26 ¹ خداوندا، حُکم بوکون کی من بی گوناهم، چره کی من صداقتِ اَمرَه رفتار بوکودم و بی اَنکی شک بدَأرم خداوندَه توکل دَأشتم. ² ای خداوند، مرَه امتحان بوکون، مرَه آزمایش بوکون، می دیل و وُجدانَ پاکَ کون. ³ چون من تی رحمتَ در نظر دَأرم و تی حضورِ جَه دوروستی اَمرَه رفتار بوکودم. ⁴ نادوروسته مردَکأنِ اَمرَه نینیشینم و مردمِ ریاکارِ اَمرَه همراه نوبوم، ⁵ بدکارانِ جَه نفرت دَأرم و شریرانِ اَمرَه بینیش ویرز نوکونم. ⁶ خودمِ دسانَ شورم تا نیشان بدم کی بی گوناهم و تی قربانگاهَ طواف کونم. ⁷ صدای بلندِ اَمرَه تی ستایشِ رِه سرود خَأنم و تی کارایِ عجیبَ همۀ مردمَ خبر دهم. ⁸ خداوندا، تی خانه یَ دوس دَأرم، اون جایی کی تی جلال اویَ ساکنه. ⁹ مرَه گوناهکارانِ اَمرَه نابودَه نوکون و می سرنوشتَ قاتلان و خونریزانِ مرَه ایتَه نوکون. ¹⁰ مردمانی اَمرَه کی یکسره آزار رِسَأند و رِشوه فَأگیرد. ¹¹ ولی من اونچی کی دوروسته یَ انجام دهم، پس مرَه رَحم بوکون و نجات بدن. ¹² خداوند مرَه خطرِ جَه نجات دِهه و من اونَ همۀ مردمِ ورجَه ستایش کونم.