4
1
ای خدا، ای می عدالت، می دوعایَ مُستجاب بوکون. زمانی کی سختی میَأن ایسَه بوم تو می داد فَأرسِه ایی، هَسَه هم مرَه رَحم بوکون و می دوعایَ بیشتَأو.
2
ای آدمیَأن، تا کی مرَه بی حُرمتی کونید؟ تا کی باطلِ چیزَأنَ دوس دَأرید و دوروغِ دونبال شید؟
3
بدَأنید کی خداوند دوروستکارانَ خورِه سیوایَ کوده.
وختی اونَ دخَأنم اون ایشتَأوه.
4
وَأنَألید کی شیمی خشم باعث بیبه گوناه بوکونید. وختی شید شیمی رختخوابِ دورون، آرام بیبید و خودتَأنِ رفتارَ فکر بوکونید.
5
خداوندَه توکل بوکونید و اونِ رِه قربانی ایی تقدیم بوکونید کی اونِ سزاوار بیبِه.
6
خیلیَأن وَأورسد: کیه کی اَمرَه کمک بوکونه؟
خداوندا تی رویِ نورَ اَمرَه بتابان.
7
تو می دیلَ شادَ کودی، ویشتر جی شادیه اون مردمی کی وختی دیند اوشَأنِ محصول و شراب فراوانه.
8
آسوده شُم رختخوابِ دورون و خوسم، چره کی تو ای خداوند، فقط تو مرَه امنیتِ میَأن دَأری.