86 ¹ خداوندا، مرَه گوش بوکون و می دوعایَ مستجاب بفرما، چره کی ضعیف و بی یاورم. ² می جانَ مرگِ جَه نجات بدن، چره کی ترَه وفادارم، تو می خدایی، تی بنده کی ترَه توکل دَأره یَ نجات بدن. ³ خداوندا، مرَه فیض عطا بوکون، چون همۀ روز تی درگاه دوعا کودَأن دَأرم. ⁴ خداوندا، خودتِ بنده یَ شادَه کون، چره کی فقط ترَه پرستش کونم. ⁵ تو ای خداوند، اوشَأنی کی ترَه دخَأندِه رِه رحیم و بخشنده ای. ⁶ ای خداوند، می دوعایَ اجابت بفرما و می ناله یَ متوجه بوبون. ⁷ گرفتاری موقع تی حضورِ جَه دوعا کونم، چره کی تو می دوعایَ مستجاب کونی. ⁸ ای خداوند، خدایِ دیگری تی مَأنستَأن وجود نَئره، و هیچ کس نِتَأنه کارایی کی تو انجام دهی یَ انجام بده. ⁹ ای خداوند، همۀ قؤمهایی کی خلق بوکوده ایی اَید و تی حضورِ جَه سجده کوند، و تی نامَ عزیز دَأرد و ستایش کوند. ¹⁰ چره کی تو پیلدانه ای و معجزه کونی، فقط تو خدایی. ¹¹ ای خداوند، تی راهَ مرِه یاد بدن تا تی راستی میَأن راه بوشوم، مرَه یاری بوکون تا همۀ دیلِ اَمرَه و بدون شک تی نامِ جَه ترسان بوبوم. ¹² ای خداوند ای می خدا، ترَه جی تَه دیل شُکر کونم و تی نامِ عظمتِ جَه گویم، و اونَ تا اَبدالآباد جلال دهم. ¹³ چره کی در حقِ من رحمتِ عظیم بوکوده ای، تو مرَه جی مرگ نجات بدَه دَأری. ¹⁴ خدایا، مردمِ مغرور بر علیه من ویریشته دَأرد و خیانتکاران می جانِ قصدَ دَأرد، اوشَأن تی جَه ترسی نَئرد. ¹⁵ تو ای خداوند، تو خدای رحیم و کریمی ایسی، صبر دَأری و وفادار، و پور جی رحمت و راستی ایی. ¹⁶ مرَه ملتفت بوبون و رَحم بفرما، خودتِ قوّتَ تی بنده یَ فَأدن و تی کنیزِ پسرَ نجات بدن. ¹⁷ ایتَه خُرمه علامت خودتِ احسانِ جَه مرَه مرحمت بوکون، تا اوشَأنی کی می جَه نفرت دَأرد اونَ بیدیند و شرمنده بوبود، چون ای خداوند تو مرَه یاری بدَه ایی و آرامَ کوده ای.