20 ¹ خداوند ترَه روزِ سختی و بلا میَأن اجابت بوکونه، یعقوبِ خدا تی جَه محافظت بوکونه. ² خداوند خو مقدسِ معبدِ جَه ترَه کمک اوسه کونه و جی صهیونِ کوه ترَه حمایت بوکونه. ³ همۀ تی هدیه یانَ به یاد بأوره و تی سوختنی قربانی یانَ قبول بوکونه. ⁴ تی دیلِ نأجِه یَ ترَه فَأده و تی نقشه یان به انجام برسه. ⁵ اَمَأن وختی بیشتَأویم تو پیروزَه بوسته دَأری خوشحالَ بیم و به اَمی خدا نام پیروزی پرچمَ راستَ کونیم. خداوند همۀ تی دوعایانَ مستجاب بوکونه. ⁶ هَسَه بدَأنستم کی خدا خو مسیحَ یاری رِسَأنه و خو مقدسِ مکانِ جَه اونَ اجابت کونه و خو راستِ دسِ قوّتِ اَمرَه اونَ پیروزَه کونه. ^{7 8} اوشَأن شکست خورده و کفد، ولی اَمَأن ویریزیم و اطمینانِ اَمرَه به پا ایسیم. ⁹ ای خداوند، اَمی پادشاهَ پیروزی عطا بوکون و وختی ترَه دخَأنیم و تی جَه کمک خَأئیم اَمرَه اجابت بفرما.