5 ¹ ای خداوند، می گبانَ بیشتَأو و می ناله یَ توجه بوکون. ² ای پادشاه و ای می خدا، می فریادِ صدایَ گوش بوکون، چره کی تی درگاهَ دوعا کودَأن درم. ³ خداوندا، صبحأن می صدایَ ایشتَأوی، صبحأن تی درگاه دوعا کونم و انتظار کشم. ⁴ تو خدایی نی ایی کی شرارتِ جَه لذت بوبوری، و گوناهکاران تی ورجَه ساکن نوبود. ⁵ کسانی کی خوشَأنِ جَه تعریف کوند تی حضورِ جَه نِتَأند بِئسِد و تو همۀ شریرانِ جَه نفرت دَأری. ⁶ تو دوروغگویانَ هلاکَ کونی. خداوند قاتلان و حیله گرانِ جَه بیزاره. ⁷ ولی من تی محبتِ عظیمِ وَسی اَیم تی خانه بودورن، و ترس و احترامِ اَمرَه تی مقدسِ معبدِ طرف ترَه عبادت کونم. ⁸ خداوندا، دوشمن زیاد دَأرم تو خودت تی راهَ مرَه نیشان بدن و مرَه هدایت بوکون. ⁹ چره کی اشَأنِ دهنِ جَه راست بیرون نَأیه و اوشَأنِ دیل میَأن فقط شرارته. اوشَأنِ گولو قبری یَ مَأنه کی اونِ درَه بازَه کوده دَأرد، و خوشَأنِ زبانَ چربَ کوند. ¹⁰ خدایا، اوشَأنِ به اوشَأنِ سزا برسَأن و خودشَأنِ دامِ میَأن اوشَأنَ گرفتارَ کون. نافرمانی زیادِ وَسی اوشَأنَ تی بارگاهِ جَه بیرون تَأوَأد، چره کی بر علیه تو شورش بوکوده دَأرد. ¹¹ ولی اوشَأنی کی ترَه پناه اَوردَه شادمان بوکون و وَأهَأل جی خوشی تا اَبد سرود بخَأند، خودتِ سایه جیر اوشَأنَ محفوظ بدَأر و کسانی کی تی نام دوس دَأردِ دیلَ جی شادی پورَ کون. ¹² چون تو ای خداوند، دوروستکارانَ برکت دهی و اوشَأنَ خودتِ مُحبتِ سپرِ مرَه محافظت کونی.