53 ¹ احمق خو دیلِ میَأن گویه کی خدایی وجود نَئره، اَشَأن فاسدَه بوسته دَأرد و زشتِ کاران انجام دهد و ایتَه کار ثواب هم اَشَأنِ جَه سر نزنه. ² خدا جی آسمان مردمَ فَأندرست تا بیدینه آیا آدمِ فهمیده ای وجود دَأره کی خدا طالب بیبه. ³ همۀ اَشَأن مُرتدَه بوسته دَأرد و همه تَه فاسدَه بوستد، حتی ایتَه دوروستکارم اوشَأنِ میَأن نِئسَه. ⁴ خدا وَأورسه: آیا اَ گوناهکاران شعور نَئرد کی می قؤمَ نانِ مَأنستَأن قورتَ دَئَن درد و خدایَ بخاطر نَأورد؟ ⁵ ولی ایتَه موقع کی انتظار نَئرد چنان به وَحشت دکفد کی هیچموقع پیشتر جی اون اوطو نترسِه بود، چره کی خدا تی محاصره کوننده یانِ اُستخوانانَ پراکندَه کونه، تو اوشَأنَ شرمنده کونی، چون خدا اوشَأنَ ردَ کوده. ⁶ کاش اسرائیلِ نجات صَهیونِ جَه بأیه. وختی خدا خو قؤمَ اَسیری جَه آزادَه کونه، یعقوب خوشحالَ بِه و اسرائیل شادی کونه.