63 ¹ ای خدا، تو می خدایی، سَحرِ موقع ترَه طلب کونم. زمینِ خشک و بی آبِ میَأن می روح تی عطشَ دَأره و می جان تی اِشتیاقَه. ² من قُدسِ دورون ترَه فَأندرستم تا تی قدرت و جلالَ بیدینم. ³ تی محبت مرِه زندگی جَه شیرینتره، پس می لبان ترَه ستایش کوند. ⁴ تا زنده یم ترَه شُکر کونم و می دستانَ دوعا رِه تی درگاه طرف درازَه کونم. ⁵ می جان سِئرَ بِه اِنگار کی بهترین غذایَ بوخورده دَأرم، می دهن شادی اَمرَه ترَه شُکر کونه. ⁶ شبان وختی شؤم رختخوابِ دورون ترَه یاد اَورم و همۀ شب دربارۀ تو فکر کونم. ⁷ چره کی تو همیشه مرَه یاری بدَه دَأری، پس تی بالانِ جیر شادی کونم. ⁸ من ترَه تکیه بوکودِم و تی راستِ دس مرَه محافظت کونه. ⁹ و اوشَأنی کی می جانِ قصدَه دَأرد هلاکَ بود و فرو شُد زمینِ دورون. ¹⁰ اَشَأن شمشیرِ اَمرَه میرد و شئالانِ غذا بود. ¹¹ ولی پادشاه پیروزی ایی وَسی کی خدا اونَ عطا بوکوده افتخار کونه، ولی دوروغ گویانِ دهن دوَسته بِه.