21
1
خداوندا، پادشاه شادمانه جی قوتی کی اونَ ببخشه دَأری، و اَنِ وَسی کی اونَ پیروزَ کودی شادی کونه.
2
تو اونِ دیلِ نأجِه یَ برآوردَه کودی و هیچکودام جی اونِ خواهشانَ ردَه نوکودی.
3
تو خُرمه برکاتِ مرَه بوشویی اونِ پیشواز و ایتَه تاج جی خالصِ طلا بنَأیی اونِ سرِ رو.
4
اون تی جَه عُمر طولانی بخَأست و تو اونَ فَأدأیی، ایتَه عُمر طولانی تا اَبدالاباد.
5
تی کمک اَمرَه جلالَ برسه، تو اونَ عزت و احترام عطا بوکودی.
6
تی برکتان تا اَبد اونِ اَمرَه یه و تی حضور اونَ جی خوشی بینهایت خوشحالَ کونه.
7
پادشاه خداوندِ متعالَ توکل دَأره و خدا رحمتِ وَسی همیشه پایدار ایسه.
8
تی دس تی همۀ دوشمنانَ مسلط بِهه و تی راستِ دس همۀ کسانی یَ کی تی جَه نفرت دَأردَ به چنگ اَوره.
9
وختی ظاهرَه بی اوشَأنَ آتشِ تنورِ مَأنستَأن چَأکونی. خداوند خو غضبِ اَمرَه اوشَأنَ نابودَه کونه و آتش همۀ اوشَأنَ جی میَأن بوره.
10
و اوشَأنِ نسلَ تَأوَأده و اوشَأنِ زَأکأنَ آدمیانِ میَأنِ جَه محوَ کونه.
11
اگرم بر ضدِ پادشاه نقشه ای بکشد و حیله ای بوکوند، موفق نوبود،
12
چره کی تی وَسی اوشَأن عقب نشینی کوند و فرار کوند، اونموقع یه کی تی تیروکمانِ اَمرَه اوشَأنِ طرف نیشانه بیگیری.
13
خداوندا، تی قدرت و جلالِ وَسی ترَه ستایش کونیم و تی عظمتِ ره سرود خَأنیم.