19
1
آسمان خدا جلالَ اعلام کونه و اونِ دسِ صنعتَ اَمرَه نیشان دِهه.
2
روز و شب خدا حکمتَ اعلام کوند.
3
نه حرفی زند و نه اوشَأنِ آواز ایشتَأوسته بِه.
4
ولی با اَنحال اوشَأنِ پیام سرتاسرِ زمینَ فَأرسه و اوشَأنِ کلام همۀ جهانِ میَأن منتشرَه بِه. خیمه ای آسمانِ میَأن خورشیدِ رِه بپا بوکوده،
5
و اون ایتَه دامادِ مَأنستَأن خو حجله جَه بیرون اَیِه و شادی کونان ایتَه پهلوانِ مَأنستَأن میدانِ میان دووِه.
6
جی ایطرفِ آسمان شروع کونه و شتابِ اَمرَه شِه ایطرفه دیگر و هیچ چیزی اونِ حرارتِ جَه در اَمَأن نییِه.
7
خداوندِ شریعت کامله و آدمِ جانَه تازَه کونه، خداوندِه اَوامر قابلِ اطمینانه و ساده لوحانَه حکمت بخشه و حکیم کونه.
8
خداوندِ دستورات راسته و آدمِ دیلَ شادَه کونه. خداوندِه اَوامر پاکه و آدمِ چومَ وأ کونه.
9
خداوندِه احترام نَئن خوبه و اَبدیه. خداوندِه اَحکام حق، و کاملاً عادلانه یه.
10
جی خالصه طلا مرغوبتره و جی خالصه عَسل شیرینتر.
11
تی اَحکام تی بنده یَ هوشیارَه کونه و اوشَأنِ جَه پیروی کودَأن پاداشِ عظیم دَأره.
12
کیه کی خو گوناهانَ تشخیص بده؟ خداوندا، می پنهانی گوناهانَ بیامرز.
13
و وَأنَأل من گوناهانِ عَمدی انجام بدم، وَأنَأل اَ گوناهان مرَه مسلط بوبود، اونموقع بی عیب و بی گوناه بوم.
14
ای خداوندی کی می پناهگاه و می نجات دهنده ایی، می گبان و می دوعایان تی نظرِ جَه قبول بیبه.