88 ¹ ای یَهوَه، ای می خدا، ای می نجات دهنده، شب و روز تی حضورِ جَه ناله کونم. ² می دوعا به تی حضور بِرِسه، می ناله یَ گوش بوکون. ³ می زندگی پورَه بوسته جی رنج و مصیبت، می جان به لب فَأرسه دَأره. ⁴ همۀ می قوّت جی میَأن بوشو دَأره و کسی مَأنستَأن بوبُسته دَأرم کی مرگِ رَأفأ ایسَه. ⁵ مُرده یانِ مَأنستَأن جی خاطر بوشو دَأرم، بمرده آدمی یَ مَأنم کی اونَ قبرِ دورون بنَه دَأرد و تو اونَ به یاد نَأوری و تی لطفِ جَه محرومه. ⁶ مرَه عمیق ترین گورِ دورون تَأوأدَأیی، تاریکی و ظلمتِ دورون. ⁷ تی غضب می رو سنگینی کونه و مرَه تی خشمِ توفانَ مبتلا بوکودی. ⁸ می آشنایانَ می جَه دور و بیزارَه کودی ایی، اونچنان گرفتارَه بوستم کی نِتَأنم خودمَه خلاصَ کونم. می چومَأن جی غصه تارَه بوسته، ای خداوند هر روز تی حضور دوعا بوکودم، و تی جَه درخواست کمک بدَأشتم و می دسَ تی طرف درازَ کودم. ⁹ می آشنایانَ می جَه دور و بیزارَه کودی ایی، اونچنان گرفتارَه بوستم کی نِتَأنم خودمَه خلاصَ کونم. می چومَأن جی غصه تارَه بوسته، ای خداوند هر روز تی حضور دوعا بوکودم، و تی جَه درخواست کمک بدَأشتم و می دسَ تی طرف درازَ کودم. ¹⁰ آیا مُرده یانِ رِه معجزه کونی؟ آیا مُرده یان ویریزد و ترَه شُکر کوند؟ ^{11 12} مگر اوشَأنی کی قبرِ دورون ایسَأد تَأند تی رحمت و وفاداری جَه گب بزند؟ آیا اون تاریکِ جا میَأن، تی معجزه یان بیدِه بِه؟ یا فراموشی دیارِ میَأن تی عدالت اعلام بِه؟ ¹³ ولی من ای خداوند، هر روز صبح تی درگاهَ دوعا کونم و تی جَه کمک خَأیم. ¹⁴ خداوندا، چره می جانَ ترکَ کوده ای؟ چره تی رویَ می جَه وَأگردَأنی؟ ¹⁵ جی اون کوچیکی رنج و گرفتاری میَأن ایسَه بوم و همیشه مردنَ نزدیک بؤم، تی تنبیه کودَأنِ ترسِ وَسی عذاب کشَأن درم. ¹⁶ تی خشمِ آتش، مرَه جی پا تَأوَأدَه دَأره، تی ترسناک کاران مرَه هلاکَ کوده دَأره. ¹⁷ تی خشم و تی ترس جی هر طرف سیلِ مَأنستَأن می دؤرَه بیگیفته دَأره. ¹⁸ تو حتی می دوستان می یارانَ می جَه دورَه کوده ای، می تنها همدم تاریکیه.