¹ Gai erinjge amina pris aroro bagu, nere mora bagu, nuni bele isou fai bagu, kaunsel bagu, nere oruwanga bele ngado dedu dada onou wodbode waha koto wane. Onndu inga nere giduhaigou Itou baklain langa dege tudu bode, haudu togoi pailot owo langa tafaneha. ² ono wanenga pailot Giduhaigou Itou benoui isoku tuwai, " Ne Juda nebereletuwai, "Ne nage leni onounga." ³ Pris aroro nere Giduhaigou Itou go bode bele baingaro tafaneha, ⁴ Ono wanenga Pailot no ege beno isoki tuwai, "Ne bele ete ada gidu lewau yo? Nere bele baingaro ne gete bode tafane waha ne amina isinaha." ⁵ Ariya Giduhaigou Itou no bele ete te gidu lewei uwa, ono wainga Pailot ninau baingaro isaiha. ⁶ Haga orei oruwa bori nomo fati anyakaro waha langa, Pailot no fai dagou mataha etenga awa tutuna. Fai-aita bagu nere nage fai dagou mata langa yafana waha unyi te ganenga, Pailot no fai waha awa tuganga nere bagu goi-goina. ⁷ Sainu waha langa, fai nere gabman bagu ota jaimudu bode, fai ila dunege kote wanenga umeru wane waha dagoou mata langa logosi nigane. Nere gamanege langa fai waha ete unyi Barabas. ⁸ Aiya, fai-aita bagu mai heigedu bode, Pailot no amina ono nigigai waha onounga onowei nomo bona isoki tuwaneha. ⁹ Ono wanenga pailot no nebere bele benou gidu lenigai, "Tere Juda nebere King waha awa tuwehenga tere bogugo yei nomo gaude tigina yo"? ¹⁰ Pailot no onou lewai, wa Tate bona, no alai, Pris aroro nere Giduhaigou Itou bode huwanyanege inyaloa wou wahanga la, nere no haudu bode kot langa goyane. ¹¹ Pris aroro fai-aita bagu Pailot inyangaro jauredu letuwogunga nere Giduhaigou Itou adai awa tuwou. No Barabas awa tuwonga nere bagu mayei nomo bode huwanyanege jaimu naganeha. ¹² Ono wanenga Pailot no ege benou isoki nigai, "Onou wa, fai beha tere Juda nebere King tuya waha, ji adadu ono tuwei nomo gau tigina" ? ¹³ Ono wainga nere ege yauredu benou letuwane, " Nauge abalakawou lango warangu". ¹⁴ Ono wanenga Pailot ono isoki nigaai, "Tate bona? No tate nyabulu waha?" Ono wainge nere inyangaro yauredu hiri bode lewane, " Nauge abalakawou langa warangu". ¹⁵ Ono wanenga Pailot no fai-aita bagu edegamu nigona onowai. Onodu no Barabas awa tuwainga nere bagu goyai. Onodu no lewainga ota fai Giduhaigou Itou falagat ulu tumane. Inga no Giduhaingou Itou nauge abalakawou langa warei nomo bona, ota fai owonenge langa taifai. ¹⁶ Ota fai ila nere Giduhaigou Itou haudu gabman mata nomo orei huwanya langa goidu bode, ota fai oruwanga yaure niganenga mayaneha. ¹⁷ Nere kolos giriwou ete Giduhaigou Itou tanimu fuwaneha. Onodu nere malu kudina bagu elegedu King nomo teteri dorofe atitu bode, mora langa tanimu fuwane. ¹⁸ Onodu benou letuwane, "Juda nebere King", ¹⁹ Ono bode hobu ete tedu mora gulawane. Onodu bisinga tuwane. Onodu afenge tuburu kutudu fai unyinege anyakaro nigei nomo onoya dorofe ono wane. ²⁰ Nere no memesi tuwou dada waha, oruwanga ono borodu bode, kolos giriwou waha ulu fuwane, onodu nogo nomo kolos waha ege tanimu fudu, nauge abalakawou langa tofiye tyuwei nomo hhaudo goyaneha. ²¹ Fai ete nomo unyi Saimon, no Sairini taonha, no maidu bona taon huwanya goyona onowai. Saimon no Aleksandria Rufus ngare amenere. Ono gaing ota fai nere haudu bode letuwanenga Giduhaigou Itou nomo nauge abalakawou aulai. ²² Nere Giduhaigou Itou haudu haumu ete langa goyane, unyi Golgata. Unyi waha nomo hugu beno, Moranege ngedo nomo haumu. ²³ Nere wain marasin bagu ubulumu wane waha, Giduhaigou Itou tuwode ono wane. Ariya no nyei uwa. ²⁴ Ono wainga, nere ota fai Giduhaigou Itou nauge abalakawou langa tofiye tuwane. Onodu , no nomo kolos dada oruwanga nere nage wesedu eleganeha. Nere faiwei no dada adoha tonbona waha, abitimuwou tuntani hiri waneha. ²⁵ Nere eringe 9 kilok, kilok langa Giduhaigou Itou nauge abalakawou langa tofiye tuwaneha. ²⁶ Onodu nere fai kot langa tafa nigidu bode, bele yerege yeregede haumu langa, nere bele benou yeregane, "Juda nebere King." ²⁷ undefine ²⁸ Giduhaigou Itou hinomu langa, fai nga nononga nauge abalakawou langa tofiye nirane, yebu fai bagu waragou fai bagu. Ete Giduhaigou Itou owo hilou langa, ete nomo owo kenau langa. ²⁹ Ono wanenga fai-aita bagu goi-goi mai-mai bode, memesi bele letuwaneha. Nere moranege aya bode benou tatuwane, " Ne tempel koresedu boni, fati einga langa tafagou. ³⁰ Elebe ne nagewe hoyowau. Ne nauge abalakawou awadu heigedu mau." ³¹ Pris aroro bagu, nuni bele isou fai bagu, nere memesi bele letuwaneha. Nere nage benou leguruwane, " No fai ila hoyo nigai, ariya no nogo hoyo tuwei nomo edo uwa. ³² Fai beha Itou nomo fai-aita bagu, gidu hanigei nomo hangada tuwai. Iserael nebere King beha, no edo nauge abalakawou awadu heigedu monga uredu,huwanyage ngalenga wanbona." Fai nga nononga Giduhaigou Itou hinomu langa, nauge abalakawou langa neriane waha, nere fere Giduhaigou Itou memesi bele letuwareha. ³³ Honga gama 12 kilok langa, agugu oula oruwanga kutaudu inyi gainga goi 3 kilok esua langa heigai. ³⁴ 3 kilok esuwa, Giduhaigou Itou no inyangaro yauredu benou lewai, "Elo-i, Elo-i, lama sabatani?" Bele beha nomo hugu benou, " Yame Itou, Yame Itou, ne tate boni awa hinaha? ³⁵ Ono wainga fai ila jugu la otowane waha, bele waha isidu bode benou lewane, "Isagu, no Elaija yaure tuna." ³⁶ Fai ete guriyedu goidu bona spons ete tedu wain langa tafai, wain spons langa bolo wainga dumuga ete langa dagedu, Giduhaigou Itou nyei nomo bona tuwaiha. Onodu fai waha lewai, "Itari gadenga, uredu boya. Elaija medu haudu teme tafa tuwona ru? " ³⁷ Giduhaigou Itou no inyangaro uidu bona umaiha. ³⁸ Ono gaing ogola anyakaro tempel huwanya langa tofiyou waha, mutu ouwe langa koraidu teme esene langa kaitai. Ogola korsiwai waha nomo matau nga heigai. ³⁹ Ono wainga. ota fai nebere ketpen no Giduhaigou Itou hinomu langa oto bona, Giduhaigou Itou onou langa umainga uredu benou lewai, " Ngalenga tigini, fai beha no Itou Idau." ⁴⁰ Aita ila fere menenga baae langa igei bode oto wane. Nere waha nebere gamanege langa ete no Maria Makdala taonha. Maria ete waha ne Jems jabumu Josep ngare neire anyanere. Ete waha no Salome. ⁴¹ Saini Giduhaigou Itou no Galili langa yafa gainga, aita waha nere no ojo tubode hoyo tuwaneha. Aita ila fere baingaro yafane, nere Giduhaigou Itou ojo tuwanenga gara Jerusalem mananeha. ⁴² undefine. ⁴³ Esuwa gainga, Josep Arimatea taonha, no mayai. No kausel ete, onodu no dai-aijta bagu agenege langa unyi hilobainga. No fere Itou nomo huna langa yafou waha uronbona itari-itarina. Ira onou,Juda nebere Bori nomo fati heigon bona, ariya elebe onou waha dada haiyawei nomo saini. Waha bona Josep no gamu goidu, Pailot hogo langa umugou uwau oto bona, Giduhaigou Itou gogala awa fuwonga tonbona waha Pailot isoki tuwaiha. ⁴⁴ Ono waiga Pailot ninau baingaro isai, onodu isoki tuwai, "Na umaha yo?" Onodu ota fai nebere kepten yaure tuwainga mayainga isoki tuwai, " Giduhaigou Itou umaha yo owa?" ⁴⁵ Pailot no kepten langa bele isidu bona, Josep no Giduhaigou Itou gogala edo tei nomo bona letuwaiha. ⁴⁶ Ono waiga, Josep no kolos kamba, Giduhaigou Itou gogala tedu temai. Onodu kolos kamba ;anga kuromu tudu bona, tedu togoi matmat ete langa tafa tuwaiha. Matmat waha megebu u-u ete fai nere nage kulu waneha. Onodu Josep no megebu ete ubeelum wainga maidu u-u waha fosokowai. ⁴⁷ Maria Makdalaha, no Maria, Josep anya ngare igei bodere oto garenga, nere Giduhaigou Itou gogala tedu togoi tafa tuganenga urare.