37 ¹ مردمِ شرور وَسی ترَه ناراحتَ نوکون و اوشأنَ حسودی نوکون. ² اوشَأن به زودی گیاهِ مَأنستَأن پژمرده بود و سبزِ علفِ مَأنستَأن خوشک بود و جی میَأن شُد. ³ خداوندَه توکل بوکون و دوروستکار بوبون تا تی زمینِ رو امنیت میَأن زندگی بوکونی. ⁴ خداوندِه مرَه خوش بوبون و اون تی دیلِ خاسته یَ ترَه فَأده. ⁵ خودتَ بیسپار خداوندَه و اونَ توکل بوکون، اون ترَه کمک کونه. ⁶ اون تی بی گوناهی یَ روزِ مَأنستَأن روشنَ کونه. ⁷ خداوندِه حضورِ جَه ساکت بوبون و صبرِ اَمرَه اونِ کارانِ رأفأ بِئس، کسانی وَسی ترَه ناراحتَ نوکون کی دوروغ و حیله اَمرَه خوشَأنِ زندگی میَأن موفق بود. ⁸ جی غضب و عصبانیت دوری بوکون تا گوناهَ گرفتارَ نیبی. ⁹ شرورِ مردمان جی میَأن شُد، ولی کسانی کی خداوندَه توکل دَأرد زمینِ وارث بود. ¹⁰ شروران خیلی زود نابودَ بود و وختی اوشَأنِ دونبال بگردی نتَأنی اوشَأنَ پیدا کونی. ¹¹ ولی کسانی کی صبوری کوند، زمینِ وارث بود و جی اونِ برکات لذت بورد. ¹² شروران، دوروستکارانِ رِه توطئه دیچیند و نفرتَ اَمرَه اوشَأنَ خیره بِهِد. ¹³ ولی خداوند شرورِ مردکانِ رِه خنده کونه، چره کی دینه اوشَأنِ داوری روز نزدیکَ بوستَأن دره. ¹⁴ شروران خوشَأنِ شمشیرَ بیرون بأورده دَأرد و خوشأنِ کمانَ فَأکشه دَأرد تا فقیران و ضعیفانَ به زمین تَأوَأدد و دوروستکارانَ بوکوشد. ¹⁵ ولی اوشَأنِ شمشیر اوشَأنِ دیلِ میَأن فرو شِه و اوشَأنِ کمان خوردَه بِه. ¹⁶ شخصِ دوروستکارِ ایبچه دارایی، آدمِ شرورِ همۀ مال و ثروتِ جَه بهتره. ¹⁷ چره کی شرورانِ دس ایشکیفه، ولی خداوند دوروستکارانَ سربلندَ کونه. ¹⁸ خداوند کسانی یَ کی اونِ جَه ایطاعت کوندِه مراقبه، اون اوشَأنَ تا اَبدالآباد زمینِ وارث کونه. ¹⁹ بلا و سختی موقع اوشَأن سرافکنده نوبود و قحطی اَیام اوشَأنَ سِئرَ کونه. ²⁰ ولی شروران هلاکَ بود. خداوندِه دوشمنان صحرا گُل مَأنستَأن بزودی جی میَأن شُد و دودِ مَأنستَأن محوَه بود. ²¹ آدمِ شرور قرض گیره ولی پسَ نده، ولی آدمِ صالح سخاوتمندی اَمرَه بخشه. ²² اوشَأنی یَ کی خداوند برکت بَده دَأره زمینِ وارث بود. و اوشَأنی کی خدا لعنت بوکوده دَأره ریشه کن بود. ²³ خداوند اوشَأنی جَه کی رضایت دَأره حمایت کونه و اوشَأنَ به اون راهی کی وَأستی بوشد هدایت کونه. ²⁴ اگر بکفه اونَ آسیبی نرسه چره کی خداوند اونِ دسَ گیره. ³⁹ خداوند دوروستکارانَ نجات دِهه و مشکلاتِ موقع اوشَأنِ پناهگاهه. ⁴⁰ خداوند اوشَأنَ کمک کونه و نجات دِهه، اوشَأنَ شریرانِ دسِ جَه خلاصَ کونه، چره کی اونَ توکل دَأرد.