74 ¹² ای خدا، تو جی قدیم می پادشاه بویی، تو بارها اَمرَه نجات بدَأیی. ¹³ تو تی قدرتِ اَمرَه دریایَ وَأشکافتی و نهنگانِ سرَ آبِ میَأن بیشکینه ای. ¹⁴ تو پیلدانه نهنگانِ سرَ فوکوفتی و اونَ صحرا نشینانِ خوراک بوکودی. ¹⁵ تو چشمه و دغن جاری بوکودی، و رودهایی کی همیشه آب داشتدَ خوشکَ کودی تا تی قؤم دوَأره. ¹⁶ شب و روز تی شیند، نور و خورشیدَ تو برقرار بوکوده ایی. ¹⁷ جهانِ نظم و نظام تی شینه، زمستان و تابستانَ تو بوجود بأورده ایی. ¹⁸ اما خداوندا، بیدین تی دوشمنان چوطو ترَه مسخره کوند، و جاهلِ مردمان ترَه توهین کوند. ¹⁹ تی ضعیفِ کبوترَ پرندۀ وحشی چنگ نسپار، تی قؤمِ بیچاره یَ تا اَبد فراموشَ نوکون. ²⁰ پیمانی کی اَمی اَمرَه دوسته ای یَ بیاد بأور، چره کی شریران، اَمی سرزمینِ تاریکِ جاهانِ میَأن کمین بوکوده دَأرد. ²¹ مظلومانَ رسوا نوکون، فقیران و بیچاره یانَ نجات بدن تا تی نامَ ستایش بوکند.