87
1
اون خو شهرَ کوهایِ مقدسِ رو بنا بوکوده.
2
خداوند اورشلیمَ دوست دَأره، ویشتر جی اسرائیلِ دیگر شهران.
3
ای خدا شهر، خُرمه چیزایی کی اون دربارۀ تو گویه یَ گوش بوکون.
4
مصر و بابِل، مملکتانی ایسد کی مرَه شنَأسد و فلسطین و صور و حبشه تی شیند ای اورشلیم.
5
دربارۀ اورشلیم گوید کی همۀ دونیا قؤمَأن اونِ شیند، و خدایِ مُتعال خودش اونَ قوی و اُستوار کونه.
6
اونموقعی کی خداوند اُمتانِ نامانَ ثبت کونه، اَطو نیویسه، اَن اویَ بودونیا بأمو دَأره.
7
کسانی کی رقص کوند و سرود خَأند همدیگرِ اَمرَه گوید: همۀ اَمی برکات و اَمی خوشی یانِ سرچشمه، اورشلیمه.