¹ Farisi nere nuni bele isou fai ila bagu komodu bode, Jerusalem goidu Giduhaigou Itou uraneha. ² Nere goidu bode Giduhaigou Itou nomo disaipel ila, nere owonege hugegu uwa , da nyi ganenga nerigane. ³ Farisi nere Juda oruwanga bagu, nere asanege gane nebere fanyinege ojo-ojode. Onou waha bode, nere owonege ada huge dewode wa nere da fasadu ada nyode. ⁴ Saini nere maket langa goidu ege gidu maidu bodu, yage ada bisei mata woda wa, nere da ada nyode. Onodu nere asanege gane nebere onowou ila fere baingaro elegane waha ojo-ojode wa benou, nere kap bagu haya bagu tauwe bagu kabali dada hugeru-hugerude. ⁵ Ariya Farisi bagu nuni bele isou fai bagu nere Giduhaigou Itou benou isoki tuwane, ''Ne name disaipel nere tate bode ere ebere asage gane nebere fanyinege ada ojo-ojode? Nere owonege jijiga bagu da nyide.'' ⁶ Ono wanenga Giduhaigou Itou no benou lenigai ,'' Profet Aisaia no tere yawawou faibona not tiginai isi tigai. No bele benou yeregaina ,' Nere fai-aita bagu behanere ewe huranege langanga unyife isoude, nebere huwanyanege ninanege bagu ji gai bae hidu inyina. ⁷ Nere ewe fai nebere nuni bele wahanga malalamu bode lede, ''Beha wanw itou nomo bele.'' ono bode nere ji unyife ewe isouisoude.' ⁸ Tere itou nomo nuni bele amina aweyene, tere fai nebere onowou wahenga danga bagu yasu yasuya.'' ⁹ Onodu Giduhaigou itou no ege benou lenigai,'' tere itou nomo nuni bele feiya boya tebere fanyitege wahanga ojowei nomo mai deweyeha. ¹⁰ Moses no lewai,' ne anyane amene ngare neire huna langa yafa bonane neire bele ojownani , onodu fai no umamu yo,anya yo, bele inyaba letuwona wa,no umonbona. ¹¹ Onou wa tere benou leleya, ' Fai ete no megemu dada umama ya anya noya tuwei nomo inyonbona, ariya no leniron bona,'' megemu beha ji itou tuwei nomo boni hangada nana inyina,'' ¹² Ariya fai waha no umamu anya ngare hoya nirei nomo dada adai onowou. ¹³ Onon waha bona tere onowon asatege gane langa tei waha boya, itou nomo bele lieiya. Ono boya tere fanyimu onouha waha baingaro ono-onoya.'' ¹⁴ Giduhaigou Itou no fai-aita bagu ege yaure nigidu bona benou lenigai , Tere oruwanga yama bele isidu bonade ninatege isi dewagu. ¹⁵ Dada fai ete langa malala inyidu ,fai huwanya langa goyona waha no fai jijiga ada tuwonbona . ¹⁶ Dada fai huwanya langa iniyidu malala langa heigena waha no fai jijiga tuwonbona.'' ¹⁷ Onodu Giduhaigou itou nofai aita bagu awa nigidu bona mata langa goyaiha .ono gainga nomo disapel nere no muji bele lenigai waha nomo hugu isei nomo bode isoki tuwane. ¹⁸ Ono wanenga Giduhaigou Itou no benou lenigai, ''Tere fere ninatege uwau yo?Dada oruwanga malala fai langa inyidu, fai huwanya langa goidu jijiga ada tuna waha tere alai uwa rute? ¹⁹ Ji benou lenaha , tate bona, dada onouha waha fai huwanya langa tigini ada mini minina. Uwa. No fai hewenege anya langa mini ganga,inga nere hewenege yagu ganenga mata menekele la mini -minina. ''Giduhaigou Itou no bele waha langa no benou lewai, ''Da oruwanga Itou ago langa nere jijiga uwau.'' ²⁰ Onodu Giduhaigou Itou no ege lewai , '' Dadano fai huwanya langa inyidu bona malala langa heigena waha no fai jijiga tutuna. ²¹ Ji dada hogo fere-fere fai ninau langa heigena waha boni leni, wa dada benou waha, Isou inyaba longi tafou, yebuwei nomo fanyimu, fai dunege kotewei nomo fanyimu bagu, ²² fai-aita te guruwou waha longi tafou , agenege warou , onowou inyaba , bele yawawou, edegawou, huwanyage inyaba, gonga ila bele inyaba lenigou, feto bode dabu tayou fanyimu onowou. ²³ Onowou inyaba beha oruwanga fai huwanya langa inyidu malala heigena waha no Itou ago langa fai jijiga tutuna.'' ²⁴ Giduhaigou Itou no jaidu matane waha awadu bona ulate taon Tair langa goyaiha . Onodu no mata ete huwanya langa goyai, no fai ete te no walanga yafana iwou isei nomo awai. Onowai waha , huwaridu yafei nomo edo uwa. ²⁵ Aita ete Giduhaigou Itou walanga yafana iwou isaiha. Aita waha no nomo mago waha no hauri inyaba bagu. Aita waha no fasayadu maidu bona Giduhaigou Itou afo hugu langa afo tuburu kutudu yafai. Aita waha no ha mata eteha. ²⁶ Aita waha no Fonisiaha, kantri Siria langa inyina. No mago hauri inyaba so fuwei nomo bona bele danga bagu giduhaigou Itou isoki tuwai. ²⁷ Ono wainga Giduhaigou Itou no benou letuwai,''Ere amugedu gare mene-mene danigidu. Gamaji ere gare mene-mene nebere da elegedu gauna ayaru nagoga.'' ²⁸ Ono wainga aita waha no Giduhaigou Itou nomo bele ege gidu benou letuwai,''Anyakaro, gauna kabali huna langa jiride, nere fere magana mene-mene nebere da tuturumu nyi-nyide.'' ²⁹ Ono wainga Giduhaigou Itou no aita waha letuwai, " Ne onou leni bona, ne dabu ege goyau. Hauri inyaba ne name magene anina awa tuwaha." ³⁰ Ono wainga aita waha no ege gidu nomo mata langa goidu bona hauri inyaba nomo magana waha tuwainga, kabali langa inyi gainga uraiha. ³¹ Ariya Giduhaigou Itou no ege jaidu Tair ulate waha awadu Saidon taun nomo distrik goiyaiha.No gai goidu Dekapolis ulate langa heigedu bona Galili yage katiwou langa goi heigaiha. ³² Ono wainga fai ete agokuli fosokowou onodu munyagu ou bagu ,no bele ledewei nomo edo uwa,nere haudu bode Giduhaigou Itou bagu mayaneha.Onodu Giduhaigou Itou no fai waha langa owo tafei nomo bode isoki tuwane. ³³ Ono wanenga Giduhaigou Itou no fai-aita bagu awa nigidu,fai waha hawainga goidu nere narenga yafare.Onodu Giduhaigou Itou no fai waha agokuli nga langa owo jirou tafai.Onodu inga nogo owo jirou langa mulugu bisingadu bona fai waha munyagu langa tafaiha. ³⁴ Onodu giduhaaigou Itou no ha laluwa fele tugainga merou mayainga houwe danga bagu tai.Ono bona fai waha benou letuwai,''Efata.'Waha nomo hugu benou,''Ne fokowau.'' ³⁵ Ono wainga fai waha agokuli fasayadu foko tu bona,dada muyagu ou tuwai waha faa tuwainga bele ledewei nomo edo isaiha. ³⁶ Onodu gidhaigou Itou no fai - aita bagu nere ada urane wana fai ete te adai hai fuwei nomo bona dangu bagau karu nigaina. Ariya uwa, nere bele waha malalamuwei nomo bode danga tafaneha. ³⁷ Ono Wanenga fai-aita baga bele waha isidu bode horoto wane, onode lewane, " No dada oruwanga onona waha dada hilobainga wahanga onona. No agenege kuli fokomu nagi ganga bele iside, fai huranege fosokowou bele lede."