonga ono gainga, no nomo disaipel 12 bagu ege gidu Betani goyaneha. ¹² Inyiba ete langa, nere Betani awadu mebode , Gidhaigou Itou no huweli tuwai. ¹³ Ono wainga no ago ayadu bona fik nauge ete no menanga bae langa gala fekuwai oto gainga urai. Onodu no fik nauge waha hilou ila nerigon bona hugu langa goyaiha. No goidu urai wa hilou uwau.No ewe galanga fekudu otowai, wa tate bona, fik nauge nomo hilou heigei nomo saini uwa. ¹⁴ Ono wainga Giduhaigou Itou no fik nauge benou letuwai, '''neege hilou ada heigaunga fai nyode. Gai uwanga uwa''.Ono wainga Giduhaigou Itou nomo Disaipel nere bele waha isane. ¹⁵ Giduhaigou Itou no nomo Disaipel bagu goi Jerusalem langa heigane. Onodu Giduhaigou Itou no Tempel nomo orei huwanya langa goidu, fai megemu kusewou haruwe te ganenga so nigou hugu warai. No fai megemu hole bode oto wane waha nebere kabali feudu ayaru nagi bona, fai nei huru bode oto wane waha nebere sia isoudu ayaru nagai. ¹⁶ Onodu nere ere dada onouha waha elegedu Tempel nomo orei huwanya langa adai golowagu bona karu nigaiha. ¹⁷ Onodu no benou lenigai, ''Itou nomo buk no bele benou bagu, ji yame mata beha fai-aita bagu kantri oruwanga nere edo maidu bode, ji hauya hiyei nomo haumu inyonbona. Onou wa, tere ono tugeyenga no yebu fai nebere huwariwei nomo mata dorofe heigena.'' ¹⁸ Pris aroro bagu nuni bele isou fai bagu bele beha isidu bode Giduhaigou Itou adadu dukote wogunga umona waha bode yala kuruwou hugu warane. Nere onou ono wane, wa tate bona, nere umuge tuwane, fai-aita bagu oruwanga bele no lena waha bode horoto de-dede. ¹⁹ Onodu esuwa langa, Giduhaigou Itou no nomo Disaipel bagu, Jerusalem awatudu goyaneha. ²⁰ Inyiba, ete langa eringe amina Giduhaigou Itou no nomo Disaipel bagu golodu goibode, Giduhaigou Itou nomo Disaipel nere fik nauge kakaregai oto gainga urane. Nonomo gala bagu, jijiruku bagu oruwanga kakarege wane. ²¹ Onodu pata no Giduhaigaou Itou bele lewai waha bona ninau isidu bona lewai,''Isisi higou fai , ne fik nauge woha urau, feyo ganga ne fek nauge woha no inyabawei nomo boni letunaha. Ononaha wa elebe no kakaregaha otona.'' ²² Ono wainga Giduhaigou Itou no bele ege gidu benou lenigai, ''Tere Itou bonade huwanyatege ngalengawou.'' ²³ Fai ete no edo muju beha letuwon bona, 'ne jaidu bonahe talagedu hiri langa minau tuwonbona.' Fai waha no huwanya nga bagu uwa , no dada tigini no lewaha onou heigei nomo huwanyangalenga waha wonga, ji ngalenga letigini, dada waha tigini no lewaha onou heigonbona. ²⁴ Tere hauya bonade dada ete tigini tei nomo huwanyatege onou ngalenga dewonga wa, tere dada waha tagu ganga, ariya ji letigini, dada waha tere leya onounga heigon bona. ²⁵ Saini tere jaidu otoduhauya bonade, fai ete no inyabamu tigai waha ninategeisei mata bonade wonga, tere nomo une ulu fuwagu.Ono wadenga tebere Ametege ha laluwa langa yafana waha no tebere une ulu tagonbona.'' ²⁶ undefined. ²⁷ Giduhaigou Itou no nomo Disaipel bagu ege goi Jerusalem langa heigane. Onodu Giduhaigou Itou no Tempel nomo orei hubenou wanya gamu langa golo gainga, nere pris aroro bagu nuni bele isou fai bagu nere mora bagu, nere Giduhaiou Itou bagu mayaneha. ²⁸ Nere maidu benou isoki tuwane, ''Ne unyite anyakaro bagu, danga bagu, alanga tedu boni dada benouha waha ononi? Faiwei no unyite unyite anayakaro beha hinidu bona haruwe beha hinidu bona haruwe beha tei nomo bona lehinaiha?'' ²⁹ Ono wanenga Giduhaigou Itou lenigai, ''Ji fere dada ete boni isoki tigon boni. Tere yame isokiwou beha ege gidu tigini lehibonade wonga, faiwei ji haruwe beha tei nomo unyife anyakaro hiyai waha letigon boni. ³⁰ Saini Jon no fai yage bisemu nigai waha tere ha laluwa nomo dada iya yo, uwa,ewe fai neberenga dada iya? Tere ege gidu lehiyagu.'' ^{31 32 33} Ono wainga nere nage-nage benou leguruwane, ''Ere benou lewoya, 'wa ha laluwa nomo dadai, 'wa no lewon bona, 'Ariya tere tate boya no boya huwanyatege ngalenga wegu uwa? Onou wa ere benou lewei mata woya, 'Wa ewe fai neberenga dada,'bele waha fere edo uwa.'' Onou leguruwane, tate bode, nere fai-aita bagu umuge nigane. Nerefai-aita bagu oruwanga iside Jon no profet tigini.