54
1
ای خدا، خودتِ نامِ قدرتِ اَمرَه مرَه نجات بدن و خودتِ قوّتِ اَمرَه می جَه دفاع بوکون.
2
ای خدا می دوعایَ بیشتَأو و می گبانَ گوش بوکون.
3
چون بیگانه یان بر ضدِ من ویریشته دَأرد و ظالمان می جانِ قصدَ دَأرد. اوشَأن کسانی ایسد کی ترَه نشناسد.
4
ولی خدا می یاوره، خداوند می جانَ حفظ کونه.
5
اون می دوشمنانَ اوشَأنِ گوناه وَسی جزا دِهِه. خودتِ راستی وَسی اوشَأنِ ریشه یَ بکن.
6
خداوندا خودمِه مِیل و خواستِه اَمرَه ترِه قربانی تقدیم کونم. ترَه شُکر کونم چره کی مهربانی.
7
تو مرَه جی همۀ می مشکلات خلاصی بدَه ایی. و من، می چومانِ اَمرَه می دوشمنانِ شکستَ بیدم.